မကွေးမြို့မှ SHADE စာပေ၀ိုင်း(၄၅)

မကွေးမြို့မှ SHADE စာပေ၀ိုင်း(၄၅)
၂၅-၉-၂၀၁၁၊ တနင်္ဂနွေနေ့၊ နေ့(၁၂)နာရီကနေ ညနေ(၄း၃၀)နာရီ အထိ မကွေးမြို့၊ ဗိုလ်ချုပ်လမ်း၊ (လက်ရွေးစင် အအေးဆိုင်) မှာ ၀ိုင်းဖွဲ့ပေါင်းဆုံဖြစ်ကြပါတယ်။ ဒီတစ်ပတ် SHADE စာပေ၀ိုင်း(၄၅)ကြိမ်မြောက်ဖြစ်ပါတယ်။ ယနေ့စာပေ၀ိုင်းကို ဧည့်သည်အဖြစ်တက်ရောက်လာသူများကတော့ ဆရာဦးတင်နု( မကွေးတက္ကသိုလ် စာကြည့်တိုက်မှူး (ငြိမ်း)၊ စာပေ၀ါသနာရှင် ကိုကျော်စိန်ဝင်း၊ ဆရာသန်းထွန်း(စကု)၊ ဆရာမောင်(မကွေး)၊ ဆရာ ခေတ္တရာမန်းသန်းမြင့် တို့ရောက်လာကြပါတယ်။ SHADE စာပေ၀ိုင်းတော်သားများကတော့ ဆရာကြီး မကွေးဝင်းမြင့်၊ ဆရာကိုကိုလတ် (ဆည်မြောင်း)၊ ဆရာနေခြည်(မကွေး)၊ ဆရာရေနံ့သာအောင်ချမ်းဇော်၊ ဆရာဇော်မင်းကြည်၊ ပန်းချီဆရာမင်းသူ၊ ပန်းချီဆရာမြင့်ဇော်ဦး၊ ပန်းချီ၊ ဒီဇိုင်းဆရာ ကိုနိုင်ဝင်း နဲ့ စာရေးသူတို့ဖြစ်ကြပါတယ်။ ကျွန်တော်တို့ Shade စာပေ၀ိုင်းဟာ သက်တန်းအားဖြင့် (၁)နှစ်ပြည့်ပါတော့မယ်။ (၁၄-၉-၂၀၁၁- ဗုဒ္ဓဟူးနေ့ထုတ်) ရှိတ်ဂျာနယ် အတွဲ(၅)၊ အမှတ်(၄၀) ကစပြီး ရှိတ်ဂျာနယ်ကို (www.shadejournal.com) အွန်လိုင်းမှာ ဖတ်လို့ရသွားပါပြီ။ ဒါကြောင့် ကျွန်တော်တို့ SHADE စာပေ၀ိုင်းကလည်း အဆင့်မြင့်သွားပါပြီ..။ မြေမြင်ကနေ ကောင်းကင်ပေါ်သို့တက်သွားပါပြီ။ ဒါပေမယ့် ကျွန်တော်တို့ စာပေ၀ိုင်းမှာ ပြောစကားတွေကတော့ အဆင့်နိမ့်နေပါသေးတယ်။ ဒီအတွက် စာဖတ်ပရိပ်သတ်ကြီးအား စာရေးသူက ကျွန်တော်တို့ SHADE စာပေ၀ိုင်းရဲ့အားနည်းချက်၊ လိုအပ်ချက်များကို လေးစားစွာတောင်းပန်အပ်ပါတယ်။ ကျေးဇူးရှင် စာဖတ်သူများအတွက် အလိုပြည့်ဝစေရအောင် ကျွန်တော်တို့ SHADE စာပေ၀ိုင်းတော်သားများမှ တတ်အားသမျှ ဆက်လက်ကြိုးစား အားထုတ်သွားပါ့မယ်ခင်ဗျာ…။
ဒီတစ်ပတ် SHADE စာပေ၀ိုင်းကို ဆရာကြီး မကွေးဝင်းမြင့် ကအဖွင့်နှုတ်ဆက်စကားပြောကြားပြီး ဖွင့်ပေးခဲ့ပါတယ်။ ဆရာ ရေနံ့သာအောင်ချမ်းဇော်ကတော့ ဆရာသော်တာဆွေ ရဲ့(၁၉၆၂၊ဇွန်လထုတ်) မြန်မာ၏ ပြရုပ်များ စာအုပ်ကို ဖတ်ကြားဆွေးနွေး သွားပါတယ်။ ဆရာသော်တာဆွေတို့ (၁၉၆၂)ခုနှစ် အဲဒီခေတ်မှာ မော်တော်ကားတစ်စင်းကို မြန်မာငွေ နှစ်သောင်းကျပ်သာ ပေးရကြောင်း မှတ်သားလိုက်ရပါတယ်။ ဆရာနေခြည်(မကွေး) ကလည်း စာပေ၀ိုင်းမှာ ရှိတ်ဂျာနယ်၊ အတွဲ(၅) အမှတ်(၄၁) ပါတဲ့ ဆရာမကွေးညိုစိမ့် ရေးသားတဲ့ ( မကွေးမြေက SHADE စာပေ၀ိုင်းသို့ ပေးစာ) ဆောင်းပါးကို ခံစား ပြောဆိုဆွေးနွေးပြသွားပါတယ်။ ရန်ကုန်မှာ နေတဲ့ ဆရာမကွေးညိုစိမ့် အား တမ်းတမ်းတတနဲ့ လေးစားစွာ အသိအမှတ်ပြုပြီး ရှိတ်စာပေ၀ိုင်းတော်သားများ အားလုံးက မှတ်တမ်းတင်ဂုဏ်ပြုလိုက်ကြပါတယ်။
ပန်းချီဆရာမြင့်ဇော်ဦးကလည်း ယနေ့ရှိတ်စာပေ၀ိုင်းအား (အွန်လိုင်းတင်ရန်အတွက်) မှတ်တမ်းတင် ဗွီဒီယို ရိုက်ရင်း မအားမလပ်တဲ့ကြားက တင်ပြပြောဆိုဆွေးနွေးပါတယ်။ အောင်လံမြို့ကို ပြန်လည်ပြောင်းရွေ့သွားသူ ရှိတ် စာပေ၀ိုင်းတော် သား ဆရာဘိုမြင့်ရှိန် (အောင်လံ) အား အမှတ်တရအနေနဲ့ အင်္ဂလိပ်စာများကို ဗိုလ်သံပီသစွာနဲ့ ခံစားဖတ်ကြား သွားခဲ့ ပါတယ်။ ဆရာ ဦးတင်နု (အငြိမ်းစား- တက္ကသိုလ်များစာကြည့်တိုက်မှူး) ကလည်း သူတာဝန်ထမ်းဆောင်ခဲ့တဲ့ မကွေးတက္ကသိုလ်၊ ရေနံချောင်း၊ ပခုက္ကူမြို့များမှာ စာကြည့်တိုက်တာဝန်ထမ်းဆောင်စဉ်က စာကြည့်တိုက်များရဲ့ အတွေ့အကြုံများကို အိပ်သွန်ဖာမှောက် အားပါးတရ ပြောဆိုဆွေးနွေးပါတယ်။ ပခုက္ကူမြို့ မှာ အထင်ကရ တည်ထားတဲ့ ပခုက္ကူဦးအုံးဖေ ၏ စာကြည့်တိုက်ကြီးမှာ မတည်ငွေသိန်း(၁၀၀)၏ လစဉ်ဝင်ငွေ ဘဏ်အတိုး တစ်သိန်းကျပ်ဖြင့် ယနေ့ကာလမှာ မလုံမလောက်ဘဲ ဖြစ်နေပါကြောင်း။ စာကြည့်တိုက်ဝန်ထမ်းလစာ ပေးလောက်ရုံသာဖြစ်နေရပြီး စာအုပ်ဝယ်ဖို့အတွက်မှာ အလှူရှင်များကိုသာ မျှော်ကိုးနေရပါကြောင်း ရင်ဖွင့်ပြောဆိုပါတယ်။ မကွေးမြို့မှာ ဆရာဦးတင်နု စေတနာ့ဝန်ထမ်း တာဝန်ယူဖွင့်ထားတဲ့စာကြည့်တိုက်ကတော့၊ ဈေးလယ်စိုးရပ်၊ မဲထီလမ်း၊ မိုးကုတ်ဝိပဿနာရိပ်သာ ပုည၀တီကျောင်းတိုက်အတွင်းမှာ (၂၀၀၈၊ဖေဖေါ်ဝါရီလ(၂၈)ရက်နေ့) ကစတင် ဖွင့်လှစ်ထားတဲ့ (ဓမ္မဂုဏ်ရည်စာကြည့်တိုက် )ကို လုပ်ကိုင်နေပါကြောင်းသိရပါတယ်။ ဒီစာကြည့်တိုက်ကို မတည်ဖွင့်လှစ်ပြီး လှူဒါန်းခဲ့သူ အလှူရှင်မှာ သာသနာ့ဘောင်သို့ ကူးပြောင်းသွားပါကြောင်း၊ ဒါကြောင့် (၄)နှစ်သက်တမ်းကြာပြီးဖြစ်တဲ့ ဒီစာကြည့်တိုက်ကို ဆက်လက် အောင်မြင့်စွာ ဖွင့်လှစ်နိုင်ရန် အလှူရှင်များ လိုအပ်နေပါကြောင်း၊ (ဓမ္မဂုဏ်ရည်စာကြည့်တိုက် ဟု အမည်ပေးထား သော်လည်း) တရား၊ဓမ္မစာအုပ်များသက်သက်သာ ထားရှိခြင်း မဟုတ်ပါကြောင်း၊ သုတ၊ရသ၊ နည်းပညာ စာအုပ်များနဲ့ သတင်းခေတ်ဖြစ်လို့ သတင်းစာများ၊ ဂျာနယ်များ၊ မဂ္ဂဇင်းများ၊ ၀ထ္ထုများ၊ ကဗျာများ စတဲ့ စာအုပ်ပေါင်းအစုံကို ထားရှိပေးပါကြောင်း၊ မကြာမီ ပုည၀တီကျောင်းအတွင်းမှ မဲထီးလမ်းဘက်သို့ မျက်နှာမူပြီး စာကြည့်တိုက်အား ဖွင့်လှစ်လို ပါကြောင်း၊ ဒါကြောင့် ဒီ SHADE စာပေ၀ိုင်းမှာ လာရောက်တင်ပြရင်း အနယ်နယ်အရပ်ရပ်မှ အလှူရှင်များကို ဖိတ်ကြား လိုက်ရပါကြောင်း၊ ဆရာဦးတင်နုက အကျယ်တ၀င့် တင်ပြပြောဆိုသွားပါတယ်။ စာရေးဆရာ ကိုကိုလတ်(ဆည်မြောင်း)မှ စာအုပ်များလှူဒါန်းရန် ချက်ချင်းအမည်စာရင်းပေးသွင်းလိုက်ပါတယ်။ (ယင်းစာကြည့်တိုက်များအား လှူဒါန်းလိုသူများ SHADE ဂျာနယ်တိုက် မန္တလေးရုံးချုပ် နှင့် ရှိတ်ဂျာနယ် မကွေးရုံးခွဲ လိပ်စာ၊ဖုန်းနံပါတ်သို့ ဆက်သွယ်၍ လှူဒါန်းနိုင်ပါကြောင်း လေးစားစွာဖြင့် ပန်ကြား ဖိတ်ခေါ်အပ်ပါသည်။)
ယနေ့ SHADE စာပေ၀ိုင်းမှာ အထူးအစီအစဉ် အဖြစ်တင်ပြသူကတော့ ကိုကိုလတ်(ဆည်မြောင်း)ပါ။ ရှိတ်ဂျာနယ် အတွဲ(၅) အမှတ်(၄၀)မှာ သူရေးသားခဲ့တဲ့ ( တစ်ချိန်တုန်းက ကျောက်ခဲသီချင်း) ဆောင်းပါးထဲက သီချင်းစာသားကို မြန်မာသံစစ်စစ် နဲ့ မူရင်း သီချင်းရေးသားခဲ့သူ ကဗျာဆရာကြီး (ဦး) မျိုးမြင့်ဆွေ ရဲ့ သံစဉ်အတိုင်း ကိုကိုလတ် သီဆိုသွားပါတယ်။ဒီ ကျောက်ခဲသီချင်းကို မြန်မာသံစဉ်နဲ့ တီးခတ်ပေးသူကတော့ ဆရာမောင်(မကွေး)ပါ။ တီးသူကလည်း အားပါးတရ တီးခတ်သွားပါတယ်။ ဆိုသူတေးသံရှင် ကိုကိုလတ်(ဆည်မြောင်း)ကလည်း ဆရာကြီး မျိုးမြင့်ဆွေ သက်ရှိထင်းရှားရှိစဉ်က သီဆိုသွားတဲ့အတိုင်း ( မူရင်းစာသား သုံးကြောင်းမှ လွဲပြီး) သီချင်းမူရင်းကို အတိအကျ ဆိုပြသွားခဲ့ပါတယ်။ စာပေ၀ိုင်းတော်သားများမှာ ဆိုသူ တီးသူ နှစ်ဦးအား ငေးမောကြည့်ရှုအားပေးနေကြပါတယ်။ (မှတ်ချက်။ ကိုကိုလတ် သည် လွန်ခဲ့သော နှစ်လေးဆယ်ကျော်က ဆရာကြီး မျိုးမြင့်ဆွေ ကိုယ်တိုင်၊သီဆိုခဲ့သော ကျောက်ခဲသီချင်း မူရင်း မြန်မာသံစဉ်အား ရိုးရိုးသားသားဖော်ထုတ်ပေးခြင်းသာဖြစ်ပါသည်။ ဒီသီချင်းနှင့် ပတ်သက်ပြီး မည်သူ့ကိုမျှ ထိခိုက်နှစ်နာစေရန် (လုံးဝ)မရည်ရွယ်ပါ။ လွန်ခဲ့သော နှစ်လေးဆယ်ကျော်က ကျောက်ခဲသီချင်း၏ မြန်မာသံစဉ်ကိုသာ ပြန်လည်ဖော်ပြပေးခြင်းဖြစ် ပါကြောင်း။ ကိုကိုလတ်(ဆည်မြောင်း)။ )
ဆရာမောင်(မကွေး) ကလည်း ယနေ့ SHADE စာပေ၀ိုင်းမှာ ကိုကိုလတ်(ဆည်မြောင်း) အား ပါရမီဖြည့်ရင်း အထူးအစီအစဉ်တစ်ရပ်အဖြစ် သူကိုယ်တိုင်ရေးသားစပ်ဆိုလာသော (မကွေးမြို့က SHADE စာပေ၀ိုင်း) သီချင်းအား မြူးမြူးကြွကြွ မြိုင်မြိုင်ဆိုင်ဆိုင် သီဆိုတီးခတ်သွားပါတယ်ခင်ဗျာ..။ (ကိုကိုလတ်(ဆည်မြောင်း)၊ မောင်(မကွေး)တို့ နှစ်ဦး၏ သီဆိုဖျော်ဖြေမှု အား www.shadejournal.com နှင့် www.winkyi.net အွန်လိုင်းမှာ ကြည့်ရှုအားပေးနိုင်ကြပါသည်။)
စိတ် အဟာရပြည့်ဝအောင် SHADE ဂျာနယ်ကိုဆောင်လို့ ဘ၀အတွက် သုတ၊ရသစုံတဲ့ SHADE စာပေ၀ိုင်းသို့သွားကြပါစို့..။

ရွှေလမ်းငွေလမ်းဝင်းကြည်

Penulis : shwelannwelanwinkyi ~ Sebuah blog yang menyediakan berbagai macam informasi

Artikel မကွေးမြို့မှ SHADE စာပေ၀ိုင်း(၄၅) ini dipublish oleh shwelannwelanwinkyi pada hari Saturday, October 8, 2011. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan မကွေးမြို့မှ SHADE စာပေ၀ိုင်း(၄၅)