မကွေးမြို့ SHADE စာပေ၀ိုင်း(၄၈)
SHADE စာပေ၀ိုင်း တစ်နှစ်ပြည့်ပွဲတော်..။
၁၆-၁၀-၂၀၁၁၊ တနင်္ဂနွေနေ့ နေ့(၁၂) နာရီမှ ညနေ(၄)နာရီ အချိန်အထိ မကွေးမြို့ ဈေးလယ်စိုးရပ်၊ မဲထီးလမ်း၊ ပုည၀တီ မိုးကုတ်ဝိပဿနာဓမ္မရိပ်သာကျောင်းဝိုင်း၊ ဗုဒ္ဓဂုဏ်ရည်စာကြည့်တိုက်မှာ ၀ိုင်းဖွဲ့ပေါင်းဆုံဖြစ်ကြပါတယ်။ ဒီတစ်ပတ် SHADE စာပေ၀ိုင်း(၄၈) ကြိမ်မြောက်ဟာ SHADE စာပေ၀ိုင်း တစ်နှစ်ပြည့်တဲ့နေ့ထူး နေ့မြတ်ကြီးပါ။ စာပေ၀ိုင်းကို တက်ယောက်လာသူများကတော့၊ ဆရာကြီး မကွေးဝင်းမြင့်၊ပန်းချီမြင့်ဇော်ဦး၊ ပန်းချီသူရိန်မြိုင်၊ ပန်းချီမင်းသူ၊ စာကြည့်တိုက်မှူး ဦးတင်နု၊ အတွင်းရေးမှူး ကိုကျော်ခိုင်ဝင်း၊ ဘဏ္ဍာရေးမှူး ကိုကျော်စိန်ဝင်း၊ ဆရာဦးဆွေ(ဒဿနိက)၊ ပန်ချီ ဒီဇိုင်းပညာရှင် ကိုနိုင်ဝင်း နဲ့ စာရေးသူတို့ဖြစ်ကြပါတယ်။
SHADE စာပေ၀ိုင်း တစ်နှစ်ပြည့်စကားဝိုင်းကတော့ မြိုင်မြိုင်ဆိုင်ဆိုင် ပြောဆိုဆွေးနွေးကြပါတယ်။ စာပေ၀ိုင်းထုံးစံအတိုင်း ဆရာကြီး မကွေးဝင်းမြင့်က စတင်အဖွင့်ပြောဆိုပါတယ်။ ဒီတစ်ပတ် ခေါင်းစဉ်ပေးပြီး ပြောဆိုဆွေးနွေးကြတဲ့ အကြောင်းကတော့ စာပေ၀ိုင်းတော်သား ကိုကျော်ခိုင်ဝင်း ကြိုတင်တောင်းဆိုထားတဲ့ ( သားတို့သိစေလိုသော အဖေတို့မေတ္တာအကြောင်း) အရာများကို ရင်ဖွင့်ခံစား ပြောဆိုဆွေးနွေးသွားကြပါတယ်။ စာကြည့်တိုက်မှူး ဦးတင်နု ကလည်း ဖခင်တစ်ဦးဖြစ်တဲ့ သူဟာ ဘ၀တစ်ပါးသို့ ကွယ်လွန်သွားခဲ့သော သူ့သားငယ်ကလေးအပေါ် ဖခင်တာဝန်မကျေခဲ့မိလို့ မျက်ရည်များစို့ပြီး ပြောဆိုနေရှာပါတယ်။ ဒီတစ်ပတ် ရှိတ်စာပေ၀ိုင်းကတော့ ၀ိုင်းတော်သားအားလုံး မျက်ရည်လေးတွေ လယ်နေကြရပါတယ်။ စာရေးသူ ကလည်း ဒီတစ်ပတ် SHADE စာပေ၀ိုင်း တစ်နှစ်ပြည့်ပြီးရင် ဒီကဏ္ဍကို စာရေးသူအနေနဲ့ ဆက်လက်ရေးသားခြင်း မပြုတော့ပါကြောင်း၊ စာရေးသူအနေနဲ့ SHADE စာပေ၀ိုင်းအား တစ်နှစ်တိတိ တာဝန်ကျေပွန်အောင် ဆောင်ရွက်ခဲ့ပြီးပါပြီ။ ဒါကြောင့် SHADE စာပေ၀ိုင်းတော်သားများအပေါ် ပြောမှား ဆိုမှား များရှိခဲ့ပါရင် ခွင့်လွှတ်ပေးကြပါရန်တောင်းပန်အပ်ပါတယ်။ စာရေးသူအနေနဲ့ SHADE ဂျာနယ်၊ ရှိတ် စာပေ၀ိုင်း အောင်မြင်တိုးတက်ရေး ကိုသာ ဦးတည်ပြောဆိုလုပ်ကိုင်ခဲ့ပါတယ်။ ဒါကြောင့် SHADE ဂျာနယ်နဲ့ စာဖတ်သူများ၊ Shade စာပေ၀ိုင်းတော်သားများကို လေးလေးစားစားထပ်မံ၊ထပ်မံ၍ တောင်းပန်အပ်ပါတယ်။ SHADE စာပေ၀ိုင်းအပေါ် စေတနာထား၍ပြောဆိုရတာဖြစ်လို့ အချို့ကိစ္စလေးတွေ မှာ ပြောမှားဆိုမှားရှိပါ့မယ်။ ဂျာနယ်အတွက် လုပ်ကိုင်ဆောင်ရွက်ခဲ့တဲ့နေရာများမှာလည်း အထင်အမြင်လွဲပြီး မကြေနပ်စရာများ၊ အဖုအထစ်ကလေးများ ဖြစ်သွားခဲ့ပါရင် ကျွန်တော့်အပေါ် နာလည်ခွင့်လွှတ် ပေးကြပါခင်ဗျာ..။
အထူးမှတ်ချက်။ ။မကွေးမြို့တွင်(Shade ဂျာနယ်ရုံးခွဲဖွင့်၍ ဂျာနယ်ဖြန့်ချိရေးကိစ္စ၊ စာမူများကိစ္စ တို့အား (၁)နှစ်တိတိ အခမဲ့ကူညီဆောင်ရွက်ပေးခဲ့ပါသည်။ နတ်မောက်မြို့၊ တောင်ငူ၊ တောင်တွင်းကြီး၊ သရက်မြို့များနှင့် ငွေစာရင်းများမရှင်းရသေး၍ မျန္တလေး SHADE ဂျာနယ်ရုံးချုပ်သို့ အတွဲ(၅) အမှတ်(၃၄) မှ တွဲ(၅) အမှတ်(၄၃)ထိ ငွေစာရင်းများ မရှင်းရသေးပါကြောင်း အများသိစေအပ်ပါသည်။)Shade ဂျာနယ်ရုံးခွဲအား သတင်းတာဝန်ခံ နေခြည်(မကွေး)၏ နေအိမ်တွင် ဆက်လက်ဖွင့်ထားပါသည်။ ဖြန့်ချိရေးကိစ္စများအား ပန်းချိမြင့်ဇော်ဦး မှ တာဝန်ခံဖြန့်ချိပေးပါသည်။ ဂျာနယ် မှ လိပ်စာများအတိုင်း ဆက်သွယ်ဆောင်ရွက်နိုင်ပါသည်။ သူတို့နှစ်ဦးမှ ဦးဆောင်၍ တနင်္ဂနွေနေ့တိုင်း SHADE စာပေ၀ိုင်းကိုလည်း ဆက်လက်ဆောင်ရွက်နေကြပါသည်။
ဒီတစ်ပတ်မှာ SHADE စာပေ၀ိုင်း တစ်နှစ်ပြည့်ပွဲဖြစ်လို့ SHADE စာပေ၀ိုင်းတော်သားများရဲ့ ရင်ဖွင့် အမှတ်တရ စကားလေးများကို တင်ပြပေးလိုက်ပါရစေ…။
စိတ် အဟာရပြည့်ဝအောင် SHADE ဂျာနယ်ကိုဆောင်လို့ ဘ၀အတွက် သုတ၊ရသစုံတဲ့ SHADE စာပေ၀ိုင်းသို့သွားကြပါစို့..။
ရွှေလမ်းငွေလမ်းဝင်းကြည်
0 comments:
Post a Comment