လူငယ်အဖွဲ့ပေါင်း(၉)ဖွဲ့ နှင့် မကွေးတိုင်းဒေသကြီးလူမှုဝန်ထမ်းဦးစီးဌာန ပူးတွဲကျင်းပကြောင်း၊ တက်ရောက်လာသော လူငယ်ထုမှာ ပျော်ရွင်ဝမ်းသာ အားပါးတရ ဖျော်ဖြေနေကြောင်း သတင်းရရှိသည်။ မြန်မာလူငယ်တွေ ကမ္ဘာ့လူငယ်အဖွဲ့သို့ အဆင့်မီ တက်လှမ်းဆောင်ရွက်ကြတော့မည်.....၊ အစိုးရ နှင့် အများပြည်သူများမှ အားလုံးဝိုင်းဝန်းကူညီ အားပေးသင့်ပါသည်။
``မကွေးမြို့NLD ပါတီရုံးတွင် အစည်းအဝေးများ ဆက်တိုက်ကျင်းပဆောင်ရွက်၊
မြို့နယ်အတွင်းရေးကိစ္စ ဆွေးနွေးနေ၍ တိုင်း NLD ဥက္ကဋ္ဌ က မီဒီယာသို့ အစည်းအဝေးပြီးချိန်ကို နာရီလွှဲချိန်းဆို´´
၂၀၁၅ နီးလာပြီဖြစ်၍ မကွေးမြို့ မြင်သာရပ်ကွက် မဲထီးလမ်းရှိ အမျိုးသားဒီမိုကရေစီပါတီရုံးတွင် တိုင်း/ခရိုင်/မြို့နယ် အစည်းအဝေးများ ဆက်တိုက်ကျင်းပဆောင်ရွက်ကြောင်း သတင်းရရှိသည်။ ဇူလိုင်လအတွင်းမှ စ၍ သြဂုတ်လအတွင်း အစည်းအဝေးများ ပိုမိုပြီး ကျင်းပလာကြောင်းသိရသည်။
သြဂုတ်(၁၁)ရက်နေ့တွင် တိုင်းNLD ပါတီEC အဖွဲ့နှင့် မကွေးတိုင်းလူငယ်ဖွဲ့စည်းရွေးချယ်ရေးကော်မတီဝင်(၁၅)ဦး တို့ ညှိနှိုင်းဆွေးနွေးကြကြောင်း၊ လူငယ်ညီလာခံကျင်းပရေး ဗဟိုကော်မတီ ဥက္ကဋ္ဌ ဦးမောင်မောင်ဦး လက်မှတ်ဖြင့် အတည်ပြုထုတ်ပြန်ပေးသော အဆိုပါ မကွေးတိုင်းလူငယ်ညီလာခံကျင်းပရေး ကော်မတီဝင်(၁၅)ဦးအမည်အား ဖတ်ကြား အတည်ပြုပြီး ရှေးလုပ်ငန်းစဉ်များအတည်ပြုသည်။ သြဂုတ်(၁၄)ရက်နေ့နောက်ဆုံးထား၍ ခရိုင်(၅)ခုမှ ခရိုင်လူငယ်ညီလာခံ ကျင်းပရေးကော်မတီဝင်စာရင်းများကို တိုင်းလူငယ်ညီလာခံကျင်းပရေးကော်မတီသို့တင်ပြပေးရန်၊ သက်ဆိုင်ရာခရိုင်NLD ပါတီအလုပ်အမှုဆောင်များမှ ညှိနှိုင်း၍ ခရိုင်လူငယ်ကျင်းပရေးကော်မတီကို ဦးဆောင်ရွေးချယ်ပေးကြရန်၊ သက်ဆိုင်ရာ မြို့နယ် NLDပါတီအလုပ်အမှုဆောင်များမှ ညှိနှိုင်း၍ မြိုနယ်လူငယ်ညီလာခံကျင်းပရေးကော်မတီဝင်(၁၅)ဦးအမည်စာရင်း များကို သြဂုတ်(၂၅)ရက်နေ့နောက်ဆုံးထား၍ တိုင်းလူငယ်ညီလာခံကော်မတီသို့ ပို့ဆောင်ပေးကြရန်၊ ခရိုင်/မြို့နယ်များမှ ညီလာခံကျင်းပရေးကော်မတီဝင်စာရင်းများကို (လူငယ်ညီလာခံကျင်းပရေးဗဟိုကော်မတီ)သို့ ဆက်လက်ပေးပို့တင်ပြရန်၊ လူငယ်ညီလာခံကျင်းပရေးဗဟိုကော်မတီ က ခရိုင်/မြို့နယ်လူငယ်ညီလာခံကျင်းပရေးကော်မတီဝင်အမည်စာရင်းများအား အတည်ပြုပြီး NLD လူငယ်ညီလာခံကျင်းပနိုင်ရေးအတွက် (၅)လအတွင်း သက်ဆိုင်ရာလူငယ်အဖွဲ့အစည်းများကို အပြီးဖွဲ့စည်းကြမည်ဖြစ်ကြောင်း သတင်းရရှိသည်။
အဆိုပါသြဂုတ်(၁၁)နေ့တွင် ခရိုင်NLD ပါတီလစဉ်ပုံမှန်အစည်းအဝေးကိုလည်း ကျင်းပကြောင်းသိရသည်။ အဆိုပါ အစည်းအဝေးမှ ၇၅ နှစ်မြောက် ၁၃၀၀ ပြည့်အရေးတော်ပုံ စိန်ရတုအခမ်းအနားကျင်းလျှင် ကျင်းပရာချောက်မြို့၊ ရေနံချောင်း မြို့နယ်များသို့ ၀ိုင်းဝန်းပံ့ပိုးကူညီပေးရန်၊ NLD လူငယ်ညီလာခံဖြစ်မြောက်ရန်၊ NLD ပါတီဥပဒေအထောက် အကူပြုအဖွဲ့ ဖြစ်မြောက်ရေး၊ NLD ပါတီတောင်သူ လယ်သမားများ အထောက်အကူပြုအဖွဲ့များ ဖွဲ့စည်းရေးတို့ကို ဆွေးနွေး၍ ဆုံးဖြတ်အတည်ပြုချက်များ ချမှတ်ကြောင်း၊ ခရိုင်အလုပ်အမှုဆောင်အစည်းအဝေးကို (၂)လတစ်ကြိမ်သာ ကျင်းပမည်ဖြစ် ကြောင်း သတင်းရရှိသည်။
သြဂုတ်(၁၂)ရက်နေ့ နံနက်(၁၀)နာရီမှ နေ့လည်(၂)နာရီအချိန်တွင် အဆိုပါNLD ပါတီရုံး၌ မကွေးတိုင်းNLD ပါတီအလုပ်အမှုဆောင်အစည်းအဝေးကျင်းပကြောင်း သတင်းရရှိသည်။ အဆိုပါအစည်းအဝေးသို့ မီဒီယာများ သတင်းယူရာ တွင် မကွေးတိုင်းဒေသကြီး NLD ပါတီ ဥက္ကဋ္ဌ ဦးသိန်းဇော် မှ တားဆီးပိတ်ပင့်သည်။
`` ကျွန်တော်တို့ NLDတိုင်းအစည်းအဝေးက နေ့လည်(၂)နာရီမှ စတင်မှာပါ။ အဲဒီအချိန်ကျမှလာခဲ့ပါ။ ယခု အစည်းအဝေးက မြို့နယ်NLD ပါတီ အတွင်းရေးတွေကို ဆွေးနွေးနေကြလို့ အပြင်လူများမသိစေချင်ပါ။ ဒါကြောင့် ဆရာ့ကို ၀င်ပြီးသတင်းမယူဖို့ အထူးမေတ္တာရပ်ခံပါတယ်ဗျာ..´´ ဟု မကွေးတိုင်းဒေသကြီး NLD ပါတီ ဥက္ကဋ္ဌ ဦးသိန်းဇော် က ပြောသည်။
မှတ်ချက်။ ။ မကွေးတိုင်းဒေသကြီး NLD ပါတီ ဥက္ကဋ္ဌ ချိန်းဆိုထားသော နေ့လည်(၂)နာရီတွင်သွားရောက်၍ သတင်းယူရာတွင် အစည်းအဝေးမရှိတော့ကြောင်း၊(၂)နာရီမတိုင်မီက ပြီးဆုံးသွားခဲ့ကြောင်းအား တာဝန်ရှိသူ NLD ခရိုင်အတွင်းရေးမှူး ဦးမြင့်ဦး က ပြောသည်။
သြဂုတ်(၈)ရက်၊ ညနေ(၆း၁၅)နာရီအချိန်ခန့်တွင် မကွေးမြို့ ပြည်တော်သာရပ်ကွက် အ.ထ.က(၁)လမ်းရှိ မကွေးမြို့ကျက်သရေဆောင် မြို့တော်ခန်းမကြီး၏ အမိုးတစ်ခုလုံးပြိုကျပျက်စီးကြောင်း သတင်းရရှိသည်။
အဆိုပါဖြစ်စဉ်နှင့်ပတ်သက်၍ ၎င်းမြို့တော်ခန်းမကြီး၏ ဘေးရှိဧည့်သည်နားနေခန်းတွင် သြဂုတ်(၉)ရက် နံနက်(၁၀)နာရီခန့်မှာ မီဒီယာရှင်းလင်းပွဲပြုလုပ်သည်။ မကွေးတိုင်းဒေသကြီး စည်ပင်သာယာရေးအဖွဲ့ညွှန်ကြားရေးမှူး ဦးမောင်မောင်အောင်၊ ခရိုင်အမှုဆောင်အရာရှိ ဦးနေမျိုးနိုင် နှင့် မကွေးတိုင်းဒေသကြီး စည်ပင်သာယာရေးအဖွဲ့ ကြီးကြပ်မှု မြို့မိ မြို့ဖကော်မတီအဖွဲ့တို့ မှ မီဒီယာများ၏ မေးမြန်းချက်များကိုရှင်းလင်းသည်။
ဤခန်းမကြီးကို ၁၉၈၇ ခုနှစ်ကစတင်တည်ဆောက်ခဲ့ကြောင်း၊ အလျား(၂၈၃)ပေ၊ အနံ(၂၆၃)ပေ အကျယ်အ၀န်း (၁.၅၄)မြေဧကပေါ်တွင် (၁၂၀X၆၀)ပေရှိ RCကွန်ကရစ်လောင်းနံရံကာ၍ သစ်သားဒိုင်းများဖြင့် တစ်ထပ်အဆောက် အဦးခန်းမအဖြစ် တည်ဆောက်ခဲ့ကြောင်း၊ ထိုစဉ်ကာလက ကုန်သွယ်လယ်ယာခေတ် ဂိုဒေါင်ကြီးနှင့်တူကြောင်း၊ သို့ပါ၍ မြို့မိမြို့ဖ ဦးထွန်းဆိုင်မှ တိုင်း(တ.ယ.က) ဥက္ကဋ္ဌ သို့တင်ပြခဲ့ပြီး ၁၉၉၅ ခုနှစ်တွင်ခန်းမရှေ့ ပုဂံရှေးဟောင်း ယဉ်ကျေးမှုလက်ရာပုံစံတပ်ဆင်၍ ဘေးနှစ်ဘက်ကိုပါချဲ့ထွင်ပြီး အကြီးစားပြင်ဆင်ခဲ့ကြောင်း၊ ၂၀၁၂ ခု ဇွန်(၂၇)ရက် နေ့တွင်လည်း မကွေးစည်ပင်သာယာရေးအဖွဲ့ နှင့် ရန်ကုန်မြို့ ဂွတ်လပ်(Good Luck)ကုမ္ပဏီ တို့ပူးပေါင်း၍အဆိုပါ ခမ်းမ၏ အတွင်းပိုင်းနှင့်အပြင်ပိုင်း အဆင့်မြင့်ပြုပြင်တိုးချဲ့ရေးလုပ်ငန်းများဖြစ်သော အုတ်ဝန်းခြံကာခြင်း၊ ချက်ပြုပ်ဆောင်၊ ဧည့်သည်များနားနေဆောင်၊ အိမ်သာများဆောက်လုပ်ခြင်း၊ လျှပ်စစ်ထရန်စဖော်မာတစ်လုံးတပ်ဆင်ခြင်း၊ (Air- Con)၊ ခေတ်မီးဆိုင်းများတပ်ဆင်ခြင်းနှင့် ခေတ်မီ အသံလုံခမ်းမကြီးအဖြစ် ငွေကျပ်သိန်းပေါင်း(၃၀၀၀)ကျော်ခန့်သုံးစွဲ၍ မွမ်းမံပြင် ဆင်ခဲ့ပြီး ၂၀၁၂ စက်တင်ဘာ(၁၃) ရက်နေ့တွင် မကွေးတိုင်းဒေသကြီးအစိုးရအဖွဲ့ ၀န်ကြီးချုပ်တက်ရောက်၍ ဖွင့်လှစ်ပေး ခဲ့ကြောင်း သတင်းရရှိသည်။
ဘာကြောင့်အမိုးတစ်ခုလုံးပြိုကျရပါသလဲ၊ ဘယ်သူ့တွင်တာဝန်ရှိပါသလဲ ဟု အလဲဗင်းန်မီဒီယာမှ မေးမြန်းရာတွင်..၊ အဆိုပါခန်းမကို ၂၀၁၂ခုနှစ်တွင် အကြီးစားပြုပြင်နေစဉ်တုံးက အမိုးတွင်တပ်ဆင်ထားသော မျက်နှာကျက်များမှာ ယခု တပ်ဆင်ထားသော အသံလုံမျက်နှာကျက်များထက် ပို၍လေးလံသော ရှာထိုးပျဉ်များဖြင့်တပ်ဆင်ထားခဲ့ကြောင်း၊ ယခုပေါ့ပါးသော မျက်နှာကျက်များကိုတပ်ဆင်ထားသော်လည်း အမိုးမှာ(၂၆)နှစ်ကာလရှည်ကြာပြီဖြစ်ပြီး သစ်သားဒိုင်းများ လည်းးဖြစ်နေ၍ မခိုင်လို့ ပြိုကျရပါကြောင်း၊ မည်သူ့တွင်မျှ တာဝန်မရှိကြောင်း၊ ကော်မတီဝင်လူကြီးတစ်ဦး ကဖြေဆိုသည်။
အဆိုပါခန်းမကို ၂၀၁၂ ခုနှစ် အဆင့်မြင့်ပြင်ဆင်နေစဉ်မှာ သက်ဆိုင်ရာအင်ဂျင်နီယာများမှ သံဒိုင်းများဖြင့် ပုံစံရေးဆွဲပြီး အမိုးပြင်ဆင်ရန် တင်ပြခဲ့ကြောင်းသိရှိရသဖြင့် ထိုအစီတင်ပြချက်အတိုင်း ဘာကြောင့်မပြုလုပ်ခဲ့ပါသလဲ ဟု မြန်မာပို့စ် မှ မေးမြန်းရာတွင်..၊
``သံဒိုင်းကိစ္စကို တွက်ချက်ကြည့်ခဲ့ကြပါတယ်၊ သံဒိုင်းတစ်ခုကိုသိန်းရှစ်ဆယ်ကျော်လောက်ကျမယ်၊ အဲဒီအားလုံး အတွက်ဆိုရင် သိန်းပေါင်းနှစ်ထောင်ကျော်/ သုံးထောင်လောက်ကုန်ကျပါမယ်။ ဒါကြောင့် ဒီကိစ္စကို တိုင်းဒေသကြီး စည်ပင်သာယာရေးကြီးကြပ်မှုမြို့မိမြို့ဖအဖွဲ့နဲ့တိုင်ပင်ခဲ့ပါတယ်၊ သူတို့ကလည်း ခွင့်မပြုဘူးမဟုတ်ပါဘူး၊ လက်ရှိခွာချမယ့် မျက်နှာကျက် ရှာထိုးပျဉ်တွေထက် ပေါ့ပါးတဲ့မျက်နှာကျက်များကိုသာ တပ်ဆင်မှာဖြစ်တဲ့အတွက် ဒီ ဒိုင်းကိစ္စ မလိုအပ် သေးဘူးဆိုပြီး အများအားလုံးရဲ့ဆန္ဒနဲ့အညီ မလုပ်ခဲ့ကြတာပါ။ ´´ ဟု ခရိုင်စည်ပင်သာယာရေးအဖွဲ့ အမှုဆောင်အရာရှိ ဦးနေမျိုးနိုင် က မီဒီယာကို ရှင်းလင်းသည်။
မြို့တော်ခန်းမ မျက်နှာကျက်နှင့် အမိုးတစ်ခုလုံးပြိုကျပျက်စီးမှုနှင့်ပတ်သက်၍ သြဂုတ်လ(၉)ရက် နံနက်ပိုင်းတွင် စည်ပင်သာယာ ခန်းမတည်ဆောက်ရေးကော်မတီဝင်၊ မြို့မိမြို့ဖများ နှင့် အသေးစိတ်စစ်ဆေးပြီး အမြန်ဆုံးပြုပြင်နိုင်ရန် တိုင်းဒေသကြီးအစိုးရအဖွဲ့မှ ဖွဲ့စည်းပေးသော ဆောက်လုပ်ရေးအဖွဲ့ဖြင့် ညှိနှိုင်းဆောင်ရွက်သွားမည်ဖြစ်ကြောင်း၊ ပျက်စီးဆုံးရှုံးမှု တန်ဖိုးကို လျှပ်စစ်အဖွဲ့နှင့် သက်ဆိုင်ရာ စစ်ဆေးရေးအဖွဲ့တို့မှ စစ်ဆေး၍ ထုတ်ပြန်ပေးမည်ဖြစ်ကြောင်း သတင်းရရှိသည်။
မြေလတ်ဒေသရှိ လူငယ်များအတွက် မြန်မာနိုင်ငံ၏ တိုးတက်ပြောင်းလဲလာသော နည်းပညာနှင့် လိုအပ်သည့် စီမံခန့်ခွဲမှုအခြေခံသဘောတရားများကို တစ်ဖက်တစ်လမ်းမှ ဖြည့်ဆီးပေးနိုင်ရန်အတွက် ရည်ရွယ်ချက်ဖြင့် (Mobile Hardware & Software Training Center) ကို မကွေးမြို့၊ရန်ဝေးရပ်၊ ပြည်တော်လမ်း၊ အမှတ်(ပ/၇)၊ ကားကြီးကွင်း တောင်ဘက်တွင်ဖွင့်လှစ်ကြောင်း၊ နယ်မှသင်တန်းများအတွက် အဆောင်အခမဲ့စီစဉ်ပေးခြင်း၊ သင်တန်းပြီးစီပြီးနောက် အသစ်ထွက်သောနည်းပညာများအတွက် မွမ်းမံသင်တန်းများကို ထပ်မံဖွင့်လှစ်ပေးပို့ခြင်း၊ သင်တန်းသားတစ်ဦးလျှင် Laptop တစ်လုံးစီဖြင့်သင်ကြားပေးခြင်း၊ မိုဘိုင်းဖုန်းနှင့်ပတ်သက်သော Hardware & Software မှ အမှန်တကယ်အသုံးဝင်သည့် Data များပံ့ပိုးပေး၍ ဆိုင်ရာပစ္စည်းများကို PMC တွင်အခမဲ့လာရောက်အသုံးပြုနိုင်ကြောင်း၊ သင်တန်းမတက်မီ အခမဲ့ လာရောက်လေ့လာနိုင်ကြောင်း၊ သင်တန်းဆင်းများကို သက်ဆိုင်ရာမှ လိုအပ်သော Mobile ဖုန်းဆိုင်များသို့ တာဝန်ခံချိတ်ဆက်ပြီး အလုပ်အကိုင်အခွင့်အလမ်းများ ရရှိအောင်၊ ကိုယ်ပိုင်ဆိုင်ဖွင့်နိုင်အောင် တာဝန်ယူမည်ဖြစ်ကြောင်း၊ သင်တန်းကာလမှာ နှစ်လသတ်မှတ်၍ သင်တန်းချိန်များမှာ နံနက်(၉ မှ ၁၂)နာရီအထိ သင်တန်းသား(၂၀)ဦး နှင့် နေ့လည် (၁ မှ ၄)နာရီအထိ သင်တန်းသား(၂၀)ဦးကို သင်တန်းဆရာ ဆယ်ဦးတို့ဖြင့် တစ်ရက် နှစ်ချိန်ပို့ချပေးမည်ဖြစ်ကြောင်း၊ သင်တန်းကြေးမှာ တစ်ဦးလျှင် နှစ်သိန်းခွဲကျပ်ဖြစ်ကြောင်း၊ PMC ဆိုင် မန်နေဂျာတစ်ဦးက ပြောသည်။
သြဂုတ်(၈)ရက်နေ့ နံနက်(၆)နာရီမှ နေ့(၁၁း၃၀)နာရီအထိ မကွေးမြို့ ဈေးလယ်စိုးရပ် မဲထီးလမ်း မင်းကျောင်းဘုန်းတော်ကြီးကျောင်းတိုက်၌ ၈၈၈၈ အရေးတော်ပုံ ငွေရတု-မြေလတ်ဒေသ အခမ်းအနားကျင်းပကြောင်း သတင်းရရှိသည်။ 
အဆိုပါအခမ်းအနားကို နံနက်(၆)နာရီအချိန်တွင် သံဃာတော်များအား အာရုံဆွမ်းဆက်ကပ်ပြီး ရှစ်လေးလုံး အရေးတော်ပုံကာလတွင် အသက်ပေးလှူစတေးသွားကြသော ရဟန်း ရှင်လူ မိဘပြည်သူများနှင့် ၈၈ကျောင်းသား ကျောင်းသူများအား အမျှပေးဝေကြသည်။ နံနက်(၈)နာရီတွင် ၈၈၈၈ အရေးတော်ပုံ ငွေရတု မြေလတ်ဒေသ အခမ်းအနားကို စတင်ကျင်းပကြောင်း၊ ရှစ်လေးလုံး အရေးတော်ပုံ မှ သပိတ်ခေါင်းဆောင်များကို နာယကအဖြစ်တင်မြှောက်ကြပြီး မျိုးဆက်သစ်များအား လက်ဆင့်ကမ်းပေးနိုင်ရန် ယခုပွဲကို ကျင်းပကြောင်း၊ မကွေးမြို့ ၈၈၈၈ အရေးတော်ပုံ ငွေရတု-မြေလတ်ဒေသ အခမ်းအနားသို့ ချောက်၊ ရေနံချောင်း၊ မင်းဘူး၊သရက်မြို့၊မင်းလှမြို့၊ပွင့်ဖြူ၊ တောင်တွင်းကြီး၊ နတ်မောက်၊ မြို့သစ်၊ အောင်လံ၊ စလင်း တို့မှ သပိတ် ခေါင်းဆောင်များ၊ မကွေးမြို့ ဗ.က.သ ကျောင်းသားများ၊ မကွေးမြို့ပေါ်မှ NGO လူမှုရေးအဖွဲ့အစည်းများ၊ မကွေးမြို့တိုင်း/ခရိုင်/မြို့နယ်NLD ပါတီအဖွဲ့ဝင်များ၊ ၈၈ မျိုးဆက်ပွင့်လင်းလူ့ဘောင် နှင့်ငြိမ်းချမ်း ရေးဖော်ဆောင်မှုအဖွဲ့မှ ကိုမာကီး၊ လူ့ဘောင်သစ်လူငယ်အဖွဲ့ဝင်များ၊ လူဘောင်သစ်ဒီမိုကရက်တစ်ပါတီ အဖွဲ့ဝင်များ၊ NDF ပါတီအဖွဲ့ဝင်များ နှင့် သတင်းမီဒီယာများ စုစုပေါင်း(၃၅၀)ဦးခန့် တက်ရောက်ကြောင်း၊ ရှစ်လေးလုံးအရေးတော်ပုံ ငွေရတုအခမ်းအနား( မြေလတ်ဒေသ) နာယက ဦးတာ နှင့် ဥက္ကဋ္ဌ ဦးမြင့်ဦးတို့ မှ အဖွင့်အမှာစကားပြောကြား၍ ဖွင့်လှစ်ကြောင်းသတင်းရရှိသည်။
အဆိုပါအခမ်းအနားသို့ ပေးပို့သော သ၀ဏ်လွှာများမှာ အမျိုးသားဒီမိုကရေစီအဖွဲ့ချုပ်(ဗဟို) နာယက ဦးဝင်းတင်၊ မကွေးမြို့နယ်NLD ပါတီမှ ပြည်သူ့လွှတ်တော်ကိုယ်စားလှယ် ဦးမြင့်သိန်း၊ မကွေးမြို့နယ်NLD ပါတီ၊ ဆရာကြီးသခင် ကိုယ်တော်မှိုင်း ငြိမ်းချမ်းရေးကွန်ယက်၊ လူဘောင်သစ်ဒီမိုကရက်တစ်ပါတီ၊ ၈၈ မျိုးဆက်ပွင့်လင်း လူ့ဘောင်နှင့်ငြိမ်းချမ်း ရေးဖော်ဆောင်မှုအဖွဲ့၊ ရှစ်လေးလုံးအရေးတော်ပုံ ငွေရတုအခမ်းအနား(မြေလတ်ဒေသ)ကြေငြာစာတမ်း ၊ NDF ပါတီ၊ ဗ.က.သ များအဖွဲ့ချုပ်၊ ဗ.က.သ မြေလတ်ဒေသအဖွဲ့၊ ဗ.က.သ မုံရွာအဖွဲ့နှင့် လူ့ဘောင်သစ်လူငယ်အဖွဲ့ တို့မှ ပေးပို့သော သ၀ဏ်လွှာများကို ဖတ်ကြားပြီး ရှစ်လေးလုံးသပိတ်ကာလအဖွဲ့များမှ ခေါင်းဆောင်းများက (၁၀)မိနစ်ခန့်စီအသီးသီး မိန့်ခွန်း ပြောကြား၍ အခမ်းအနားကို နေ့(၁၁း၃၀)တွင် ပြီးဆုံးကြောင်း သတင်းရရှိသည်။
သို့
မြန်မာနိုင်ငံသတင်းစာဆရာအသင်း
( ပြည်နယ်နှင့်တိုင်းဒေသကြီး)
နေ့စွဲ။ ၂၀၁၃ခုနှစ်၊ သြဂုတ်လ ၁ ရက်။
စာအမှတ် ။ ၁ / ညွှန် ( ၂၀၁၃)
အကြောင်းအရာ။ ။ မီဒီယာ ဥပဒေများနှင့် ပတ်သက်၍ ပြည်သူလူထု၏
ထောက်ခံမှု လက်မှတ်ကောက်ခံရန် ကိစ္စ
၁။ အထက်အကြောင်းအရာပါကိစ္စနှင့်ပတ်သက်၍ မြန်မာနိုင်ငံသတင်းစာဆရာအသင်း
ဗဟိုအလုပ်အမှုဆောင်အဖွဲ့သည်
မြန်မာနိုင်ငံဂျာနယ်လစ်ကွန်ယက်အဖွဲ့မှလှုပ်ရှားဆောင်ရွက်မည့် မီဒီယာ
ဥပဒေများနှင့် ပတ်သက်၍ ပြည်သူလူထု၏ ထောက်ခံမှု လက်မှတ်ကောက်ယူရေး
ကိစ္စတွင်ပူးပေါင်းပါဝင်ဆောင်ရွက်ရန် သဘောတူညီထားပါသည်။
၂။ မြန်မာနိုင်ငံဂျာနယ်လစ်များကွန်ယက်၏ မီဒီယာဥပဒေများနှင့်ပတ်သက်၍
ပြည်သူလူထု ၏ ထောက်ခံမှု လက်မှတ်ကောက်ခံရေးသဘောထားကြေငြာချက်မှာ
အောက်ပါအတိုင်းဖြစ်ပါသည်။
မီဒီယာ ဥပဒေများနှင့် ပတ်သက်၍ ပြည်သူလူထု၏ ထောက်ခံမှု လက်မှတ်ကောက်ခံရန်
အသိပေးကြေညာခြင်း
ပြည်သူ့လွှတ်တော်က ဇူလိုင်လ ၄ ရက်နေ့တွင် အတည်ပြုလိုက်သည့်
ပုံနှိပ်ခြင်းနှင့် ထုတ်ဝေခြင်း လုပ်ငန်းဥပဒေကြမ်းတွင် သတင်းမီဒီယာ
လွတ်လပ်ခွင့်ကို ထိန်းချုပ်မည့် အချက်များ ပါဝင်နေခြင်း၊
မြန်မာစာနယ်ဇင်းကောင်စီ (ယာယီ) မှရေးဆွဲသည့် သတင်းမီဒီယာ ဥပဒေကြမ်းပါ
အချက်အလက်များကို ပြန်လည်ပြင်ဆင်ရန် ပြန်ကြားရေး ၀န်ကြီးဋ္ဌာနက
ဖိအားပေးနေခြင်းတို့သည် မြန်မာသတင်းမီဒီယာ လောကအတွက် နောက်ပြန်ဆွဲသည့်
ခြေလှမ်းများဖြစ်သည်ဟု မြန်မာဂျာနယ်လစ်ကွန်ရက်က ယုံကြည်သည်။
ထို့ကြောင့် မြန်မာနိုင်ငံ စာနယ်ဇင်းကောင်စီ (ယာယီ)က
ရေးဆွဲပြီးလွှတ်တော်တင်ရန် ပြင်ဆင်လျှက်ရှိသည့် သတင်းမီဒီယာ ဥပဒေကိုလည်း
ဒီမိုကရေစီစံနှုန်းများဖြင့် ကိုက်ညီသည့် ဥပဒေတစ်ရပ်အဖြစ်
အတည်ပြုနိုင်စေရန်နှင့် ပြည်သူ့လွှတ်တော်မှ အတည်ပြုခဲ့သည့်
ပုံနှိပ်ဥပဒေမူကြမ်းကို အမျိုးသားလွှတ်တော်တွင်
ပြန်လည်သုံးသပ်ပြင်ဆင်နိုင်စေရန် မီဒီယာသမားများနှင့် ပြည်သူလူထု၏
ဆန္ဒလက်မှတ်များကောက်ယူပြီး ပေးပို့သွားရန် ဆုံးဖြတ်ထားပါသည်။
သတင်းမီဒီယာလွတ်လပ်ခွင့်သည် သတင်းမီဒီယာသမားများ အကျိုးအတွက်
သက်သက်သာမဟုတ်ပဲ ပြည်သူလူထုအားလုံး၏ နေ့စဉ် ဘ၀အတွက်လည်း အရေးပါ၍
တိုက်ရိုက်သက်ဆိုင်လျှက်ရှိသည်။ သတင်းအချက်အလက်မှန်များ မရရှိပါက
ပြည်သူလူထု၏ လူနေမှု၊ စီးပွားရေး၊ ပညာရေး အကျိုးစီးပွားတို့တွင်
တုိုက်ရိုက် ထိခိုက်နစ်နာမှုများ ရှိမည်ဖြစ်သည်။
သတင်းမီဒီယာ အထိုက်အလျောက်လွတ်လပ်မှုရရှိခဲ့သည့် ပြီးခဲ့သည့်
တစ်နှစ်တာအတွင်း လူထုခံစားနေရသည့် နစ်နာမှုများ၊ အာဏာပိုင်အချို့၏
မတရားအနိုင်ကျင့်မှုများကို သတင်းမီဒီယာတွင် ဖေါ်ပြနိုင်ခဲ့ခြင်းကြောင့်
သက်သာရာရခဲ့ပြီး ပြဿနာများကို ဖြေရှင်းနိုင်ခဲ့သည့် သာဓကများမှာ
မီဒီယာလွတ်လပ်ခွင့် နှင့် ပြည်သူလူထုတိုက်ရိုက်သက်ဆိုင်မှု
ရှိသည့်အချက်ကို ထင်ရှားစေခဲ့ပြီဖြစ်သည်။
ထို့ကြောင့် မြန်မာဂျာနယ်လစ်ကွန်ရက် အနေဖြင့် လွတ်လပ်သည့် သတင်းမီဒီယာ
ဥပဒေထွက်ပေါ်လာရေးအတွက် လှုပ်ရှားမှုများကို
ဆက်လက်လုပ်ဆောင်သွားမည်ဖြစ်သည်။
ထို့သို့လုပ်ဆောင်ရာတွင် သတင်းမီဒီယာ သမားများသာမကပဲ ပြည်သူလူထုပါ
ပါဝင်လာအောင် ရှင်းပြပြီးထောက်ခံမှု ရယူသွားရန်ရှိပါသည်။
ပထမဆုံး အနေဖြင့် လွတ်လပ်သည့် မီဒီယာ ဥပဒေ ပေါ်ထွက်ရေးအတွက်
သဘောထားဆန္ဒလက်မှတ်များ ကောက်ယူခြင်းကို
လုပ်ဆောင်သွားမည်ဖြစ်ဖြစ်ကြောင်း သတင်းမီဒီယာသမားများနှင့်
ပြည်သူလူထုအားလုံးကို အသိပေးကြေညာအပ်ပါသည်။
မြန်မာဂျာနယ်လစ်ကွန်ရက်၊
နေစွဲ ၃၀၊ ၇၊၂၀၁၃
၃။ အဆိုပါပြည်သူလူထု၏ဆန္ဒသဘောထားထောက်ခံမှုလက်မှတ်များကို လူကြီးမင်းတို့၏
ပြည်နယ်၊ တိုင်းဒေသကြီးများရှိပြည်သူလူထုများအား ရှင်းလင်းပြောကြားပြီး
ထောက်ခံဆန္ဒလက်မှတ်များကို ပူးတွဲပါ Attach File တွင် လက်မှတ်ရေးထိုး
စုစည်းကောက်ခံပေးပါရန် လေးစားစွာမေတ္တာရပ်ခံပါသည်။
၎။ ဆန္ဒပြုထောက်ခံလက်မှတ်များကို မြန်မာနိုင်ငံ သတင်းစာဆရာအသင်း( ဗဟို)
သို့ အောက်ဖော်ပြပါလိပ်စာ အတိုင်း သြဂုတ်လ ၁၃ရက်နေ့( အင်္ဂါနေ့)
အထိနောက်မကျဘဲ အမြန်ချောစနစ်ဖြင့်ပြန်လည်ပေးပို့ရန်ဖြစ်ပါသည်။
မြန်မာနိုင်ငံသတင်းစာဆရာအသင်း(ဗဟို)
အမှတ် ၁၄၀၊ မြေညီထပ်၊ လမ်း ၄၀( အောက်ဘလောက်)၊
ကျောက်တံတားမြို့နယ်၊ ရန်ကုန်မြို့။
အတွင်းရေးမှုး ( က/စ)
တွဲဖက်အတွင်းရေးးမှုး(၁)
မြန်မာနိုင်ငံသတင်းစာဆရာအသင်း
သြဂုတ်(၇)ရက်နေ့ နေ့လည်(၁)နာရီအချိန်တွင် မကွေးမြို့ ရွာသစ်ရပ် ဗိုလ်ချုပ်လမ်း တိုင်းရင်းသားစည်းလုံးညီညွှတ် ရေး ပါတီရုံးသို့ ဗဟိုကော်မတီဝင် ဦးထွန်းရီ နှင့် မကွေးတိုင်းဒေသကြီး အလုပ်အမှုဆောင်ကော်မတီနှင့် တွေ့ဆုံကြောင်း သတင်းရရှိသည်။ ထိုအစည်းအဝေးခေတ္တနားစဉ် ဗဟိုကော်မတီဝင် ဦးထွန်းရီအား လူထုသတင်းမှန်ရရှိရေး မီဒီယာဥပဒေ လွတ်လပ်ခွင့်ပေး တောင်းဆိုချက် တောင်းဆိုနေသော သဘောထားကို မေးမြန်ခဲ့ရာမှ ကောက်နှုတ်ဖော်ပြပါသည်။
``ကျွန်တော်ခရီးမထွက်ခင် စာနယ်ဇင်းကောင်စီ(ယာယီ)ရဲ့ သတင်းစာရှင်းလင်းပွဲကို ကျွန်တော်တို့ဆီက ကိုယ်စား လှယ်နှစ်ယောက်သွားတက်ပါတယ်။ သူတို့ပြန်ပြောချက်အရ အစည်းအဝေးကို နေ့(၁)နာရီစမယ်ဆိုပြီး ဖိတ်ကြား ထားတဲ့ပါတီတွေထဲက တက်ရောက်တဲ့ပါတီနည်းနေတော့ တော်တော်နဲ့ မစနိုင်ဘူးလို့သိရတယ်။ သူတို့က NLD ပါတီ၊ ပြည်ခိုင်ဖြိုးပါတီ နဲ့ ၈၈ မျိုးဆက်ကျောင်းသားအဖွဲ့တွေကို စောင့်နေတယ်ထင်ပါတယ်။ နောက်တော့ အချိန်လွန်မှ အစည်း အဝေးစကြပါတယ်။ တ.စ.ည ပါတီက အစည်းဝေးတက်ရောက်သူတွေကို လွှတ်လိုက်တာအပိုင်း နှစ်ပိုင်းနဲ့လွှတ်လိုက်တာပါ။ ပြန်ကြားရေးဝန်ကြီးဌာန က လွှတ်တော်ကိုတင်ပြီး လွှတ်တော်ကအတည်ပြုထားတဲ့ စာနယ်ဇင်းနဲ့ပတ်သက်တဲ့ ဥပဒေတွေကို ယူလာပြီးလေ့လာခဲ့ပါ။ နောက် စာနယ်ဇင်းကောင်စီ(ယာယီ) က ရေးဆွဲထားတဲ့ ဥပဒေများနဲ့ ပြန်ကြားရေးဝန်ကြီးက လက်မခံလို့ မပြင်နိုင်တဲ့ ဥပဒေ(၁၇)ချက်ကိုလဲယူလာပြီးလေ့လာခဲ့ပါ။ ဒီ နှစ်ဘက်က ဖြစ်ပေါ်နေတဲ့ အချက်အလက်တွေကို လက်ရှိအခြေခံဥပဒေနဲ့ ညီမညီလေ့လာသုံးသပ်လို့ စာတမ်းပြုပြီး ကျွန်တော်တို့ကိုတင်ပြပေးရန်မှာထားပါတယ်။ အဲဒီ တင်ပြချက်များအရ တ.စ.ည ဗဟိုကော်မတီပါတီက သဘောထား ဆုံးဖြတ်ချက်ချပြီး ကြေငြာပေးသွားမှာပါ။ ဒီ သဘောထားဆုံးဖြတ်ချက်တွေကို ကျွန်တော်တို့ပါတီကနေ လွှတ်တော် ထဲမှာရှိတဲ့လွှတ်တော်ကိုယ်စားလှယ် (၁၆)ယောက် ဆီကိုပို့ပေးမှာပါ။ လွှတ်တော်ထဲမှာ ဆက်လက်တင်ပြခိုင်းပါ့မယ်။ ယေဘူယ ကတော့ အခြေခံဥပဒေအရ မီဒီယာလွှတ်လပ်ခွင့်ကို ထောက်ခံတယ် ကြိုဆိုပါတယ်။ ပြည်သူလူထုရဲ့ သတင်းမှန်ရရှိရေး ပြည်သူလူထုတွေ ရဲ့လွှတ်လပ်ခွင့်တွေကိုလဲ ထောက်ခံတယ် ကြိုဆိုပါတယ်..။ ဟု တိုင်းရင်းသားစည်းလုံးညီညွှတ်ရေးပါတီ ဗဟိုကော်မတီဝင် ဦးထွန်းရီ က ပြောသည်။
မကွေးမြို့ ဈေးလယ်စိုးရပ် ဗိုလ်ချုပ်လမ်း မကွေးရှော့ပင်မော့ တွင် နံနက်(၉ မှ ၁၁)နာရီအချိန်အထိ SAMSUNG ကုမ္ပဏီ မှ အရောင်းစင်တာဖွင့်ပွဲကျင်းပကြောင်း သတင်းရရှိသည်။
အဆိုပါဖွင့်ပွဲတွင် မကွေးတိုင်းဒေသကြီးအစိုးရအဖွဲ့ ၀န်ကြီးချုပ် ဦးဘုန်းမော်ရွှေ နှင့် ၀န်ကြီးများ၊ ဖိတ်ကြားထားသော ဧည့်သည်တော်များ နှင့် SAMSUNG ဟန်းဆက်ဝယ်ယူလိုကြသော လုပ်သားပြည်သူများ (၁၅၀)ဦးခန့်တက်ရောက်ကြောင်း၊ အဆိုပါဖွင့်ပွဲကို လူမှုရေးဝန်ကြီး ဦးဝင်းဖေ၊ မကွေးရှော့ပင်းမော့ ပိုင်ရှင် ဦးတင်ထွန်း နှင့် ဆန်မ်ဆောင်းကုမ္ပဏီ ဒါရိုက်တာ (ကိုရီးယားနိုင်ငံသား Mr.Nansik Ahn) တို့မှ ဖဲကြိုးဖြတ်ဖွင့်လှစ်ပြီး SAMSUNG ဆိုင်းဘုတ်အား ၀န်ကြီးချုပ် ဦးဘုန်းမော်ရွှေ က စက်ခလုပ်နှိပ့်၍ ဖွင့်လှစ်ကြောင်း သတင်းရရှိသည်။ ယနေ့ဖွင့်ပွဲရက်မှာ SAMSUNG Galaxy တစ်သ်ိန်းတန် ဟန်းဆက်နှင့် အထက် SAMSUNG Galaxy S3, S4, Note2 ထိဝယ်ယူသူများကို အပိုလက်ဆောင်အဖြစ် ငွေကျပ်နှစ်သောင်းခွဲတန်သော SAMSUNG ဟန်းဆက်တစ်လုံးနှင့် ထီးတစ်ချောင်းပေးကြောင်း၊ အဆိုပါလက်ဆောင်ပေးခြင်းကို အလုံးရေကန့် သတ်ထား ကြောင်း၊ မကွေးမြို့ရှိ SAMSUNG ကုမ္ပဏီမှ အရောင်းစင်တာတွင် ဟန်းဆက်များကို ၀ယ်ယူအားပေးသူများဖြင့် တစ်နေကုန် စည်ကားစွာဖြင့် ၀ယ်ယူအားပေးနေကြောင်း သတင်းရရှိသည်။
``ကျွန်တော်တို့ ဆင်းဖြူကျွန်းမြို့ က စလင်းမြို့ထက် စီးပွားရေး လူမှုရေး အစစအရာရာပိုပါတယ်။ မြေလတ်ဒေသမှာ ဆင်းဖြူကျွန်းမြို့ဟာ မီးဖိုချောင်အတွက် ဟင်းအိုးကြီးဆိုရင် မမှားပါဘူး။ ကုန်စိမ်းများနဲ့ ဒေသခံထွက်ကုန်တွေကို ရန်ကုန်မြို့ထိ ကားလမ်း ရေလမ်းကနေ သင်္ဘောစင်းလုံးနဲ့ တင်ပို့နေကြပါတယ်။ စလင်းမြို့နယ်ကြီးကလဲ တော်တော်ကြီးပါတယ်။ ဒါကြောင့် ဆင်ဖြူကျွန်းမြို့ကို မြို့နယ်တစ်ခုအဖြစ်ခွဲပေးစေလိုပါတယ်။ မြို့နယ်မြို့ မဖြစ်ဖြစ်အောင် ကျွန်တော်တို့ကော်မတီနဲ့ မြို့လူထူ နယ်လူထုအားလုံးစုပေါင်းပြီး ဆက်လက်ဆောင်ရွက်သွားကြမှာပါ။ သြဂုတ်လ(၅)ရက်နေ့မှာ ကျွန်တော်တို့ ဆင်ဖြူကျွန်းမြို့နယ်ခွဲအဖြစ်တောင်းဆိုရေးကော်မတီနဲ့ စလင်းမြို့အုပ်ချုပ်ရေးမှူးအပါအ၀င် ဌာနဆိုင်ရာလူကြီးတွေ မြို့မိ မြို့ဖဆွေ ဆွေးနွေးညှိနှိုင်းကြပါ့မယ်။ ပြည်တွင်း၊ ပြည်ပက သတင်းမီဒီယာတွေကိုလဲဖိတ်ကြားထားပါတယ်..။´´ ဟု ဆင်ဖြူကျွန်းမြို့ မြို့နယ်ဖြစ်မြောက်ရေးကော်မတီ အတွင်းရေးမှူး ဦးကြည်ဝင်း က မြန်မာပို့စ် သို့ပြောသည်။
ဇူလိုင်(၃၁)ရက် နေ့(၁၀ မှ ၁၂း၁၅ နာရီ)အချိန်တွင် မကွေးမြို့နယ်အထွေထွေအုပ်ချုပ်ရေးမှူး အစည်းအဝေးခမ်းမ၌ မကွေးတိုင်းဒေသကြီးအတွင်း ပုဂ္ဂလိကကဏ္ဍပြောင်းလဲဖွံ့ဖြိုးတိုးတက်ရေး အတွက် ဖွဲ့စည်းရန် အလုပ်ရုံဆွေးနွေးပွဲ ကျင်းပကြောင်း သတင်းရရှိသည်။ 
အဆိုပါအခန်းအနားတွင် မကွေးတိုင်းဒေသကြီးအစိုးရအဖွဲ့ ၀န်ကြီးချုပ် ဦးဘုန်းမော်ရွှေ နှင့် အစိုးရ၀န်ကြီးများ၊ တိုင်းဒေသကြီး/ခရိုင်၊မြို့နယ်များမှ ဌာနဆိုင်ရာ အကြီးအကဲများ၊ မြို့မိ မြို့ဖများ၊ ပုဂ္ဂိလကစက်မှုလုပ်ငန်းရှင်များနှင့် ကုန်သည်ကြီးများအသင်းအဖွဲ့ဝင်များ စုစုပေါင်း(၁၅၀)ဦးခန့်တက်ရောက်ကြသည်။ ပုဂ္ဂလိကကဏ္ဍပြောင်းလဲဖွံ့ဖြိုးတိုးတက် ရေးအတွက် ဖွဲ့စည်းရန် စီမံချက်အသေးစ်ိတ်ကို မကွေးတိုင်းဒေသကြီး စီမံကိန်းမှူး ဦးစိုးမြင့်က ရှင်းလင်းပြောကြားကြောင်း၊ စီမံချက်၏အဓီက ကြီးကြပ်ဦးဆောင်သူများမှာ တိုင်းဒေသကြီးအုပ်ချုပ်ရေးမှူး နှင့် ခရိုင်/မြို့နယ် အုပ်ချုပ်ရေးမှူးများမှ ကော်မတီတွင် ဥက္ကဋ္ဌ အဖြစ်ဆောင်ရွက်ပြီး ၎င်းတို့အောက်တွင် အစိုးရအဖွဲ့လုပ်ငန်းအဖွဲ့ဆပ်ကော်မတီ နှင့် ပုဂ္ဂလိကလုပ်ငန်း အဖွဲ့ဆပ်ကော်မတီများ ဖြင့် တိုင်းဒေသကြီးကြီးကြပ်မှုကော်မတီ၊ ခရိုင်ကြီးကြပ်ရေးကော်မတီ၊မြိုနယ် ကြီးကြပ်ရေးကော်မတီ များကို အဆင့်ဆင့်ဖွဲ့စည်းသွားမည်ဖြစ်ကြောင်း၊ ထူးခြားချက်မှာ မြို့နယ်ကြီးကြပ်ရေးကော်မတီ၏ အောက်ရှိ မြို့နယ်အစိုးရ ကြီးကြပ်ရေးကော်မတီ နှင့် မြို့နယ်ပုဂ္ဂလိကလုပ်ငန်းအဖွဲ့ရှိရာတွင် မြို့နယ်ပုဂ္ဂလိကလုပ်ငန်းအဖွဲ့၏ အောက်ခြေမှာ ကျေးရွာအုပ်စုအစုအဖွဲ့များ နှင့် အခြေခံသမ၀ါယမအသင်းများ ကို အောက်ဆုံးအဆင့်မှာ ဖွဲ့စည်းထားကြောင်း၊ မကွေးတိုင်း ဒေသကြီးအတွင်း ပုဂ္ဂလိကကဏ္ဍပြောင်းလဲဖွံ့ဖြိုးတိုးတက်ရေးအတွက် တိုင်းဒေသကြီး/ခရိုင်/မြိုနယ်များမှဖွဲ့စည်းပြီးသော ကော်မတီများမှ အနီးကပ်ကြီးကြပ်ဆောင်ရွက်၍ လိုအပ်ချက်များကိုအောင်မြင်အောင် ကူညီဆောင်ရွက်သွားမည်ဖြစ် ကြောင်း မကွေးတိုင်းဒေသကြီး စီမံကိန်းမှူး ဦးစိုးမြင့်က ရှင်းလင်းပြောကြား၍ သတင်းရယူခဲ့သည်။
ဇူလိုင်(၃၁)ရက်နေ့ နံနက်(၁၀ မှ ၁၂) နာရီအချိန်တွင် မကွေးမြို့ ရန်ကင်းရပ် ခွါညိုလမ်း နှင့် ၃လမ်းထိပ်ရှိ မကွေးမြစ်ကွေ့ဧရာလူမှုကွန်ယက် အစည်းအဝေးခန်းတွင် မကွေးမြို့ ရှစ်လေးလုံး အရေးတော်ပုံ(ငွေရတု)၊(မြေလတ်ဒေသ) အခမ်းအနားကျင်းပရေးကော်မတီအဖွဲ့ဝင်(၃၀)ဦးကျော်ခန့် အစည်းဝေးကျင်းပကြောင်း သတင်းရရှိသည်။ 
အဆိုပါအစည်းအဝေး၏ ဆုံးချက်အရ မကွေးမြို့ ရှစ်လေးလုံး အရေးတော်ပုံ(ငွေရတု)အခမ်းအနားကို မကွေးမြို့ ဈေးရပ် မဲထီလမ်း (၈၈-သပိတ်စခန်း-အောင်ဓမ္မာရုံ)အနီးရှိ မင်းကျောင်းဘုန်းတော်ကြီးကျောင်းတွင် (၈-၈-၂၀၁၃) နေ့ နံနက်(၈)နာရီမှာ အခမ်းအနားစတင်မည်ဖြစ်ကြောင်း သတင်းရရှိသည်။ ယခင်နှစ်က အဆိုပါ မင်းကျောင်းတွင် မကွေးမြို့ ရှစ်လေးလုံး အရေးတော်ပုံအခန်းအနားကို မြို့နယ်အဆင့်ဖြင့်သာကျင်းပနိုင်ခဲ့၍ ယခုနှစ်တွင် မြေလတ်ဒေသ အဖြစ် ကျယ်ကျယ်ပြန့်ပြန့် ဖိတ်ကြားထားပြီး မကွေးမြို့ ရှစ်လေးလုံး အရေးတော်ပုံ(ငွေရတု)အခမ်းအနားကြီးကို ကျင်းပဆောင်ရွက် မည်ဖြစ်ကြောင်း အဆိုပါအစည်းအဝေးက ဖိတ်စာများစတင် ဖိတ်ကြားဖြန့်ဝေခြင်း၊ အမှတ်တရအဖြစ် မကွေးမြို့ ရှစ်လေးလုံး အရေးတော်ပုံ (ငွေရတု)တီရှပ် စွပ်ကြယ်များ ရောင်းချခြင်းများ ပြုလုပ်ကြသည်။ သြဂုတ်လ(၅)ရက်နေ့တွင် မကွေးမြို့ ရှစ်လေးလုံး အရေးတော်ပုံ(ငွေရတု)အခမ်းအနားကျင်းပမည့် မကွေးမြို့ ဈေးရပ် မဲထီလမ်း (အောင်ဓမ္မာရုံ)အနီးရှိ မင်းကျောင်း ဘုန်းတော်ကြီးကျောင်းတွင် ၈၈အရေးတော်ပုံ(ငွေရတု) မြေလတ်ဒေသ-ကျင်းပရေးကော်မတီ၏ အလုပ်အမှု ဆောင် အစည်းဝေးကျင်းပပြီး အဆိုပါအခန်းအနားကို စတင်ပြင်ဆင်ဆောင်ရွက်သွားမည်ဖြစ်ကြောင်း သတင်းရရှိခဲ့သည်။
အလားတူ မကွေးမြို့ မြင်သာရပ်ကွက် မဲထီလမ်းရှိ အမျိုးသားဒီမိုကရေစီအဖွဲ့ချုပ်ရုံးတွင်လည်း မကွေးမြို့ ရှစ်လေးလုံး အရေးတော်ပုံ(ငွေရတု)အခမ်းးအနားအဖြစ် ကဗျာ၊ ဆောင်းပါး၊ ကာတွန်း နံရံကပ် စာပေပြိုင်ပွဲ၊ ကျဘမ်း စကားပြောပွဲ နှင့် ရှစ်လေးလုံးအရေးတော်ပုံ(ငွေရတု)အထိမ်းအမှတ် ဟောပြောပွဲများ ကျင်းပမည်ဖြစ်ကြောင်း မကွေးမြိုနယ် NLD ပါတီ လစဉ်အလုပ်အမှုဆောင်ကော်မတီ၏ ဇူလိုင်(၂၅)ရက်နေ့ အစည်းအဝေးဆုံးဖြတ်ချက်အရ သတင်းရရှိသည်။
Copyright © ရွှေလမ်းငွေလမ်း ဝင်းကြည် / Template by : ေက်ာ္ဇင္ဟိန္း
