` ဧရာဝတီမြစ်ရေတိုက်စား၍ ကမ္ဘားပြိုနေသော သံဇလုံကျေးရွာရွှေ့ပြောင်းရန် မြေနေရာများ အငြင်းပွားပြဿနာဖြစ်´
ဆိပ်ဖြူမြို့နယ်၊ သံဇလုံကျေးရွာ နှင့် ကိုင်းမြေများအား ယခုနှစ်တွင် ဧရာဝတီမြစ်ရေးတိုက်စား၍ ကမ္ဘားများပြိုကျနေ ကြောင်း သတင်းရရှိပါသည်။ ၎င်း ရွာသည် ဧရာဝတီမြစ်၏ အနောက်ဘက်ကမ်းတွင်တည်ရှိ၍ အိမ်ခြေ(၉၀)ခန့်ရှိသည်။ ဧရာဝတီမြစ်ရေ တိုက်စားမှုကြောင့် မင်းဘူး- ဆိပ်ဖြူကားလမ်းဘေး သို့ ခေတ္တပြောင်းရွှေ့ပေးထားရကြောင်းသိရသည်။ ၎င်း ရွာတွင် အိမ်ခြေ အနည်းငယ်မျှသာကျန်ရှိသည်။ သံဇလုံကျေးရွာမှ အခြေခံမူလတန်းကျောင်းအား တောင်ငယ်လုံကျေးရွာ မှ ကွင်းအမှတ်(၁၁၁၆) အတွင်းရှိ ဒေါ်ရင်မေ၏ ယာမြေ(၁.၄၉)ဧကတွင် မူလမြေပိုင်ရှင်၏မြေးမှ လှူဒါန်းပေး၍ ရွှေ့ပြောင်းဆောက်လုပ်ပြီး ဖြစ်ကြောင်းမြင်တွေ့ရသည်။ ၎င်း သံဇလုံကျေးရွာ ရွှေ့ပြောင်းရန် သက်ဆိုင်ရာမှ တောင်ငယ်လုံကျေးရွာပိုင် ကွင်းအမှတ်(၁၁၁၆)၊ ဧက(၁၈.၇၁)ရှိ တောင်သူ(၁၁)ပိုင်းယာမြေများနှင့် ကွင်းအမှတ်(၁၁၁၇) တောင်သူ(၄)ဦးပိုင်ယာမြေနေရာ(၂)ခုတွင် တစ်နေရာမှာ အဆင်ပြေအောင် ညှိနှိုင်းဆောင်ရွက်နေကြကြောင်းသိရသည်။ ယင်း ကိစ္စအား အဖြစ်မှန်ကိုသိလို၍ သံဇလုံကျေးရွာဟောင်း(ကမ်းနား) နှင့် တောင်ငယ်လုံကျေးရွာမှ ယာမြေပိုင်ရှင်များထံသို့ သွားရောက်ကြည့်ရှု၍ စုံစမ်းမေးမြန်း ခဲ့ပါသည်။ တောင်ငယ်လုံကျေးရွာမှ ကွင်းအမှတ်(၁၁၁၆) ယာမြေပိုင်ရှင်(၁၁)ဦးမှ ဦးဝင်းလွင်ဦး နှင့် ဦးဥာဏ်စော တို့နှင့်တွေ့ဆုံရာတွင် ၎င်းတို့၏ ပြောစကားများအား ကောက်နုတ်ဖော်ပြပါသည်။
`` သံဇလုံကျေးရွာရဲ့ မြောက်ဘက်မှာ သူတို့လုပ်စားနေတဲ့ ကိုင်းမြေဧက(၂၀)ကျော်ရှိနေပါတယ်။ သူတို့ပိုင်ဆိုင်တဲ့ ကိုင်းမြေတွေမှာတော့ ကွမ်းခြံတွေစိုက်ပျိုးထားပြီး ယခု သူတို့လိုချင်တဲ့ ကျွန်တော်တို့ယာမြေကောင်းတွေကို ရယူဖို့တောင်းဆိုနေတာ လက်မခံနိုင်ပါဘူး။ ကျွန်တော်တို့မှာ လုပ်စားစရာဆိုလို့ ကိုင်းမြေမရှိပါဘူး၊ ဒီယာမြေလေးတွေသာ ရှိကြပါတယ်။ ယာမြေတွေနဲ့အတူ နှစ်ပေါင်းတစ်ရာကျော်သက်တန်းရှိတဲ့ ထန်းပင်ပေါင်း(၁၅၀၀)လောက်ကိုလည်း ဖျက်ဆီးပစ်ရမယ်ဆိုတော့ မဖြစ်နိုင်ပါဘူး။ ယခု မူလတန်းကျောင်းဆောက်ထားတဲ့ ကျောင်းဝိုင်းအ၀င်လမ်းကိုလည်း ကျွန်တော်တို့ ကွင်းအမှတ်(၁၁၁၆) ထဲက ယာခင်းမြေတွေကို လှူဒါန်းပေးထားပါသေးတယ်။ ဒါကြောင့် သံဇလုံကျေးရွာဟောင်းကို သူတို့ရွာမြောက်ဘက်ရှိ ကိုင်းမြေဧက(၂၀)မှာပဲ ရွှေ့ပြောင်းစေချင်ပါတယ်။ ဒီကိစ္စကို ကျွန်တော်တို့ တောင်သူ(၁၁)ဦး လက်မှတ်ရေးထိုးပြီး(၁၉-၈-၂၀၁၂)နေ့က သက်ဆိုင်ရာ အဆင့်ဆင့်သို့ မေတ္တာရပ်ခံစာ တင်ပြထားပါတယ်..။´´ ဟု တောင်ငယ်လုံရွာသားများ ဦးဝင်းလွင်ဦးနှင့် ဦးဥာဏ်စောတို့ နှစ်ဦးမှ ပြောသည်။
ဝိုင်းအောင်
Artikel ` ဧရာဝတီမြစ်ရေတိုက်စား၍ ကမ္ဘားပြိုနေသော သံဇလုံကျေးရွာရွှေ့ပြောင်းရန် မြေနေရာများ အငြင်းပွားပြဿနာဖြစ်´ ini dipublish oleh shwelannwelanwinkyi pada hari Thursday, November 1, 2012. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan ` ဧရာဝတီမြစ်ရေတိုက်စား၍ ကမ္ဘားပြိုနေသော သံဇလုံကျေးရွာရွှေ့ပြောင်းရန် မြေနေရာများ အငြင်းပွားပြဿနာဖြစ်´
Subscribe to:
Post Comments (Atom)
0 comments:
Post a Comment