ဇူလိုင်(၂၂)ရက် ၀ါဆိုလပြည့်နေ့ နံနက်(၉ မှ နေ့လည် ၁၁း၃၀)နာရီ မကွေးမြသလွန်ဘုရားကုန်းတော်ရှိ ဓမ္မာရုံတွင် မကွေးတိုင်းဒေသကြီးအစိုးရအဖွဲ့ နှင့် ဌာနပေါင်းစုံ မှ တတိယအကြိမ် ၀ါဆိုသင်္ကန်းဆက်ကပ်လှူဒါန်းကြောင်း သတင်းရ ရှိသည်။ အခမ်းအနားကို `နမောတဿ´ သုံးကြိမ်ိရွတ်ဆိုဖွင့်လှစ်၍ မကွေးမြို့ ရာဇမုနိတောင်ပေါ်ကျောင်းတိုက် ပဓာန နာယက၊ နိုင်ငံတော်သြ၀ါစရိယ၊ တိုင်းဒေသကြီး (ဘ/က)ကျောင်း ကြီးကြပ်ရေးမှူးကော်မတီ ဥက္ကဋ္ဌ ဘဒ္ဒ န္တကေလာသ (မဟာသတ္တမ ဇောတိကဓဇ)အရှင်သူမြတ်မှ ပရိတ်သတ်များအား ငါးပါးသီလ ချီးမြှင့်သည်။ ဆရာတော်သံဃာ အရှင်မြတ်အပေါင်းမှ ပရိတ်တရားများရွတ်ဆိုပူဇော်ကြ၏။
အဆိုပါအခမ်းအနားတွင် ပင့်သံဃာ(၁၈)ပါးအား ၀ါဆိုသင်္ကန်း(၁၈၅)စုံ ၊ အလှူငွေ(၁၉)သိန်းခန့် လှူဒါန်းပူဇော် ကြောင်း၊ အဆိုပါအခမ်းအနားသို့ မကွေးတိုင်းဒေသကြီးအစိုးရအဖွဲ့ ၀န်ကြီးချုပ် ဦးဘုန်းမော်ရွှေ နှင့်ဇနီး၊ အစိုးရ၀န်ကြီးများ နှင့်ဇနီးများ၊ တိုင်း/ခရိုင် မကွေးမြို့နယ်သာသနာရေးဦးစီးဌာန၊ တိုင်း၊ ခရိုင် မြို့နယ်များမှ ဌာနဆိုင်ရာအရာရှိများ၊ ဖိတ်ကြား ထားသော ဧည်သည်တော်များ (၁၀၀)ဦးခန့်တက်ရောက်ကြကြောင်း သတင်းရရှိသည်။
ဗုဒ္ဓမြတ်စွာဘုရားသခင် ဓမ္မာစင်္ကြာတရားဦး ဟောဆိုသော နေ့ထူးနေ့မြတ် ၀ါဆိုလပြည့်နေ့တွင် မကွေးမြို့ မြသလွန်စေတီတော်ပေါ်၌ နံနက်(၄)နာရီမှ စ၍ ည(၁၀)နာရီအထိ ဆွမ်း၊ ရေချမ်း၊ ဆီးမီး၊ ၀ါဆိုပန်းများဆက်ကပ်ခြင်း၊ ၀ါဆိုသင်္ကန်းများဆက်ကပ်ပူဇော်ခြင်း ကို အများပြည်သူများ မှ နေ့/ညအဆက်မပြတ် စည်ကားသိုက်မြိုက်စွာဖြင့် လှူဒါန်းပူဇော် နေကြကြောင်း သတင်းရရှိသည်။
0 comments:
Post a Comment