19 JULY အာဇာနည်နေ့တွင် နံနက်၈း၄၅ မှ နံနက်(၁၀)နာရီအချိန်အထိ မကွေးမြို့နယ် NLD ပါတီဝင်အင်အား (၁၀၀၀)ကျော်ခန့်သည် မြင်သာရပ်ကွက် မဲထီးလမ်းရှိ NLDပါတီရုံးမှ စိုးကောမင်းရပ်ကွက် ဗိုလ်ချုပ်လမ်း လွပ်လပ်ရေး ကျောက်တိုင်ပန်းခြံအနီးရှိ ဗိုလ်ချုပ်အောင်ဆန်းမြင်းစီးကြေးရုပ် သို့ ချီတက်၍ လွမ်းသူပန်းခွေချ အလေးပြု ကြောင်းသတင်း ရရှိသည်။ အဆိုပါ ဗိုလ်ချုပ်အောင်ဆန်းမြင်းစီးကြေးရုပ်ရှိ ပန်ခြံဝန်းတံခါးပေါက်များအားလုံးကိုလည်း အာဇာနည်နေ့မတိုင်မီ နေ့ရက်များမှ စတင်၍ စည်ပင်သာယာရေးဌာနမှ ဖွင့်လှစ်ပေးထားကြောင်း မြင်တွေ့ရပါသည်။ (ယခင်နှစ်က ၀င်ခွင့်မပြု၊ တံခါးများပိတ်ထားသည်။)
အလားတူ မကွေးမြို့ ပွင့်လင်းလူ့အဖွဲ့အစည်းလူမှုကွန်ယက် မှ အဖွဲ့ဝင်များ၊ ၈၈ ကျောင်းသားလူငယ်အဖွဲ့ဝင်များ နှင့် အခြားသော လူမှုရေးအသီးသီးမှ အဖွဲ့ဝင်များ စုပေါင်း၍ အဖွဲ့လိုက်ချီတက်၍ အလေးပြုကြကြောင်း မြင်တွေ့ရသည်။ ရပ်ကွက်တွင်းရှိ မူလတန်း အလယ်တန်း အထက်တန်းကျောင်းသူ ကျောင်းသားများနှင့် မိဘပြည်သူများ၊တက္ကသိုလ် အသီးသီးမှ ကျောင်းသား၊ကျောင်းသူများ တစ်ဖွဲဖွဲဖြင့် ချီတက်လေးပြုကြကြောင်း၊ သက်ဆိုင်ရာ ဒေသအာဏာပိုင်များနှင့် ရဲတပ်ဖွဲ့ဝင်များ နှင့် ယာဉ်ထိမ်းရဲတပ်ဖွဲ့တို့မှ အတားအဆီး အနောက်အယှက်မပြုဘဲ ချီတက်အလေးပြုသူအားလုံးအား လုံခြုံရေး နှင့် ယာဉ်အသွားအလာများကို စနစ်တစ်ကျဖြစ်အောင် ကူညီဆောင်ရွက်ပေးကြောင်း မြင်တွေ့၍ သတင်းရယူ ခဲ့ပါသည်။
`ယခုလိုပြည်သူလူထုတွေ လူစုလူဝေးနဲ့ပါတီအလိုက် အဖွဲ့အစည်းအလိုက် အာဇာနည်နေ့မှာ ချီတက်ပြီးအလေး မပြုခဲ့ရတာ နှစ်ပေါင်း(၂၀)ကျော်ခဲ့ပါပြီ..။ ယခု ကျွန်တော်တို့က တစ်သီးပုဂ္ဂလအဖွဲ့အနေနဲ့ သူငယ်ချင်းတွေစုပေါင်း တန်းစီးချီတက် အလေးပြုကြတာပါ..။ ဘယ်အဖွဲ့အစည်းကိုမျှ ကိုယ်စားမပြုပါဘူး။´ဟု လူငယ်ဆယ်နှစ်ယောက်အုပ်စုမှ လူငယ်တစ်ဦးက မြန်မာပို့စ် ကိုပြောသည်။
0 comments:
Post a Comment