ဖေဖော်ဝါရီ(၁၄) နေ့(၁၂)နာရီအချိန်မှ နေ့(၁း၃၀)နာရီအချိန်ခန့်အထိ မန္တလေးတိုင်းဒေသကြီး စဥ့်ကူးမြို့ နယ် ကန်တောင်ရွာလယ်ဘုရားဓမ္မာရုံ၌ ကန်တောင်ကျေးရွာ(ရွှေလုပ်သား)များ(၂၇၃)ဦးတို့ လက်မှတ် ရေးထိုး၍ ကန်တောင်ရွှေလုပ်သားကုမ္မဏီ အမည်ဖြင့် တရားဝင်ရွှေလုပ်ကွက်ကို အမှတ်(၂)သတ္တုတွင်း ၀န်ကြီးဌာနမှ အမြန်ခွင့်ပြုချက် ရရှိရေးအတွက် သတင်းစာ ရှင်းလင်း ပွဲကျင်းပကြောင်း သတင်းရရှိသည်။
အဆိုပါကန်တောင်ကျေးရွာဒေသတွင် ၁၉၉၁/၉၆ ခုနှစ်မှစ၍ ရွှေလုပ်ကွက်(၀.၅၀)ဧက တနိုင်း လုပ်ကွက် တစ်ခုလျှင် နှစ်သောင်းကျပ်ဖြင့် စဥ့်ကူးမြို့နယ်ဘဏ်သို့ ငွေပေးဆောင်ပြီး နှစ်စဉ်လုပ်ကိုင်ခဲ့ရ ကြောင်း၊ ၁၉၉၉ မှ ၂၀၁၄ ခုနှစ်အတွင်းအချိန်ကာလတွင် ရွှေလုပ်ကွက် ကုမ္မဏီများဝင်ရောက်လာကြောင်း၊ ၎င်းမြို့နယ်အတွင်း ရွှေလုပ်ကွက်ကုမ္မဏီပေါင်း(၄၇)ခု အားချထားပေးခဲ့ကြောင်း၊ ကန်တောင်ကျေးရွာသို့ ထက်ရီလင်းကုမ္မဏီ(SGU-2)နှင့် မြောက်ကျွန်းသူမမ ကုမ္မဏီတို့က ရွှေလုပ်ကွက်များကိုဝင်ရောက်လုပ်ကိုင်ခဲ့ကြောင်း၊ ရွှေလုပ်ကွက်တစ် ကွက်လျှင်(၂၀)ဧကနှုန်းဖြင့် လုပ်ကွက်(၃၀၀) ဧကပေါင်း(၆၀၀)ကျော်ခန့်ချထားပေးခဲ့ကြောင်း၊ လုပ်ကွက်တခု လျှင် ရွှေ(၂၄)ကျပ်သား နိုင်ငံတော်သို့ပေးသွင်းပြီး ကုမ္မဏီလိုင်စင်ရရှိရန် အမှတ်(၂) သတ္တုတွင်းဝန်ကြီးဌာန တွင်လိုင်စင်လျှောက်ထားရကြောင်း၊ ယခင်ကတစ်ပိုင်တစ်နိုင်ချထားစဉ်အခါက ကန်တောင် ကျေးရွာမှ ပြည်သူများက လုပ်ကိုင်ဆောင်ရွက်နိုင်ခဲ့သော်လည်း အင်အားကြီး ကုမ္မဏီကြီးများ ၀င်ရောက်လာ သောအခါ ရွာသူရွာသားများ လုပ်ကွက်နေရာမယူနိုင်၍ လက်ရှိလုပ်ကိုင်နေသော ထက်ရီလင်း ကုမ္မဏီ(SGU-2)ထံမှ ရွာသူ ရွာသားအချို့အား နေ့စားလက်မှတ်ဖြင့် ရွှေထုတ်ယူနိုင်ရန် မြေစာဗြုန်းများခွင့်ပြု၍ တူးဖော်ခွင့်ပြုခဲ့ကြောင်း ဒေသခံ ဦးအုန်းသန်း မှ ပြောသည်။
ကန်တောင်ကျေးရွာသူ ကျေးရွာသားများသည် ၎င်းတို့ဒေသ၌ ရွှေတူးဖော်ခြင်းလုပ်ငန်းသာ လုပ်ကိုင်စား သောက်နိုင်သော သဘာဝကျောက်တောင်မြေများပေါ်တွင် နေထိုင်သူများဖြစ်ကြောင်း၊ အခြား သီးနှံများ စိုက်ပျိုး စားသောက်လုပ်ကိုင်သော မြေများလုံးဝမရှိကြောင်း၊ ၎င်းကျေးရွာသည် အိမ်ခြေပေါင်း(၁၀၀၀) ကျော်ခန့်၊ လူဦးရေ (၅၀၀၀)ကျော်ခန့်နေထိုင်၍ ဘုန်းတော်ကြီးသင်စာသင်ကျောင်း၊ကျေးလက်ကျန်းမာရေး ဆေးခန်းနှင့်အစိုးရ အလယ်တန်းကျောင်း၊ ကျောင်းသားဦးရေ တစ်ထောင်ခန့်ရှိကြောင်း၊ လျှပ်စစ်မီးနှင့် ရေလည်းပြည့်စုံစွာရရှိကြောင်း၊ သို့သော်လည်း ပြည်ထဲရေးဌာနသို့ ကျေးရွာအမည်ဂရန်အမည်လျှောက်ထားသော်လည်း ရွာဂရန်မပေါက်သေး ကြောင်း၊ ဂရန်အမည်မပေါက်ရန် ရွှေတူးနေသော ခရိုနီများက ကုမ္မဏီမှ သက်ဆိုင်ရာသို့ တားဆီးပိတ်ပင့်ထား သည်ဟု ထင်ကြောင်း၊ ယခု မခိုင်မှ ဦးဆောင်ငွေစိုက်ထုတ်၍ အများပိုင်ကုမ္မဏီလျှောက်ထားပေးခြင်းသည် ကန်တောင် ကျေးရွာသူ ကျေးရွာသားများအနေဖြင့် တိုက်ဆောက်ကားစီးဖို့မရွယ်ပါကြောင်း၊ နေ့စဉ်ထမင်းဝလျင် အောင်စားသောက် နိုင်ရန် ရွာသားများရဲ့လုပ်အားအခွင့်အရေးများကိုသာ မျှော်လင့်ပါကြောင်း၊ ရွှေရတနာ အောင်မြေ ကျောင်း ဆရာတော် ဦးအစ္စရိယ ကပြောသည်။
``ဦးဇင်းတို့ကတော့ ဒီကန်တောင်ကျေးရွာသူ ရွာသားများစားဝတ်နေရေးအဆင်ပြေလို့ ဆင်းရဲမွဲတေမှု ပပြောက်ရေးအတွက် ဒကာမ မခိုင်လျှောက်ထားပေးတဲ့ ကန်တောင်ရွှေလုပ်သားကုမ္မဏီ လိုင်စင်ကို အမြန်ချပေး စေချင်ပါတယ်။ ကုမ္မဏီလျှောက်ထားဖို့ မန္တလေးတိုင်းဒေသကြီး အစိုးရအဖွဲ့က တောင်းခံတဲ့ ထောက်ခံစာ တွေလည်း အပြည့်အစုံပေးပြီးပါပြီ၊ ဒါကြောင့်သက်ဆိုင်ရာ သတ္တုဝန်ကြီးဌာနမှ လုပ်ပိုင်ခွင့် ကုမ္မဏီလိုင်စင် အမြန်ချပေးပါလို့ မေတ္တာရပ်ခံချင်ပါတယ်´´။ဟု ဆရာတော် ဦးဇော တိက မှပြောသည်။
`` ကျွန်မတို့ ကန်တောင်ရွာသူ ရွာသားတွေနဲ့ ယခုကျွန်မလက်ရှိ(၄)တွင်းဖောက်ပြီး လုပ်နေတဲ့ မြေပုံအမှတ် 93/B2 ရွှေလုပ်ကွက်(၇)ဧကခန့်ကို ထက်ရီလင်းကုမ္မဏီ (SGU_2)ဆီကနေ၂၀၁၃၊ဇွန်လ(၆)ရက်နေ့မှစ၍ နှစ်စင်ကြေး အခွန်ငွေ ဆောင်ပြီးလုပ်လာခဲ့တာပါ။ ဒီရွှေလုပ်ကွက်ဖောက်ခဲ့တာ ကလည်း ကန်တောင်ရွာသူ ရွာသားများရဲ့ စားဝတ်နေရေးအတွက် ဦးဆောင်ပြီးလုပ်လာခဲ့တာပါ။ အဲဒီတွင်း ဖောက်ခဲ့ရတာ အခွန်အခများ နှစ်စဉ်ကြေးအပြင် ကျွန်မတို့ပိုင်စက်ကြီးတွေနဲ့ တွင်းဖောက်ခဲ့တာ ငွေကျပ်သိန်းပေါင်း သုံးလေး ထောင်ခန့်ကုန်ကျခဲ့ပါတယ်။ ဒီလုပ်ကွက်ရွှေကျင်းတွေက ရွှေကြောလည်းတွေ့ရော ဒီမြေလုပ်ကွက်က ထက်ရီလင်းကုမ္မဏီပိုင်မြေဧရိယာမှာ မပါဘူး၊ ပလပ်မြေဖြစ်နေတယ်ဆိုပြီး ညစ်ပတ်ပြီး ကြေငြာပါတယ်။ ထက်ရီလင်းကုမ္မဏီ(SGU_2)က နှစ်စဉ်အခွန်နဲ့ ဆက်ကြေးယူပြီး၂၀၁၄၊ ခိုင်းလို့လုပ်ခဲ့တဲ့ ကျွန်မတို့ရဲ့ ဒီရွှေကြောလည်း အောင်မြင်နေရော အထက်ကိုစာတင် အကြောင်းကြားပြီး ဇန်န၀ါရီ(၁၅)ရက်နေ့မှာ ရွှေတွင်းလေးတွင်းလုံးကို အပိတ်ခိုင်းပါတယ်။ ဒီမြေလုပ်ကွက်ကို ဆက်မလုပ်ဖို့ ဖေဖော်ဝါရီ(၃)ရက်နေ့က အမှတ်(၂) သတ္တုတွင်းလုပ်ငန်းမြို့နယ်တာဝန်ခံနှင့် မြို့နယ်ရဲတပ်ဖွဲ့မှူး ကစာထွက်ပြီး တားဆီးခဲ့ပါတယ်၊ မအောင်မြင်ခင် ကတော့ ထက်ရီလင်းကုမ္မဏီ က နှစ်စဉ်လိုင်စင်ကြေး ဆက်ကြေးတွေယူပြီး အောင်မြင်လာမှ တားဆီးတာကို လုံးဝလက်မခံနိုင်ပါဘူး။ ဒါကြောင့် ကျွန်မက ငွေစိုက် ထုတ်ပြီး ဒီမြေ 93/B2 ဧက (၇)ဧကထဲက ရွှေတွင်းလေးတွင်းလုံးနဲ့ လုပ်ကွက်မြေတွေကို ပြန်ရရှိရေးအတွက် ကန်တောင်ရွှေလုပ်ငန်းကုမ္မဏီအမည်နဲ့ တိုင်းဒေသကြီး အစိုးရအဖွဲ့ထံသို့ လျှောက်ထားခဲ့ပါပြီ၊ ဒီလုပ်ငန်းကရတဲ့ အကျိုးအမြတ်ရဲ့ သုံးပုံတစ်ပုံကို ကန်တောင်ကျေးရွာအတွက် ခွဲဝေပေးပါ့မယ်။ အလုပ်သမားများကိုလည်း ကန်တောင်ရွားသားတွေကိုသာ အလုပ်ပေးမှာဖြစ်ပါတယ်၊ ရွာသားတွေထဲက အင်းဖောက်နိုင်သူပေါ်လာရင်လည်း လုပ်ကွက်နေရာများကို အကျိုးတူ ပူးပေါင်းလုပ်ဆောင်ပေးပါ့မယ်၊ ဒီအများပိုင် ကန်တောင်လုပ်သားများရွှေ ကုမ္မဏီကို ကျွန်မက ဘယ်သောအခါမှ လက်ဝါးကြီးအုပ်မည်မဟုတ်ပါကြောင်း ဒီဇာနယ်ဇင်းရှင်းလင်းပွဲမှာ ကတိက၀တ်ပြုပါတယ်ရှင်.. ´´။ဟု မခိုင် ကပြောသည်။
၎င်းကုမ္မဏီအမည်ဖြင့် (၁၀-၂-၂၀၁၄)နေ့က မှတ်ပုံတင်လျှောက်ထားရန် သတ္တုတွင်းဝန်ကြီးဌာနသို့ တင်ထားရာ (၁၃-၂-၂၀၁၄)နေ့တွင် ကန်တောင်လုပ်သားများကုမ္မဏီအမည်ဖြင့် မှတ်ပုံတင်အမည်ရခဲ့ကြောင်း၊ ၂၀၁၄၊ ဇန်န၀ါရီ(၁၅)ရက်နေ့က တွင်းပိတ်ခံထားရသော လုပ်ကွက်(၇)ဧက (ပလပ်မြေ) ကို လုပ်ကိုင်ခွင့်ပြုမိန့်ချ၍ မပေးသေးကြောင်း၊ စည်းမျဉ်းစည်းကမ်းများနဲ့အညီ အများပိုင်ကုမ္မဏီကို ချပေးမည်ဟု သတ္တုတွင်းဝန်ကြီးဌာနနှင့် တိုင်းဒေသကြီးအစိုးရအဖွဲ့တို့က အကြောင်းပြန်ကြားကြောင်း ကုမ္မဏီမန်နေဂျင်းဒါရိုက်တာ ဦးအေးမင်းစိုးက ပြောသည်။
အမှတ်(၂)သတ္တုတွင်းလုပ်ငန်းမှ ယခုလျှောက်ထားသော 93/B2မြေကွက် (၇)ဧက လုပ်ကွက်မြေနှင့် ရွှေတွင်း(၄)တွင်းတို့ အား ပိတ်သိမ်း၍တားဆီးရခြင်းအကြောင်းအား ဒေသခံ ဦးအောင်ဇေယျ(သပိတ်ကျင်း) မှ သတင်း မီဒီယာများကိုယ်စား ထက်ရီလင်းကုမ္မဏီ တာဝန်ခံမန်နေဂျာ ဦးမျိုးသန့်ကို မေးမြန်းခဲ့သည်။
`` ဒီလုပ်ကွက်ကိုဘာကြောင့်ပိတ်ရသလဲဆိုတာကို ပြောလို့မရတဲ့ကိစ္စဖြစ်နေလို့ မပြောပါရစေနဲ့..´´ ဟု ဦးမျိုးသန့်က ဖြေဆိုသည်။ ထို့နောက် အမှတ်(၂)သတ္တုတွင်းလုပ်ငန်းမှ ထုတ်ပြန်ချက်မှာလည်း ၎င်းလုပ်ကွက်မြေ (၇)ဧကသည် လက်ရှိ မည်သည့်ကုမ္မဏီ၏ အမည်ပေါက်မြေမဟုတ်ကြောင်း၊ (ပလပ်မြေ)အဖြစ် နှစ်ပေါင်း(၁၅) နှစ်ခန့် ကြာခဲ့ပြီဖြစ်ကြောင်း အမှတ်(၂)သတ္တုတွင်းလုပ်ငန်းက ပြန်လည်ဖြေဆိုခဲ့သည်ဟု အောင်ဇေယျ (သပိတ်ကျင်း) က မီဒီယာများအား ပြန်လည်ပြောပြသည်။
ရွှေကန်တောင်လုပ်သားကုမ္မဏီအား ကော်မတီ(၉)ဦးဖြင့်ဖွဲ့စည်း၍ လက်မှတ်ထိုးလျှောက်ထားသူ (၂၇၃)ဦးဖြင့် လျှောက်ထားခဲ့ကြောင်း၊ ၎င်းကော်မတီအဖွဲ့ဝင်များအား တက်ရောက်လာသော ကန်တောင်ကျေးရွာ လုပ်သားပြည်သူများနှင့် သတင်းမီဒီယာများ က မရှင်းလင်းသော အချက်အလက်များအား မေးမြန်းခြင်း၊ ပြန်လည်ဖြေဆိုရှင်းလင်းပြီး နေ့ (၁.၃၀)နာရီအချိန်တွင် စာနယ်ဇင်းရှင်းလင်းပွဲပြီးကြောင်း၊ ၎င်းတို့ အများပိုင် ကုမ္မဏီအဖြစ်လျှောက်ထားသော လုပ်ကွက်မြေ 93/B2 (၇)ဧက သို့ သတင်းမီဒီယာများမှ လိုက်လံကြည့်ရှု၍ သိလိုသည်များကို ထပ်မံမေးမြန်းပြီး မှတ်တမ်းဓာတ်ပုံများ ရိုက်ယူခဲ့ကြသည်။
