``မကွေးမြို့ တ.စ.ည ပါတီ ၀ါဆိုသင်္ကန်းဆက်ကပ်၍ သတင်းမီဒီယာများနှင့်တွေ့ဆုံပွဲ´´
(လက်ရှိ နိုင်ငံရေးပင်စင်ဥပဒေ အရ နိုင်ငံရေးသမားတိုင်းကို ခံစားခွင့်များ ပေးစေလို)
မကွေးမြို့ ရွာသစ်ရပ်ကွက် ဗိုလ်ချုပ်လမ်းရှိ တိုင်းရင်းသားစည်းလုံးညီညွတ်ရေးပါတီရုံး တွင် ဇူလိုင်(၂၄)ရက်နေ့ နံနက်(၇)နာရီမှ နေ့(၁၂)နာရီအထိ သံဃာတော်(၃)ပါးပင့်ဖိတ်၍ ၀ါဆိုသင်္ကန်းဆက်ကပ်ပူဇော်ကြောင်း မကွေးတိုင်း ဒေသကြီးအတွင်းမှ ပါတီဝင်များ(၁၀၀)ခန့်တက်ရောက်ကြ၍ မကွေးတိုင်းဒေသကြီးအစိုးရအဖွဲ့မှ ပို့ဆောင်ဆက်သွယ်ရေး ၀န်ကြီး ဦးဝင်းဖေ နှင့် ချင်းတိုင်းရင်းသားဝန်ကြီး ဦးဆလိုင်းလှထွန်း တို့တက်ရောက်ကြောင်း သတင်းရရှိသည်။
အဆိုပါအခမ်းအနားအပြီး မကွေးတိုင်း တ.စ.ည ပါတီအလုပ်အမှုဆောင် အဖွဲ့နှင့် ပြည်တွင်း ပြည်ပ သတင်း မီဒီယာသမားများ စတုထ္တအကြိမ် တွေ့ဆုံပွဲကျင်းပကြောင်း၊ ယခင် တွေ့ဆုံပွဲများတွင် သတင်းမီဒီယာသမားများမှ အများ ပြည်သူများအတွက် ကျန်းမာရေး၊ပညာရေး၊ လူမှုရေးကိစ္စများအား သက်ဆိုင်သော ဌာနဆိုင်ရာအသီးသီးက ဆောင်ရွက် ပေးရန် အကြံပြုချက်များကို မကွေးတိုင်းဒေသကြီးအစိုးရအဖွဲ့သို့ တင်ပြထားချက်များ နှင့် လွှတ်တော်ကိုယ်စား လှယ်များထံ တင်ပြချက်များ မှ အကြောင်းပြန်ကြားချက်ရလဘ်များကို ပါတီအတွင်းရေးမှူး က ရှင်းလင်း ပြောကြားသည်။
မကွေးတိုင်း တ.စ.ည ပါတီအလုပ်အမှုဆောင် ဦးအောင်သောင်း(ပခုက္ကူ)က ပါတီအနေနှင့်ပြောဆိုခြင်း မဟုတ်ပါ ကြောင်း၊ မိမိတို့ကိုယ်ရေးကိုယ်တာ ခံစားချက်ကို ရင်ဖွင့်ကြောင်း ထိုပြောဆိုချက် များမှ ကောက်နှုတ်ဖော်ပြလိုက် ရပါသည်။
`` ကျွန်တော်တင်ပြ ရင်ဖွင့်ချင်တာကတော့ ယနေ့နိုင်ငံတော်မှ အတည်ပြုပြဒါန်းထားတဲ့ နိုင်ငံရေးပင်စင်ဥပဒေ အကြောင်းပါ။ ဥပဒေပါ အခန်း(၁/၂/၃/၅) တို့ကို လက်တွေ့နိုင်ငံရေးပင်စင်များ ခံစားခွင့်ပြုထားပြီး ဥပဒေပါ အခန်း(၄)ကိုတော့ ယနေ့အထိ နိုင်ငံတော်အစိုးရက လုံးဝခံစားခွင့်မပေးပါဘူး။ ဥပဒေ တစ်ခုကို အမှတ်တကယ် အတည်ပြုပြီး ပြဒါန်းထားရင် တစ်ပြေးတစ်ညီထဲ ဆောင်ရွက်ပြီး ခံစားခွင့်များကိုလည်း အတူတူပေးကြရမှာပါ။ ယခုတော့ အခန်း(၄)ပါ ခေါင်းစဉ်ဖြစ်တဲ့ (မြန်မာ့ဆိုရှယ်လစ် လမ်းစဉ်ပါတီ၊ အမြုတေပါတီကာလနှင့် ပြည်သူ့ပါတီကာလ) ဆိုတဲ့ ပြဒါန်းချက်ပါ ဥပဒေများကိုတော့ ယနေ့အထိ ဘယ်သူ့ကိုမျှ ခံစားခွင့်မပေးဘဲ မျက်ကွယ်ပြုထားနေပါတယ်။ အဲဒီအချိန်က မြန်မာဆိုရှယ်လစ်လမ်းစဉ် ပါတီဝင်များဟာ ယနေ့ ပါတီပေါင်းအစုံဖြစ်ကြတဲ့ (NLD, NDF, ကြံခိုင်ရေးပါတီတွေမှာလည်း လက်ရှိတာဝန်ယူ ထမ်းဆောင်နေကြပါတယ်။ တ.စ.ည ပါတီဝင်အားလုံးဟာ မြန်မာ့ဆိုရှယ်လစ် လမ်းစဉ်ပါတီဝင်တွေ အားလုံးမဟုတ်ကြတာကို နိုင်ငံတော်အစိုးရ သိစေချင်ပါတယ်။ ဒါကြောင့် လိုရင်းကို ကျွန်တော်ပြောချင်တာက နိုင်ငံတော်အတွက် သက်စွန့်ဆံဖျား ဆောင်ရွက်လာခဲ့ကြတဲ့ နိုင်ငံရေးသမားအချင်းအတူတူ ခွဲခြားပြီးချန်မထားဘဲ ဥပဒေအတိုင်း တစ်သားတည်း သတ်မှတ်ခံစားခွင့်ပေးစေချင်ပါတယ်။ လက်ရှိနိုင်ငံတော်အစိုးရ မှ အတည်ပြုပြဒါန်းထားတဲ့ နိုင်ငံရေးပင်စင်ဥပဒေ ကို အညီအမျှ တရားမျှတစွာနဲ့ တသတ်မှတ်တည်း ခံစားခွင့်ပြုစေချင်ပါတယ်ခင်ဗျာ..။ ´´ ဟု ပခုက္ကူမြို့နယ်(တ.စ.ည)ပါတီ ဥက္ကဋ္ဌ ဦးအောင်သောင်း က ပြောသည်။
``ကျွန်တော်တို့ ဆင်းဖြူကျွန်းမြို့ က စလင်းမြို့ထက် စီးပွားရေး လူမှုရေး အစစအရာရာပိုပါတယ်။ မြေလတ်ဒေသမှာ ဆင်းဖြူကျွန်းမြို့ဟာ မီးဖိုချောင်အတွက် ဟင်းအိုးကြီးဆိုရင် မမှားပါဘူး။ ကုန်စိမ်းများနဲ့ ဒေသခံထွက်ကုန်တွေကို ရန်ကုန်မြို့ထိ ကားလမ်း ရေလမ်းကနေ သင်္ဘောစင်းလုံးနဲ့ တင်ပို့နေကြပါတယ်။ စလင်းမြို့နယ်ကြီးကလဲ တော်တော်ကြီးပါတယ်။ ဒါကြောင့် ဆင်ဖြူကျွန်းမြို့ကို မြို့နယ်တစ်ခုအဖြစ်ခွဲပေးစေလိုပါတယ်။ မြို့နယ်မြို့ မဖြစ်ဖြစ်အောင် ကျွန်တော်တို့ကော်မတီနဲ့ မြို့လူထူ နယ်လူထုအားလုံးစုပေါင်းပြီး ဆက်လက်ဆောင်ရွက်သွားကြမှာပါ။ သြဂုတ်လ(၅)ရက်နေ့မှာ ကျွန်တော်တို့ ဆင်ဖြူကျွန်းမြို့နယ်ခွဲအဖြစ်တောင်းဆိုရေးကော်မတီနဲ့ စလင်းမြို့အုပ်ချုပ်ရေးမှူးအပါအ၀င် ဌာနဆိုင်ရာလူကြီးတွေ မြို့မိ မြို့ဖဆွေ ဆွေးနွေးညှိနှိုင်းကြပါ့မယ်။ ပြည်တွင်း၊ ပြည်ပက သတင်းမီဒီယာတွေကိုလဲဖိတ်ကြားထားပါတယ်..။´´ ဟု ဆင်ဖြူကျွန်းမြို့ မြို့နယ်ဖြစ်မြောက်ရေးကော်မတီ အတွင်းရေးမှူး ဦးကြည်ဝင်း က မြန်မာပို့စ် သို့ပြောသည်။
