သတင်းဓာတ်ပုံ မကွေးသတင်းစုံမှ ကူးယူဖော်ပြပါသည်။
မကွေး၊ ဒီဇင်ဘာ ၂ ။
မကွေးတိုင်းဒေသကြီးလွှတ်တော်အထူးအစည်းအဝေး(၂/၂၀၁၄)ကို ဒီဇင်ဘာ ၁
ရက်မှ ၃ ရက်နေ့အထိ သုံးရက်တိတိ၊ မကွေးတိုင်းဒေသကြီးလွှတ်တော်အစည်းအဝေးခမ်းမတွင် ကျင်းပကြောင်း
မြေလတ်မီဒီယာ ကသတင်းရရှိ သည်။
အဆိုပါအထူးအစည်းအဝေး(၂/၂၀၁၄)သည် လွှတ်တော် ဥက္ကဋ္ဌ ဦးရဲမြင့်နှင့်
လွှတ်တော်ကိုယ်စားလှယ် ပေါင်း(၆၈)ဦးတို့ဖြင့် မကွေးတိုင်းဒေသကြီး၂၀၁၄-၂၀၁၅ ဖြည့်စွက်ခွင့်ပြုငွေစာရင်း၊
၂၀၁၄-၂၀၁၅ ဘဏ္ဍာရေးနှစ် ပြုပြင်ပြီးခန့်မှန်းငွေစာရင်းနှင့် ၂၀၁၅-၂၀၁၆ ဘဏ္ဍာရေးနှစ် အရအသုံး
ခန့်မှန်းငွေစာရင်း လျာထားချက်ကို လွှတ်တော်သို့တင်ပြခြင်းဖြစ်ကြောင်း၊ ဒီဇင်ဘာ ၁ ရက်နေ့
ပထမ လွှတ်တော် အထူးအစည်း အဝေး၌ ဆွေးနွေး လိုသည့် လွှတ်တော်ကိုယ်စားလှယ်များရှိပါက အမည်စာရင်းတင်သွင်း
ကြေညာခြင်းဖြစ်ကြောင်း သိရသည်။
ဒီဇင်ဘာ ၂ ရက်၊ ဒုတိယနေ့တွင် ပထမနေ့မှ တင်ပြချက်များကို ဥပဒေပြုရေးကော်မတီနှင့်
လွှတ်တော် ကိုယ်စားလှယ်များမှ ဆွေးနွေးကြကြောင်း၊ လွှတ်တော်ကိုယ်စားလှယ်များ စီစစ်ရေးကော်မတီ၊
ဥပဒေပြုရေးဆိုင်ရာ ကော်မတီ အစားထိုးဖွဲ့စည်းမှုနှင့် တိုင်းရင်းသားလူမျိုးများ အရေးဆိုင်ရာကော်မတီ
တို့အား သက်တမ်းတိုးမြှင့် တာဝန်ပေးခြင်းအား လွှတ်တော်မှ အတည်ပြုကြကြောင်း သတင်းရရှိသည်။
“ ယခု အထူးအစည်းအဝေးကနေ ငွေစာရင်းခန့်မှန်းရာထာချက်တွေကို
ယခုလထဲမှာ ကျင်းပမဲ့ တိုင်းဒေသကြီး လွှတ်တော်ပုံမှန်အစည်းအဝေးမှာ တင်ပြဆွေးနွေး အတည်ပြုကြမှာ
ဖြစ်ပါတယ်။”ဟု ဆိပ်ဖြူမြို့နယ် တိုင်းဒေသ ကြီး လွှတ်တော်ကိုယ်စားလှယ် ဦးမြင့်စိုးက
မြေလတ်မီဒီယာ ကိုပြောသည်။
၂၀၁၄-၂၀၁၅ ဘဏ္ဍာရေးနှစ် မူလခန့်မှန်းငွေစာရင်းနှင့် ပြုပြင်ပြီး
ခန့်မှန်းငွေစာရင်းမှ ရငွေပေါင်း ကျပ်သန်း(၇၀၂၁၅.၁၅၃) ရ၍ သုံးငွေပေါင်းကျပ်သန်း(၂၁၉၈၇၅.၄၀၅)
ဖြစ်ပြီး လိုငွေပေါင်း ကျပ်သန်း(၁၄၉၆၆၀. ၂၅၂) သန်းဖြစ်ကြောင်း မကွေးတိုင်းဒေသကြီးအစိုးရအဖွဲ့
ဘဏ္ဍာရေးဝန်ကြီး ဦးကြည်မင်း က ၎င်း အထူးအစည်း အဝေး၌ ဖတ်ကြားတင်ပြကြောင်း တိုင်းဒေသကြီးလွှတ်တော်ကိုယ်စားလှယ်တစ်ဦး
က မြေလတ်မီဒီယာ ကိုပြောသည်။
ဝိုင်းကြည်အောင်
မကွေးမြို့
။ ဖုန်း ၀၉-၄၄၀၂၂၅၁၀၀
ဓာတ်ပုံများ မပေါ်လျှင် အောက်မှ ဘလော့ နှင့် ဖေ့စ်ဘုတ်များသို့ ၀င်ကြည့်နိုင်ပါသည်။
အစိုးရသတင်းများ၊
နိုင်ငံရေးပါတီသတင်းများ၊ ကျောင်းသားများ၊ တောင်သူလယ်သမားများ၊
အလုပ်သမားများ၊ကလေးသူငယ်များ၊လူမှုရေးအဖွဲ့အစည်းအသီးသီးမှသတင်းများနှင့်
နေ့စဉ်ထူးခြားဖြစ်စဉ်သတင်းများး ကို ပေးပို့ကြရန် လေးစားစွာဖြင့်
ဖိတ်ခေါ်အပ်ပါသည်။
uwinkyi123@gmail.com
ေ မြလတ်ဒေသ သတင်းစာ နှင့်ပတ်သက်၍ လိုအပ်ချက်များကို အကြံပြုစာများလည်း
မည်သူမဆိုပေးပို့ကြပါရန် ဖိတ်ခေါ်အပ်ပါသည်။
သတ်ပုံများ စစ်ဆေးပြင်ဆင်ချိန်မရ၍ အမှားပါရင်သည်းခံဖတ်ရှုကြရန် တောင်းပန်ပါ၏။
ဓာတ်ပုံများ မပေါ်လျှင် အောက်မှ ဘလော့ နှင့် ဖေ့စ်ဘုတ်များသို့ ၀င်ကြည့်နိုင်ပါသည်။
http://magwaymedia.blogspot.com
www.winkyi.net
https://www.facebook.com/myaylatmedia
0 comments:
Post a Comment