`` လက်တွေ့ကျသော ပညာရေးမြှင့်တင်မှု အကောင်အထည်ဖော်ဆောင်ရေး ဆွေးနွေးပွဲသို့ မူကြိုကျောင်းများကို ပညာရေးဌာနက မသိမ်းသင့်ကြောင်း မကွေးတိုင်းဒေသကြီး လူမှုဝန်ထမ်းတိုင်းဦးစီးမှူး တင်ပြ ´´
ပြီးခဲ့သော ဒီဇင်ဘာ(၃၁)ရက်နေ့ နံနက်(၉)နာရီမှ ည(၇)နာရီအချိန်ထိ မကွေးတက္ကသိုလ် ဘွဲ့နှင်းသဘင်ခမ်းမ၌ ပညာရေးမြှင့်တင်မှု အကောင်အထည်ဖော်ဆောင်ရေး ဆွေးနွေးပွဲနှင့် ဘက်စုံလွှမ်းခြုံ နိုင်သော ပညာရေးဏ္ဍ လေ့လာသုံးသပ်မှု ရှင်းလင်းဆွေနွေးပွဲ အခမ်းအနားပြုလုပ်ကြောင်းသတင်း ရရှိသည်။
အဆိုပါဆွေးနွေးပွဲသို့ အဖွဲ့(၁၁)ဦးပါဝင်သော အုပ်စု(၈)ဖွဲ့ခွဲ၍ ဆွေးနွေးကြောင်း၊ မကွေးတိုင်းဒေသကြီး အစိုးရအဖွဲ့ ၀န်ကြီးချုပ်နှင့် ၀န်ကြီးများ၊ တက္ကသိုလ်အသီးသီးမှ ပါမောက္ခချုပ်များ၊ ကထိကများ၊ ကျောင်းအုပ်ကြီး များ၊ ပါတီများမှ ကိုယ်စားလှယ်များ၊ လွှတ်တော်ကိုယ်စားလှယ်များ၊ ကုန်သည်/စက်မှုလုပ်ငန်းရှင်အသင်း ကိုယ်စားလှယ်များ နှင့် တိုင်းဒေသကြီးဌာနဆိုင်ရာ အကြီးအကဲများ စုစုပေါင်း(၁၂၀)ခန့်တက်ရောက်ဆွေး နွေးကြကြောင်းသိရသည်။
လက်တွေ့ကျသော ပညာရေးမြှင့်တင်မှု အကောင်အထည်ဖော်ဆောင်ရေးတွင် မူကြိုပညာရေးဆိုင်ရာ လုပ်ငန်းအဖွဲ့၏ မူဝါဒအကျဉ်း၌ ရှေ့ဦးကလေးသူငယ်ပြုစုပျိုးထောင်ရေးနှင့်ဖွံ့ဖြိုးရေးဆိုင်ရာ ပညာရေးဝန်ဆောင်မှု များကို စနစ်တကျစီမံခန့်ခွဲခြင်း၊ တာဝန်ခံခြင်း၊ ကြီးကြပ်ခြင်းနှင့် သုံးသပ်အကဲခပ်ဖြတ်ခြင်းများ ဆောင်ရွက်ရန် အတွက် ပညာရေးဌာနခွဲများကို ပညာရေးဝန်ကြီးဌာန၊ အခြေခံပညာဦးစီးဌာနများနှင့် တိုင်းဒေသကြီး/ပြည်နယ်၊ ခရိုင်၊ မြို့နယ်ပညာရေးမှူးရုံးများတွင် ဖွင့်လှစ်မည် ဟု စီမံချက်က တင်သွင်းထားသည်။
``ကျွန်တော်တို့ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာန ဟာ လုပ်ငန်းကြီး(၈)ရပ်ထဲက လူသားအရင်းအမြစ်ဖွံ့ဖြိုးရေးအတွက် အရေးအကြီးဖြစ်တဲ့ ရှေးဦးကလေးသူငယ် ပြုစုပျိုးထောင်ရေးလုပ်ငန်းကို အဓိကဦးစားပေးပြီးဆောင်ရွက်ခဲ့ပါတယ်။ နိုင်ငံတော်က တာဝန်အပ်နှင်းထားတဲ့ ကလေးသူငယ်ဆိုင်ရာဗဟိုချက်ဌာနအဖြစ် တာဝန်နဲ့အညီ ရှေးဦးကလေးသူငယ်ပြုစုရေးနှင့် ဖွံ့ဖြိုးရေးလုပ်ငန်း (မူကြိုကျောင်းများ)ကို ၁၉၅၃ ခုနှစ်မှ စတင်ဆောင်ရွက်လာခဲ့ပါတယ်။ ယခုဆိုရင် ကျွန်တော်တို့ဝန်ကြီးဌာနနဲ့ ပြည်တွင်း ပြည်ပအစိုးရမဟုတ်သော အဖွဲ့အစည်းများနဲ့ပူးပေါင်းဆောင်ရွက်ခဲ့လို့ ယူနီဆက်၏ ပံ့ပိုးကူညီမှုနဲ့ မြန်မာနိုင်ငံရှေးဦးကလေးသူငယ် ပြုစုပျိုးထောင်းရေးမူဝါဒဆိုင်ရာရေးဆွဲခဲ့တာ မူကြမ်းထွက်ရှိနေပြီးဖြစ်လို့ မဟာဗျူဟာလုပ်ငန်းအစီအစဉ်ကိုလည်း ဆက်လက်ဆောင်ရွက်နေပါတယ်။ ဒီအတွက်ကြောင့် ကျွန်တော်တို့ ဆောင်ရွက်လျှက်ရှိတဲ့လုပ်ငန်းတွေ ထိရောက်အောင်မြင်အောင် အကောင်အထည်ဖော်ဆောင်ရွက်နိုင်ဖို့ သက်ဆိုင်တဲ့ အဓိက၀န်ကြီးဌာနများဖြစ်သော ကျန်းမာရေးဝန်ကြီးဌာန၊ ပညာရေးဝန်ကြီးဌာနတို့နဲ့ပူးပေါင်း ဆောင်ရွက်တဲ့အပြင် ကုလသမ္မဂအဖွဲ့အစည်းများ၊ ပြည်တွင်း ပြည်ပအဖွဲ့အစည်းများနဲ့လည်း ပူးပေါင်းဆောင်ရွက် နေလို့ လုပ်ငန်းများအောင်မြင်လို့ အရှိန်တော်တော်ရနေပါပြီ၊ ဒီလိုဆောင်ရွက်နေချိန်မှာ (မူကြိုကျောင်းများ)ကို ပညာရေးဌာနက လွှဲပြောင်းဆောင်ရွက်မယ်ဆိုတော့ ကျွန်တော်တို့များစွာ စိတ်မကောင်းဖြစ်နေကြရပါတယ် ခင်ဗျာ..။
အထူးမေတ္တာရပ်ခံတင်ပြချင်တာကတော့ ပညာရေးဝန်ကြီးဌာနအနေနဲ့ အခြေခံအဆင့်၊ အထက်တန်း အဆင့်နဲ့ အဆင့်မြင့်ပညာရေးဆိုတဲ့ ကြီးမားသောတာဝန်များကို ထမ်းဆောင်နေရတာပါ၊ လက်ရှိ တာဝန်များဟာ အလွန်ကြီးမားလှတာကြောင့် လူမှုဝမ်းထမ်း၊ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနမှ ဆောင် ရွက်ဆဲဖြစ်တဲ့ မူလတန်းကြိုပညာရေးကိုပါ ဆက်လက်ဆောင်ရွက်မည်ဆိုလျှင် လက်ရှိ အရေးကြီးပညာရေးတာဝန် များ လစ်ဟာချို့ယွင်းမှုဖြစ်လာနိုင်ပါတယ်။ ဒါကြောင့် ကျွန်တော်တို့ လူမှုဝန်ထမ်းဦးစီးဌာန မှ ဆောင်ရွက်ဆဲ မူလတန်းကြိုပညာရေးအား မသိမ်းဆည်းဘဲ၊ မူလတန်းကြိုကျောင်းမျာအတွက် လူ့စွမ်းအားအရင်းအမြစ်များနှင့် ငွေကြေးများ ပိုမိုခွဲဝေပံ့ပိုးပေးမည်ဆိုပါက ပိုမိုသင့်တော်မည်ဖြစ်ပါတယ်ခင်ဗျာ…။´´ ဟု မကွေးတိုင်းဒေသကြီး လူမှုဝန်ထမ်းတိုင်းဦးစီးမှူး ဦဇော်မင်း က မြန်မာပို့စ် ကိုပြောသည်။
လက်ရှိ မကွေးတိုင်းဒေသကြီးအတွင်း၌ မူကြိုကျောင်းပေါင်း(၁၃၀)၊ မူကြိုကလေးငယ်ကျောင်းသားပေါင်း (၆၀၅၅) နှင့် ဆရာမ(၇၈၇)ဦးရှိကြောင်း၊ ၎င်းစာရင်းထဲမှ ဌာနပိုင်မူကြို(၄)ကျောင်းသာရှိကြောင်း၊ အခြားမူကြို ကျောင်းများမှာ ပြည်တွင်း ပြည်ပမှ ကူညီပံ့ပိုးပေးသောကျောင်းများနှင့် ပုဂ္ဂလိကမူကြို(၅)ကျောင်းဖွင့်လှစ်ထား ကြောင်း သတင်းရရှိသည်။
Artikel `` လက်တွေ့ကျသော ပညာရေးမြှင့်တင်မှု အကောင်အထည်ဖော်ဆောင်ရေး ဆွေးနွေးပွဲသို့ မူကြိုကျောင်းများကို ပညာရေးဌာနက မသိမ်းသင့်ကြောင်း မကွေးတိုင်းဒေသကြီး လူမှုဝန်ထမ်းတိုင်းဦးစီးမှူး တင်ပြ ´´ ini dipublish oleh shwelannwelanwinkyi pada hari Friday, January 3, 2014. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan `` လက်တွေ့ကျသော ပညာရေးမြှင့်တင်မှု အကောင်အထည်ဖော်ဆောင်ရေး ဆွေးနွေးပွဲသို့ မူကြိုကျောင်းများကို ပညာရေးဌာနက မသိမ်းသင့်ကြောင်း မကွေးတိုင်းဒေသကြီး လူမှုဝန်ထမ်းတိုင်းဦးစီးမှူး တင်ပြ ´´
Subscribe to:
Post Comments (Atom)
0 comments:
Post a Comment