``စေတုတ္တရာမြို့နယ် တောင်သူများမှ ဆည်မြောင်းရေမြုပ် လယ်ယာမြေများအတွက် နစ်နာဆုံးရှုံးမှုများကို တောင်းဆို ဆန္ဒပြ ဟောပွဲကျင်းပ´´
ဇန်န၀ါရီ(၁၉)ရက်နေ့ နံနက်(၈)နာရီအချိန်ခန့်တွင် စေတုတ္တရာမြို့နယ် ဆင်မီးချောင်းသောင်ပြင်၌ ကျေးရွာပေါင်း(၂၁)ရွာမှ တောင်သူများ(၇၀၀)ဦးခန့် စုဆောင်း၍ စေတုတ္တရာမြို့ အမှတ်(၁)ရပ်ကွက်ရှိ မြို့နယ်NLD ပါတီရုံးသို့ ကြွေကြော်သံများဖြင့် ချီတက်ကြောင်း၊ နံနက်(၉)နာရီ မှ (၁၁)နာရီအချိန်ထိ စေတုတ္တရာမြို့နယ် တောင်သူများမှ ဆည်မြောင်းရေမြုပ် လယ်ယာမြေများအတွက် နစ်နာဆုံးရှုံးမှုများကို တောင်းဆို ဆန္ဒပြ ဟောပွဲ ကျင်းပကြောင်း မကွေးတိုင်းဒေသကြီး NLDပါတီ တောင်သူလယ်သမားကော်မတီ ဥက္ကဋ္ဌ ဦးနေမျိုးကျော်ကုပြောသည်။
``ကျွန်တော်တို့ စေတုတ္တရာမြို့နယ် မုန်းတမံနဲ့ ကြီးအုံကြီးဝတမံတို့ ရေမြုပ်လယ်ယာတွေ ယခင်က လျှော်ကြေးပေးတာ တစ်အိမ်ထောင် ငါးထောင်ကျပ်နှုန်းသာ ပေးခဲ့တာပါ။ ငွေလျှော်ကြေးထက် ရေမြူပ်ရွာတွေကို ကုန်းခေါင်ခါင်မှာ ရွေ့ပြောင်းထားတော့ လုပ်စားစရာ မြေယာတွေမရှိလို့ သစ်တောစိုက်ခင်းမှာ တောင်ယာလုပ် တော့လည်း သစ်တောနဲ့ပြဿနာတက်ကြတယ်။ ယခင်က တောင်သူတွေ ယခု တံငါသည်တွေ ဖြစ်နေကြပြီ၊ ရတဲ့ငါးကို ရောင်းစားဖို့လည်း ၀ယ်သူမရှိပါဘူး၊ ရွေ့ပြောင်းရွာတွေမှာ သန့်ရှင်းတဲ့ သောက်သုံးရေအတွက်လည်း ခက်ခဲနေပါတယ်။ ဘာသာရေးအတွက်လဲ ဗုဒ္ဓဘာသာဘုန်းကြီးကျောင်းတွေမရှိလို့ ကိုယ်ထူကိုယ်ထ သာရေး ၊နာရေးပြုလုပ်နိုင်အောင် ကျောင်းထိုင်ဘုန်းကြီးရှာပင့်ပြီး ကျောင်းအဖြစ်ဆောက်လုပ်ပေးရပါတယ်။ ပညာရေးဆို ရင် ၀ါးကျောင်းလေးတွေနဲ့ ရွေ့ပြောင်းကိုယ်ထူကိုယ်ထ မူလတန်းကျောင်း လေးတွေဖြစ်နေပါတယ်။ ကျမ်းမာရေး ဆေးခန်းတွေမရှိလို့ မွေးလူနာတွေဆိုရင် တမံရေပြင်ထဲကနေသွားရတော့ စက်လှေငှါးခက သောင်းဂဏန်းပေး ရတယ်၊ မွေးလူနာတွေ လမ်းမှာတင် အသက်ဆုံးရှုံးကြရပါတယ်။
ယခုဖြစ်နေတဲ့ ဒေသခံ ရေမြုပ်တောင်သူတွေကိစ္စကို ဒေသခံ မြို့နယ်/ခရိုင်/တိုင်းဒေသကြီးအစိုးရတို့ရဲ့ ဆေးမီးတိုစနစ်နဲ့ စီမံခန့်ခွဲဆောင်ရွက်နေလို့ လုံးဝအဆင်ပြေမယ် မထင်ပါဘူး၊ သမ္မတ ဦးသိန်းစိန် ဦးဆောင်ပြီး ပြည်ထောင်စုအဆင့်က လာရောက်စစ်ဆေးကြည့်ရှုပြီး စီမံဆောင်ရွက်မှသာ အားလုံးအဆင်ပြေကြမှာပါ။´´ဟု ဦးနေမျိုးကျော် ကပြောသည်။
ဆည်ရေမြုပ်တောင်သူများ၏ အခက်အခဲများကို မြို့နယ်လွှတ်တော်ကိုယ်စားလှယ်များနှင့် တိုင်းဒေသကြီး အစိုးရအဖွဲ့သို့တင်ပြသော်လည်း ဆောင်ရွက်မပေး၍ ဇန်န၀ါရီ(၁၃)ရက်နေ့က ရေမြုပ်တောင်သူများကိုယ်စား တောင်သူ ဦးစိန်မောင်(၅၄)နှစ် နာမည်ဖြင့် ငြိမ်းချမ်းစွာစုဝေးခွင့်နှင့် ငြိမ်းချမ်းစွာစီတန်းလှည့်လည်ခွင့်ရန်ရှိရန် စေတုတ္တရာမြို့နယ်ရဲတပ်ဖွဲ့ ထံ တင်ပြခဲ့သော်လည်း၊ ဇန်န၀ါရီ(၁၆)ရက်နေ့က ငြင်းပယ်ခံခဲ့ရကြောင်း၊ ထို့ကြောင့် မြိုနယ်NLD ပါတီရုံးသို့ တောင်သူများချီတက်၍ ဟောပြောပွဲ နှင့် ကြွေးကြော်သံများကို တောင်သူများပြု လုပ်ခဲ့ကြောင်း၊ ဟောပြောပွဲတွင် မကွေးတိုင်းဒေသကြီး NLDပါတီ တောင်သူလယ်သမားကော်မတီ ဥက္ကဋ္ဌ ဦးနေမျိုးကျော်၊ အဖွဲ့ဝင် ဦးကျော်အောင်လွင် တို့မှ ဦးဆောင်ဟောပြောပြီး တက်ရောက်လာသူ တောင်သူ အမျိုးသမီးတစ်ဦး နှင့် တောင်သူအမျိုးသားတစ်ဦးတို့က လက်တွေ့ရင်ဆိုင်ခံစားနေရသော ရေမြူပ်တောင်သူများ၏ ဒုက္ခများကို ရင်ဖွင့်ကြောင်း၊ ကြွေးကြော်သံများမှာ မုန်တံမံ/ ကြီးအုံကြီးဝ ရေမြုပ်လယ်ယာမြေများ လျှော်ကြေးရရှိ ရေး( ဒို့အရေး-ဒို့အရေး)။ ကပစ(၂၀)မှ သိမ်းယူသော လယ်ယာမြေများလျှော်ကြေးရရှိရေး၊( ဒို့အရေး-ဒို့အရေး)။ ရေနစ်မြုပ် ဆောင်းသီးနှံများလျှော်ကြေးရရှိရေး၊( ဒို့အရေး-ဒို့အရေး)။ တောင်သူလယ်သမားများ အခွင့်အရေး၊ (ကာကွယ်ပေး၊ ကာကွယ်ပေး)။ NLDပါတီ တောင်သူလယ်သမားကော်မတီ အဖွဲ့ဝင် ဦးကျော်အောင်လွင် က ပြောသည်။
Artikel ``စေတုတ္တရာမြို့နယ် တောင်သူများမှ ဆည်မြောင်းရေမြုပ် လယ်ယာမြေများအတွက် နစ်နာဆုံးရှုံးမှုများကို တောင်းဆို ဆန္ဒပြ ဟောပွဲကျင်းပ´´ ini dipublish oleh shwelannwelanwinkyi pada hari Monday, January 20, 2014. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan ``စေတုတ္တရာမြို့နယ် တောင်သူများမှ ဆည်မြောင်းရေမြုပ် လယ်ယာမြေများအတွက် နစ်နာဆုံးရှုံးမှုများကို တောင်းဆို ဆန္ဒပြ ဟောပွဲကျင်းပ´´
Subscribe to:
Post Comments (Atom)
0 comments:
Post a Comment