သြဂုတ် ၁ ၊ မကွေး ။
စစ်အာဏာရှင်လက်ထက်
နှင့် ယခုအစိုးရအသစ်လက်ထက်များ၌ မကွေးတိုင်းအတွင်းမှာ စာပေဟော ပြောပွဲများကို အာဏာပိုင်တို့က
အတားအဆီးဆုံးဖြစ်နေရာမှ မကွေးတက္ကသိုလ် ခြောက်ခုတွင် ဟောပြောပွဲများ ကျင်းပနိုင်ခဲ့ကြောင်း
သြဂုတ် ၁ ရက်၊ နေ့ ၁၂ နာရီအချိန်ခန့်မှ နေ့လည် ၄း၃၀ နာရီအချိန်အထိ မကွေးနည်းပညာ တက္ကသိုလ်
တွင် ပထမဆုံးအကြိမ် ဟောပြောပွဲကို စာရေးဆရာ မောင်စိန်ဝင်း(ပုတီးကုန်း) နှင့် စာရေးဆရာ
ညီမင်းညို တို့နှင့်အတူ၊ ဆရာ၊ ဆရာမ၊ ကျောင်းသား၊ ကျောင်းသူ ပရိပ်သတ်ပေါင်း တစ်ထောင်ကျော်ခန့်
ဖြင့်ကျင်းပကြောင်း သတင်းရရှိသည်။
အဆိုပါဟောပြောပွဲ၌ ဆရာမောင်စိန်ဝင်း(ပုတီးကုန်း) မှ ဆုံချက် အမည်ခေါင်းစဉ်ဖြင့်ဟောပြော၍
ဆရာ ညီမင်းညို မှ အနာဂတ်နိုင်ငံတော် အမည်ခေါင်းစဉ်ဖြင့်ဟောပြောကြသည်။
``မကွေးတိုင်းက စာပေဟောပြောပွဲများကို
အမှောင်အချဆုံးတိုင်းဖြစ်ပါတယ်၊ `ဆုံချက်´ နံပါတ်တစ် က စာဖတ် ဖို့၊ ဆုံချက် နံပါတ်
၂ က ကိုယ်ကျင့်တရားကောင်းဖို့၊ ကိုယ်ကျင့်တရားနဲ့ အမှား အမှန်ကိုခွဲခြားတတ်ပြီး လုပ်တတ်ဖို့
ဆိုတဲ့ သီလ ပညာပါ၊ တနည်းပြောရရင် စာရိတ္တသီလ ဆိုတဲ့ မိမိကိုယ်ကျိုးမပါသော အများအကျိုးကို
သတ္တိရှိစွာ ဆောင်ရွက်ပေးဖို့လိုပါတယ်(ယခုစာပေဟောပြောပွဲလုပ်နေကြတာ အများအကျိုးအတွက်ပါ။)
စာမဖတ် ကြရင် အကြောက်တရားဆိုတဲ့ အမှောင်တရားတွေဖုံးလွမ်းနေကြမယ်၊ စာဖတ်မှ တွေးမယ်၊
ဆင်ချင်မယ်၊ အသုံးချနိုင် မယ်၊ အကြောက်တရားတွေကင်းပြီး အမှားအမှန်ကိုခွဲခြားလို့ မှန်တာကို
ရဲရဲလုပ် ဆောင်လာကြနိုင်မဲ့ သတ္တိတွေ ဖြစ်လာပါ့မယ်။ စစ်အာဏာရှင်နိုင်ငံတိုင်း က စာမဖတ်အောင်၊ ပညာမတတ်အောင်
အမှောင်ချထားတဲ့ နိုင်ငံတွေ ဖြစ်ပါတယ်။´´ ဟု ဆရာ မောင်စိန်ဝင်း(ပုတီးကုန်း) မှ မကွေးတိုင်းအကြောင်း
အကျယ်တ၀င့် ဟောပြော သည်။
အရေးအကြီးဆုံးဖြစ်တဲ့ `ဆုံချက်´ သည် လွတ်လပ်ရေးကျောက်တိုင်၌ ဦးနုအစိုးရ
လက်ထက်မှာ ရန်ကုန်၊ လွတ်လပ်ရေးကျောက်တိုင်ရှေ့တွင် ကျမ်းကျိုန်ပြီး ကဗျည်းထိုးထားခဲ့သော(၇)ချက်ထဲမှ
နံပါတ်(၅) ဆုံချက်သည် ဗိုလ်ချုပ်အောင်ဆန်း ချမှတ်ခဲ့သော လမ်းစဉ်အတိုင်း နိုင်ငံတော်ပိုင်ဆိုမှု(
နိုင်ငံတော်အတွင်းမှ ထွက်ရှိသော သံယံဇာတ ပစ္စည်းအားလုံးကို နိုင်ငံသား တိုင်းရင်းသားများက
ပိုင်ဆိုင်စေရမည်။) နဲ့ နိုင်ငံတော်အုပ်ချုပ်မှု ( နိုင်ငံတော်သမ္မတ သည် အများဆန္ဒဖြင့်
တင်မြှောက် ရွေးချယ်ထားသောသူ ဖြစ်စေရမည်။) လို့ စာတမ်းများ ကို ရန်ကုန် လွတ်လပ်ရေးကျောက်တိုင်မှာ
ရေးထားပါကြောင်း၊ ဒီမိုကရေစီ လမ်းစဉ်ဟု မပါသော်လည်း ဗိုလ်ချုပ်က အမြင်မှန်ဖြင့် လွတ်လပ်ရေးကျမ်းကြိမ်လွှာမှာ
ကြိုတင်ပြီး ရေးသားထားခဲ့ကြောင်း၊ တိုင်းပြည်အုပ်ချုပ်ရေးမှာ ဘယ်စစ်အုပ်ချုပ်ရေးမှ
မပါခဲ့ပါကြောင်း၊ စာမဖတ်ကြရင်ဖြင့် တိုင်းပြည်ချောက်ထဲကို ကျဖို့ လက်တစ်လုံးအလိုမှာ
ကယ်တင်လိုက်ရသည် ဆိုသော စကားကို ပြန်လည်ကြားကြရပါမည် ဖြစ်ကြောင်း ဆရာမောင်စိန်ဝင်း
က မကွေးနည်းပညာတက္ကသိုလ်၌ အားပါးတရ ဟောပြောသွားခဲ့၍ မြေလတ်မီဒီယာ က သတင်းရယူ ခဲ့ပါသည်။
သတင်းတာဝန်ခံ
စာလုံးပေါင်း သတ်ပုံများ စစ်ဆေးပြင်ဆင်ချိန်မရ၍ အမှားပါရင်သည်းခံဖတ်ရှုကြရန် တောင်းပန်ပါ၏။
ဓာတ်ပုံများ မပေါ်လျှင် အောက်မှ ဘလော့ နှင့် ဖေ့စ်ဘုတ်များသို့ ၀င်ကြည့်နိုင်ပါသည်။
http://magwaymedia.blogspot.com
www.winkyi.net
https://www.facebook.com/myaylatmedia
0 comments:
Post a Comment