မင်းဘူးမြို့၊
စက္ကိန်းတဲဘုရားတောင်တော်ပေါ်မှ၊သစ္စာမေတ္တာဆရာတော်ဘုရာကြီး၏စေခိုင်းချက်အရတင်ပြပေးပါသည်။
ဘာသာရေး
ရွှေလမ်းငွေလမ်းဝင်းကြည်
သတိမမူ ဂူမမြင်၊ သတိမူမှ မြူကိုမြင်
၁။ လောက၌ အချိုမြိန်ဆုံး အရာသည် (သစ္စာ)
၂။ လောက၌ အမှန်ဆုံး တရားသည် (သစ္စာ)
၃။ လောက၌ အထက်မြက်ဆုံးသည် (သစ္စာ)
ထို့ကြောင့်။ ၀သုန္ဒရေ။ ဤမြေသော်လည်း စောင့်စည်းမုသား ကျင့်သောအားဖြင့်
စကားသစ္စာ၊ မှန်သောခါကား သြဇာလေးနက်၊ ပေါ်ဆီတက်၍ နွယ်မြက်သစ်ပင်
ဆေးဘက်ဝင်၏။ အကြင်သောအခါ ဤသစ္စာကို အရာချွတ်လွဲ၊ မသုံးစွဲတည့်၊ စဉ်းလဲစကား၊
မှားလတ်တုံအံ့၊ မြေခုံစည်းတန်း၊ မုသားထွန်းသား တစ်ကျွန်းတရံ၊ တစ်နိုင်ငံ၌၊ အသံမုသား၊
ပြက်စကားကို၊ မကြားစလို၊ အောင်လိမ့် ဆိုသို့၊ ပေါ်စိုရသာ၊ မြေသြဇာလျက်၊ တစ်ထွာ
တစ်တောင်၊ လက်ခုပ်ခေါင်လျှင်၊ နတ်ချောင်ငုတ်နစ်၊ အောက်လျှိုး ဖြစ်၍ ခါးခြစ်ဆေးဝါး၊
လူတို့စားလည်း၊ နာဖျားမလွတ်၊ ဥပ္ပဒ္ဒဝေါ၊ ဘေးကျမ်းပြော၏။ သဘောတရား၊ စကားသစ္စာ၊
မှန်သောခါနှင့် ယွင်းရာမမှား၊ ဤနှစ်ပါးကို နှုန်းထား ထွေဆောင်၊ ရှာတုံရှောင်လည်း၊
အကျော်သစ္စာ၊ စကားသာလျှင်၊ပြည်ရွာရပ်သား၊လူစီးပွားကိုအမြားအမြောင်၊ကြီးကျယ်ဆောင်သည်
ကုန်အောင်မြေနှင့်တရှိတည်းဟူ၍၊ ပါရမီတော်ခန်းပျို့၌ရှင်မဟာသီလ၀ံသ ရေးသားစပ်ဆိုလင်္ကာသီကုံးဖွဲ့ခဲ့ပါသည်။
ထို့ကြောင့် (၁) ဇနီးမောင်နှံ အကြင်လင်မယား အပြန်အလှန် သစ္စာ ရှိရ မည်။
(၂) အလုပ်ရှင်နှင့် အလုပ်သမား အပြန်အလှန် သစ္စာရှိရမည်။
(၃) ဆရာနှင့် တပည့် အပြန်အလှန် သစ္စာရှိရမည်။
(၄) လုပ်ဖော်ကိုင်ဖက်အချင်းချင်းအပြန်အလှန် သစ္စာရှိရမည်။
(၅) လူကြီးနှင့်လူငယ် ထိုနည်းတူ သစ္စာရှိရမည်။
(၆) ရှေ့သွားခေါင်းဆောင်နှင့် နောက်လိုက်ငယ်သား အပြန် အလှန်သစ္စာရှိရမည်။
(၇) ကိုယ့်အလုပ်ကို သစ္စာရှိရမည်။
(၈) ကိုယ့်တာဝန်ကို ကျေပွန်စွာ သစ္စာရှိရမည်။
(၉) ကိုယ့်ကိုယ်ကို သစ္စာရှိရမည်။
(၁၀) တိုင်းပြည်အုပ်ချုပ်သူနှင့် အုပ်ချုပ်ခံသူ လူအများလည်း အပြန်အလှန်သစ္စာရှိရမည်။
သစ္စာတရားသည်သာ အချိုမြိန်ဆုံးသော အရသာဟု အနှိုင်းမဲ့ ဗုဒ္ဓ ကိုယ်တော်မြတ်ကြီးကလည်း
ဟောတော်မူခဲ့သည်။
က္ကုဓလောက၊ ဤကမ္ဘာလောကကြီးထဲ၌ သစ္စာသမော၊ သစ္စာနှင့်တူ သော အ, ၀ိသယောနာမ၊
အရာမည်သည်၊ နတ္ထိ၊ မရှိ ဤကဲ့သို့ ဒေသနာ၌ အသေအချာ မိန့်ဆိုထားသောကြောင့် လူသားအားလုံး
အပြန်အလှန် ကိုယ်စီကိုယ်ငှ၊ သစ္စာရှိကြမည်ဆိုပါလျှင်(၀ါ) အဟုတ်တကယ်တန်း သစ္စာရှိသော ကြွယ်ဝမည်မှာ
မြေကြီးလက်ခတ်မလွဲပါပေတည်း။
မ,ကာရလောပ အကျော် ကဗျာလင်္ကာ အရာတွင် အမော်ကျေးဇူးရှင် မန်လည်ဆရာတော် ဘုရားကြီးကလည်း
မဃဒေ၀လင်္ကာသစ်၌ ရေးသား သီကုံးဖွဲ့ဆိုခဲ့သည်မှာ
မင်းမှာ သစ္စာ၊ လူမှာကတိ၊ ဆိုရိုးယှိတိုင်း၊ မြဲဘိဘယ်ခါ၊ မချွတ်ရာဘူး၊ သစ္စာနှင့်ကြုံ၊ ရေစီးတုံဟု၊ လူပုံဆိုမှု၊
ဥဒါန်းပြုရှင့်၊ အကုသိုလ်မှာ မုသာဝါဒ၊ ကုသိုလ်မှာကား သစ္စ၀ါစာ၊ လေးဆုံးသာတည့်၊ သစ္စာဘောက်လှန်
မတော် မှန်က ၊ ဘေးဒဏ်ရောက်ကာ၊ ပျက်တတ်စွာ၏။
သစ္စာနှုတ်သီး၊ မန္တန်ကြီးကား၊ သေပြီးသော်မှ၊ ရှင်ပြန်ရ၏။ ရှေးကဖြစ်ဟန် လောင်းသုဝဏ်ကို ငြိုးမာန်တစိ၊
ရန်စယှိသို့၊ ပီဠိယက္ခ၊ ဗာရာ့ သခင် လေးကြီးငင်၍ နင်သို့ ယောက်ျား ဘယ်သူ့သားနည်း၊ သိကြားတမုံ့ ဖြစ်သော်တုံ့မှ၊
လွတ်ပုံ့ အရေး ယှိလတ်သေးဟု၊ မနှေးလျှင်ဟူး၊ မြားဆိပ် လူးဖြင့်၊ ရွှေဒူးယာဘက်၊ မြေထက်အားထုတ်၊
ချောင်းကာထုတ်၍ ရွယ်ဖြုတ်ချိန်ကာ၊ ပစ်သော့ခါနှိုက်၊ သစ္စာဆိုသီး၊ သေတပြီးလျှက်၊ ရှင်ကြီး ရှင်ပြန်၊
နတ်မတန်တည့်၊ ပြင်းထန်ဆိပ်တောက်၊ တောမြွေဟောက်လျှင်၊ ပေါက်၍ မြေ၀ယ်၊ သူငယ်ဝင်းဝင်း၊
သေတုံလျှင်းလည်း၊ မှန်ခြင်း အရာ၊ မိမာတာတို့၊ သစ္စာဆိုကြ၊ ငုတ်ငုတ်ထ၏။
ထိုမှ တသွယ်၊ တောမြိုင်လယ်တွင် ငုံးငယ်မီးရှောင်၊ ပင်လယ် ခေါင်ဝယ်၊ ရေဆောင်နစ်မျော၊ဒရဟောဖြင့် ၊
သဘောင်္ဝဲစုတ် ဗလ၀ါမုခ်မှ ၊ ဆယ်ထုတ်ဘေးကင်း၊ ငါးမင်းရာဇာ၊ နွေလခါနှိုက်၊ သစ္စာ မှန်တိုင်း ရွတ်ဆိုခိုင်းက၊
ဗျိုင်းအောက်တို့ဘိုး၊ ခါမဲ့မိုးလျှင်၊ ကြိုး၍ ရွာချ၊ ဤသို့စသား၊ များလှ ၀တ္ထု၊ အစုစုကို
ရွှေဥသည်းအူ မှတ်နည်းယူလော့။
သစ္စာမေတ္တာ ဆရာတော်
စက္ကိန်းတဲ ဘုရားတောင်တော်၊ မင်းဘူးမြို့
မင်းဘူးမြို့၊ စက္ကိန်းတဲဘုရား တောင်တော်ပေါ်မှ သစ္စာမေတ္တာ ဆရာတော် ဘုရာကြီး၏ စေခိုင်းချက်အရ တင်ပြပေးပါသည်။
ဘာသာရေး
ရွှေလမ်းငွေလမ်းဝင်းကြည်
ဗုဒ္ဓ သာသနံ စိရံ တိဌတု
ဒီအသက်အရွယ်ထိ၊ကိုယ့်ကိုယ်ကိုဆုံးမဘို့ရာအမေ့ကြီးမေ့မေ့နေကြသူကများသည် ယခုလည်း မေ့တုံးမေ့ဆဲ၊ တစ်ချို့သေတာသွားရော့ ကိုယ့်ကိုယ်ကို ဆုံးမရကောင်းမှန်းပင် သိပါလေစ သိပုံမရ ဗုဒ္ဓက မိမိကိုယ်ကို ယဉ်ကျေးအောင် ဆုံးမနိုင်သူမှ -နိဗ္ဗာန်ရမတဲ့။
၁။ ဒန္တော သေဋ္ဌော မနုေဿသု။
ဘုရားအဆုံးအမကို ၊ တသွေမတိမ်း လိုက်နာ နားထောင်သဖြင့် ယဉ်ကျေး သိမ်မွေ့သောသူသည် လူအပေါင်းတို့တွင် အမြတ်ဆုံးဖြစ်သည်။
၂။ အတ္တ ဒန္တော တတော ပရံ
ကိုယ့်ကိုယ်ကို ဆုံးမသဖြင့် ယဉ်ကျေးသိမ်မွေ့သော သူသည် ဤကမ္ဘာလောက ကြီးထဲ အမြတ်ဆုံးတို့ထက် ပိုမြတ်သည်။
၃။ စိတ္တံ ဒန္တံ သုခါ ၀ဟံ။
ကိုယ့်စိတ်ကို အဟုတ်တကယ်တမ်းယဉ်ကျေးအောင် ဆုံးမနိုင်လျှင် မုချ ချမ်းသာ သည်(၀ါ) ချမ်းသာမည်။
၎။ အတ္တနာ ဟိ သုဒန္တောန နာထံ လဘတိ ဒုလ္လဘံ။ ။
ကိုယ့်ကိုယ်ကို ယဉ်ကျေးသိမ်မွေ့အောင် ဆုံးမနိုင်စွမ်းရှိသူသည် အလွန်ရခဲ လှစွာသော ကိုးကွယ်ရာ ထောက်တည်ရာ မှီခိုအား အလွန်တရာ ရခဲလှစွာသော ကိုးကွယ်ရာကို ရပေသည်ဟု အနှိုင်းမဲ့ ဗုဒ္ဓကိုယ်တော်မြတ်ကြီးက(ဓမ္မပဒ ပါဠိတော်၌ သေချာဃဏ ဖွင့်ဟ ထုတ်ဖော် မိန့်ကြားတော်မူခဲ့ပါသည်။
မှတ်ချက်= သူတစ်ပါးကိုဆုံးမဘို့ရာလွယ်ကူသလောက် မိမိ ကိုယ်ကို မိမိဆုံးမဖို့ကျတော့ အလွန့်အလွန်ပင်အခက်ကြီးခက်လှ ချေ၏ တကား။
သတိ ။ အပါယ်မကျခင်လျှင် ကိုယ့်စိတ်ကိုယ် ယဉ်ကျေးအောင် ဆုံးမ။
သစ္စာမေတ္တာဆရာတော်
စက္ကိန်းတဲ၊ မင်းဘူးမြို့
1 comments:
ဖတ်မှတ်သွားပါတယ်ရှင်း)
ကျေးဇူးပါ
Post a Comment