မကွေးမြို့က SHADE စာပေ၀ိုင်း
၂၀-၃-၂၀၁၁၊ တနင်္ဂနွေနေ့ နေ့(၁၂)နာရီမှ ညနေ(၄) နာရီအထိ Shade ဂျာနယ် မကွေးရုံးခွဲ မှာ ၀ိုင်းဖွဲ့ဖြစ်ကြပါတယ်။ နွေရာသီ ရောက်လာတော့ နီးနီးနားနား မြို့ထဲ မှာ Shade စာပေ၀ိုင်း ကို ပြောင်းရခြင်းဖြစ်ပါတယ်။ ရုံးမှာ လုပ်ပြန်တော့လည်း ကျွန်တော့်ရဲ့မြေးလေးက အော် အော်ပြီး ငိုသံများကြောင့် စာပေ၀ိုင်း အရှိန်ပျက်ရပြန်ပါတယ်။ အများရဲ့လွပ်လတ်ခွင့် အရှိဆုံးနေရာ တစ်နေရာကို နီးနီးနားနားထပ်မံပြောင်းရွေ့ရ ပါဦးမည်။ ဒီတစ်ပတ် SHADE စာပေ၀ိုင်းကို ရောက်လာကြသူ ၀ိုင်းတော်သားများကတော့ ဆရာတင်လင်းဇော်၊ ဆရာလွမ်းထား(မကွေး)၊ ဆရာနေခြည်(မကွေး)၊ ပန်းချီဆရာမင်းသူ၊ ပန်းချီဆရာ ကဗျာဆရာမြင့်ဇော်ဦးနဲ့ စာရေးသူတို့ ဖြစ်ကြပါတယ်။
ဆရာတင်လင်းဇော်ကတော့ ကျွန်တော်ပြောတာတွေ မပါတာ ပါတာထက် အဓိက ရှိတ်ဂျာနယ် တိုးတက်ရေးအတွက်ကိုသာ ဦးတည်ပြောကြားဆွေးနွေးပေးရခြင်းဖြစ်ပါကြောင်း အစချီပြောကြားပါတယ်။သူဖတ်လားတဲ့ ဘွဲ့လွန်တက်နေတဲ့ စုပုံချစ်ကျောင်းသူလေးနဲ့ ဆရာရဲမြလွင် ဘာသာပြန်ရေးတဲ့ ချေမစုံ လက်မစုံ ကျွန်တော့်ဘ၀ အတွေ့အကြုံ ဂျပန်နိုင်ငံမှ အိုထိုသာကဲ (OTOTAKE) တို့အကြောင်းကို အကျယ်တ၀င့်ပြောဆိုသွားပါတယ်။
ပန်းချီဆရာ ကဗျာဆရာမြင့်ဇော်ဦးကလည်း သူကြိုးကြိုးစားစားရှာဖွှေလာခဲ့တဲ့ အထက်တန်းကျောင်းမှာ သင်ကြားခဲ့ရတဲ့ ကဗျာဆရာ ကေသီလှိုင် ရေးတဲ့ ကဗျာလေးပါ။ ကဗျာခေါင်းစဉ်က (သံသရာ) ဆိုတဲ့ကဗျာအစ၊ အလယ်ပိုက်ကိုသာ ဖတ်ကြားသီဆို ပြခဲ့နိုင်ပါတယ်။ အဆုံးမသတ်နိုင်ခဲ့ပါဘူး။ ဒါကြောင့် အဲဒီကဗျာရဲ့ အဆုံးပိုက်ကလေးကို ရှာဖွှေပေးကြပါလို့ စာပေ၀ိုင်းတော်သားများကို တန့်လှန့်နိုးဆော် အကူအညီတောင်းဆို သွားခဲ့ပါတယ်။
ဆရာလွမ်းထား(မကွေး) ကလည်း အလုပ်မအားလို့ စာပေ၀ိုင်းကို (၃)ပတ် ပျက်ခဲ့ကြောင်း နဲ့ ဖတ်မှတ်လာတာ တွေကို ဖောက်သည်ချပြောကြားသွားပြန်ပါတယ်။ ပန်းချီဆရာ မင်းသူကတော့ SHADE စာပေ၀ိုင်းကို တက်ဖြစ်လာတာ သူ့အတွက် တော်တော် အကျိုးကျေးဇူးများလာပါကြောင်း၊ စာပေ၀ိုင်းကိုလာဖို့အတွက် စာတွေကို များများရှာဖွှေပြီး ဖတ်ရတော့ သူ့ဘ၀ အတွက် လက်တွေ့အကျိုးရှိခဲ့ပါကြောင်း စတင်ပြောကြားခဲ့ပါတယ်။
ဒီတစ်ပတ် Shade စာပေ၀ိုင်းမှာ ထုတ်နုတ်ဖော်ပြချင်တာက ဆရာနေခြည်(မကွေး) ဆွေးနွေးချက်ကို တင်ပြပါရစေ..။၂၀၀၃၊ အောက်တိုဘာလထုတ်၊ စာရေးဆရာ မင်းလူရေးတဲ့ (လမ်းဖြတ်ကူးသည့် ) ၀ထ္ထုတိုလေးများစာအုပ် ထဲက (ဓါးနဲ့နှင်းဆီ ဆိုတဲ့ဝထ္ထုတို)လေးပါ။ ကျွန်တော်မှတ်မိသမျှပြောပါ့မယ်။ ဇာတ်ကောင်က အောင်ငွေ ထင်ပါတယ်။ နောက်တစ်ယောက်က သူဇာပါ။ နောက်တစ်ယောက်က ညိုမှိုင်း။ နောက်တစ်ဦးက ပေါက်စပါ။ ဇာတ်ကောင်လေးယောက် ထဲက အဓိကကျတဲ့ ဇာတ်ကောင်က နှစ်ယောက်ပါ။ဆရာမင်းလူကတော့ ၀ထ္ထုရေးသားတင်ပြပုံက ကောင်းပါတယ်။ ဇာတ်လမ်းကို တက်သွားလိုက် ကျသွားလိုက်နဲ့ တန်ပိုမြှင့်ပေးပါတယ်။ ဇာတ်လမ်း အကြောင်းအရာပုံဖော်ထားတာက ဆပ်ကပ်ပြပွဲ တစ်ပွဲကို အခြေခံတင်ပြထားပါတယ်။ အပြလေးတွေ အပြောလေးတွေနဲ့ တစ်ခန်းနဲ့ တစ်ခန်း ခန်းကူး ခန်းဆက်ကလေးတွေကလည်းကောင်းပါတယ်။ ဇာတ်လမ်း ဇာတ်ကွက်များကို ရုပ်လုံးကြွအောင် ပုံဖော်သွားနိုင်ပါတယ်။ ပထမဆုံးပြကွက်မှာ ဆပ်ကပ်ထုံးစံအတိုင်း ဆပ်ကပ်လူရွင်တော်တွေနဲ့ ဆပ်ကပ်အခန်းအမျိုးမျိုးကို ပြသပါတယ်။ အဓိက အခန်းကို ကြောငြာလိုက်တဲ့အခါမှာ ပရိတ်သတ်က အတော်စိတ်ဝင်စားသွားပါတယ်။ အဲဒီဇာတ်ဝင်ခန်းကတော့ အများကြောက်တဲ့ ဓါးပေါက် ပြကွက်ပါ။ ဓါးပေါက်ဝိဇ္ဇာက အောင်ငွေပါ။ စက်ဝိုင်းကြီးတစ်နေရာကို ခေါက်ပြပေးတဲ့နေရာများ ကို ဓါးဝိဇ္ဇာက အတိအကျမှန်အောင် ဓါးရေးပြပြီး ပစ်ပေါက်ပြနေပါတယ်။ အဲဒီ စက်ဝိုင်းကြီးကို နောက်ခံထားပြီး ဓါးပေါက်ခံမယ့် ကောင်မလေးတစ်ယောက်ထွက်လာပါတယ်။ သူ့ကို စက်ဝိုင်းမှာကပ်ထားပြီး ချေတွေ လက်တွေကို စက်ဝိုင်းနဲ့ ကပ်ပြီးချည်လိုက်ပါတယ်။ ဒီအခန်းကို ခဏရပ်ထားပြီး ဓါးပေါက်သူ ဓါးပေါက်ခံမယ့် ကောင်မလေးတို့ နောက်ကြောင်း ကိုယ်ရေးဇာတ်လမ်းများကို ဖော်ပြပေးပါတယ်။ဓါးပေါက်သူ အောင်ငွေဟာ ဓါးပေါက်သူ ဆရာကြီးတစ်ဦးထံမှာ ပညာအဆင့်ဆင့် သင်ခဲ့ရတဲ့အကြောင်းတွေကို ဖော်ပြပါတယ်။ နောက် ဓါးပေါက်ခံရသူ ကောင်မလေး ရဲ့ ဇာတ်လမ်း ကိုလည်း ပြန်လည်ခင်းပြပေးထားပါတယ်။ ကောင်မလေးက ကိုယ်လုံးကိုယ်ထည်က လှလှပပလေး ဖော်ပြပြီး ဒီဓါးပေါက်ခံသူ တစ်ဦးက ဆပ်ကပ်ထဲက ထွက်သွားတော့ ယခုကောင်မလေးက အစားထိုးပြီးရောက်လာခဲ့ကြောင်း၊ ဒီကောင်မလေးကို ဓါးပေါက်တဲ့ အောင်ငွေက ငါ့အတွက်ကံပေါ်တာဘဲ ဆိုပြီး ကြိုက်နေပါတယ်။ သူ့တပည့် ပေါက်စ ကိုရင်ဖွင့် ပြောကြားခဲ့ပါတယ်။ ဆပ်ကပ် ဓါးပေါက်ခန်းမရောက်ခင် တညမှာ ဓါးပေါက်သူ အောင်ငွေက ဆပ်ကပ်ပွဲ နောက်ကအတွင်းခန်းထဲကို ခဏ၀င်သွားပါတယ်။ဓါးပေါက်ခံသူ ကောင်မလေးရဲ့အခန်းထဲက အသံနှစ်သံကြားလိုက်ပါတယ်။ ဓါးပေါက်ခံသူ မသူဇာ ဆိုတဲ့ ကောင်မလေးနဲ့ တစ်ဦးက ကျားပါးစပ်ထဲကို ၀င်ပြီး ကျည်ဆံအဖြစ်သက်စွန့်ဆံဖျား သရုပ်ဆောင်ရတဲ့ ဘ၀တူ ကိုညိုမှိုင်းတို့ ချစ်သူနှစ်ဦး ဖြစ်ပါတယ်။ ကိုညိုမှိုင်းက သူ့ချစ်သူကို ဓါးပေါက်သူအောင်ငွေရုပ်ဆိုးကြီးနဲ့ စိတ်မချဖြစ်နေရတဲ့ အကြောင်း အပြန်အလှန်ပြောဆိုနေကြပါတယ်။ ဒါကို ဓါးပေါက်သူ အောင်ငွေက အစအဆုံးနားထောင်ခဲ့ပါတယ်။ သူတော်တော်ခံစားထိခိုက် သွားကြောင်း သူ့တပည့် ပေါက်စကို ရင်ဖွင့်ပြီး ပြောပါတယ်။ ဒီည ဓါးပေါက်အခန်းမှာ ဓါးပေါက်ခံသူ မသူဇာက နှင်းဆီပန်းကလေးကို ခေါင်းပေါ်မှာတင်ပြီး စက်ဝိုင်းပြားကြီးမှာချေတွေ လက်တွေကို သရေကြိုးနဲ့ ကပ်ပြီးချည်လိုက်ပါတယ်။ စက်ဝိုင်းကြီးနဲ့ ဓါးပေါက်ခံသူ မသူဇာကို ချာချာလည်နေအောင် လှည့်ပေးနေပါတယ်။ ဓါးပေါက်သူ အောင်ငွေက ကောင်မလေးရဲ့ခေါင်းပေါ်က နှင်းဆီပန်းကို မှန်အောင်ပစ်ရမယ်။ နောက်က ဓါးပေါက်ခံသူကောင်မလေးနဲ့တွဲကပ်ထားတဲ့ စက်ဝိုင်းကြီးကလည်း လယ်နေပါတယ်။ ကောင်မလေးရဲ့မျက်နှာ ကိုလည်း အ၀တ်စီးထားပါတယ်။ ပရိတ်သတ်ကလည်း အသဲတယားယား ဖြစ်နေကြပါတယ်။ ဓါးပေါက်သူ အောင်ငွေက ဒီအခန်းမှာ ကောင်မလေးကို မှန်အောင်ပစ်မယ်..။ စင်ပေါ်မှာ မတော်တဆ မှန်သွားလည်း အကြောင်းမဟုတ်ဘူးဆိုပြီး တပည့်ပေါက်စနဲ့ တိုင်ပင်ထားပြီးသားပါ။ ဓါးချောင်းတွေကို ကိုင်ပြီးပေးနေသူ ပေါက်စကလည်း သူ့ဆရာမျက်နှာက နုတ်ခမ်းကို ကိုက်ပြီး မထိ တထိပြုံးနေတာကိုမြင်လိုက်ရပါတယ်။ ဓါးပေါက်သူ အောင်ငွေက ဓါးကိုတအားလွှဲပြီး ပေါက်ချလိုက်ပါတယ်။ ကောင်မလေးရဲ့ ခေါင်းပေါ်က နှင်းဆီပန်းကိုသာ တတ်ကနဲ(ယခင်ကထက်ပိုပြီး) မိမိရရ ထိစိုက်သွားပါတယ်။ အဲဒီညမှာဘဲ ဓါးပေါက်သူ အောင်ငွေက ဆပ်ကပ်ထဲကနေ သူ့တပည့်ပေါက်စနဲ့အတူ အပြီးထွက်သွားခဲ့ပါတယ်။ လမ်းမှာ တပည့်ပေါက်စ က ဆရာကို မေးပါတယ်။ ဆရာသိပ် သဘောထားကြီးတာပဲဆရာ။ သူ့ကိုမမှန်အောင် တကယ်ပစ်လိုက်တာအဟုတ်လားဆရာ..လို့မေးပါတယ်။ ဓါးပေါက်သူ အောင်ငွေက (အေး..ငါက လူကို မမှန်အောင် အမြဲလေ့ကျင့်လာတာကိုး၊ တကယ် လူကိုမှန်အောင် ပစ်လိုက်လည်း မရတော့ဘူးကွာ..) ဆိုပြီး ၀ထ္ထုကို ဒီနေရာမှာ အဆုံးသတ်သွားပါတယ်။
ဒီဝထ္ထုကို ကျွန်တော်ခံစားရတာကို ပြောလိုပါတယ်။ ကျွန်တော့် ပြောကြားချက်ကြောင့် ဆရာမင်းလူရဲ့ ၀ထ္ထုရသ ပျက်သွားရင်တော့ ခွင့်လွတ်ပါ။ သဘာဝရုပ်တ္တိမကျပါဘူး။ဝထ္ထုကောင်းတစ်ပုဒ်ဟာ သဘာဝလည်း ကျရမယ် ထင်ပါတယ်။ ဆပ်ကပ် ဓါးပေါက်ခန်းဆိုတာ ဆပ်ကပ်မဟုတ်ပါ။ မျက်လှည့် လက်လှည့်ပညာဖြစ်ပါတယ်။ ဘာကြောင့် ဒီလိုပြောရသလဲဆိုရင် ဆပ်ကပ်ပွဲတွေမှာ မရေမတွက်နိုင်အောင် ပွဲတိုင်းပေါက်လာခဲ့ကြပါတယ်။ ဓါးလွဲချော်ပြီး လူကိုမှန်သွားလို့ သေသွားတယ် ဆိုတာ ဘယ်အခါမှ မကြားဘူးခဲ့ပါဘူး။ ဒါ ဘာကြောင့်လည်းဆိုတော့ ဓါးပေါက်သူက ဓါးကို ပေါက်ချင်ဟန်ဆောင်ပြီး မျက်လှည့် လက်လှည့်ပညာနဲ့ လက်ထဲမှာဖျောက် လိုက်ပါတယ်။ စက်ဝိုင်းပြားကို(ဒိန်း)ဆိုပြီး ဓါးပေါက်တဲ့ အသံပေးလိုက်တဲ့ အချိန်မှာ စက်ဝိုင်းပြားကြီးရဲ့နောက်က ဓါးရိုးထွက်လာတာသာ ဖြစ်ပါတယ်။ ဒါကြောင့် ဒီဝထ္ထုမှာ ကျွန်တော်ပြောကြားချက်က အမှန်ဆိုရင် သဘာဝရုပ်တ္တိမကျဘဲ ပျက်သွားမှာပါ။ ဒီအကြောင်းကိုတော့ စာဖတ်သူများနဲ့ စာပေ၀ိုင်းတော်သားများက ဆက်လက်စဉ်းစား ပေးကြပါလို့ နိဂုံးချုပ်လိုက်ပါရစေ..။ (မှတ်ချက်။ စာမျက်နှာအတွက်ကြောင့် ပြောကြားချက်များအား ပြင်ဆင်၍ အကျဉ်းချုပ်သာဖော်ပြပေးထားပါသည်။)
စိတ် အဆာပြေအောင် ရှိတ်ဂျာနယ်ကိုဆောင်လို့ ဘ၀ရဲ့ သုတ၊ရသစုံတဲ့ ရှိတ်စာပေ၀ိုင်းသို့ သွားကြပါစို့…။
ရွှေလမ်းငွေလမ်းဝင်းကြည်
0 comments:
Post a Comment