``မြန်မာသတင်းစာဆရာများ သတင်းကျင့်ဝတ် ဖွံ့ဖြိုးတိုးတက်ရေး အလုပ်ရုံဆွေးနွေးပွဲ ပထမဆုံးအကြိမ် မကွေးမြို့တွင်ကျင်းပ´´
ဖေဖော်ဝါရီလ(၈)ရက် နံနက်(၉)နာရီမှ ညနေ(၃)နာရီအချိန်အထိ မကွေးမြို့ ပွဲကြိုရပ်ကွက်၊ နတ်မောက် လမ်း၊ မကွေးဟိုတယ် တွင် မြန်မာသတင်းစာဆရာများသတင်းကျင့်ဝတ် ဖွံ့ဖြိုးတိုးတက်ရေး အလုပ်ရုံဆွေးနွေးပွဲ မကွေးမြို့တွင် ပထမဆုံးအကြိမ် ကျင်းပကြောင်း သတင်းရရှိသည်။
အဆိုပါအလုပ်ရုံဆွေးနွေးပွဲသို့ မြန်မာနိုင်ငံစာနယ်ဇင်းကောင်စီ(ယာယီ) နှင့် နိုင်ငံတကာမီဒီယာ ပံ့ပိုးရေး အဖွဲ့တို့ ပူးပေါင်းစီစဉ်ကြောင်း၊ မကွေးတိုင်းဒေသကြီး သတင်းစာဆရာအသင်း၊မကွေးတိုင်းဒေသကြီး ခရိုင်/မြို့နယ် ပြန်/ဆက် ညွန်ကြားရေးမှူးများနှင့် ၀န်ထမ်းများ၊ သတင်းကွန်ရက်၊ သတင်းသမဂ္ဂများမှ RFA, DVB ရုပ်/သံ သတင်းထောက်များ၊ မြေလတ်ဒေသရှိ နေ့စဉ်သတင်းစာ၊ဂျာနယ်သတင်းသမားများ စုစုပေါင်း(၅၀) ကျော်တက် ရောက်ကြောင်း၊ မြန်မာနိုင်ငံစာနယ်ဇင်းကောင်စီ (ယာယီ) မှ ဆရာဦးကိုကို( စက်မှုတက္ကသိုလ်)ဥက္ကဋ္ဌ MJA ၊ ဦးကျော်မြင့်ဆွေ( အတွင်းရေးမှူး၊စာနယ်ဇင်းကောင်စီ-ယာယီ) နှင့် ဦးမြင့်ကျော် (အတွင်းရေးမှူး MJN) တို့မှ မီဒီယာသတင်းကျင့်ဝတ်(မူကြမ်း)အား ချပြကြောင်း၊ တက်ရောက်လာသော သတင်းသမားများက အုပ်စု(၆)ဖွဲ့ခွဲ၍ လိုအပ်ချက်များကို ပြင်ဆင်၊ ဖြည့်စွက်ဆွေးနွေး ကြကြောင်း သတင်းရရှိသည်။
`` ဒီနေ့ ကျွန်တော်တို့လာတာက မြန်မာနိုင်ငံစာနယ်ဇင်းကောင်စီ(ယာယီ) မီဒီယာကျင့်ဝတ်(မူကြမ်း)ကို ပြီးခဲ့တဲ့လထဲမှာ ရန်ကုန်မြို့မှာ ရေးဆွဲထားခဲ့ကြတာပါ။ အဲဒါကို နယ်သတင်းမီဒီယာတွေထံ ချပြဆွေးနွေးတဲ့ အလုပ်ရုံဆွေးနွေးပွဲပါ၊ ဒီပွဲကို IMS ကနေ ကူညီကျင်းပပြုလုပ်ပေးတာပါ။ အချိန်ကာလကတော့ တစ်နှစ်အတွင်း အပြီးသတ်မှတ်ထားပါတယ်။ ဒီမီဒီယာကျင့်ဝတ်ကို တစ်နိုင်ငံလုံးမှာရှိတဲ့သတင်းသမားအားလုံးက သဘောတူတဲ့ မီဒီယာကျင့်ဝတ် စည်းမျဉ်းစည်းကမ်းများ အချောဖြစ်အောင် ယခုလို နယ်တွေထိဆင်းပြီး ဆွေးနွေးပွဲတွေ လုပ်တာပါ၊ နယ်ကတော့ မကွေးမြို့က ပထမဆုံးအကြိမ်ပါဘဲ..။´´ ဟု ဦးမြင့်ကျော် မြန်မာနိုင်ငံစာနယ်ဇင်း ကောင်စီ(ယာယီ)အဖွဲဝင် က ပြောသည်။
``ရည်ရွယ်ချက်ကတော့ နယ်မြို့တွေအကုန်လုံးကိုသွားမှာပါ၊ မြန်မာနိုင်ငံသတင်းစာဆရာတွေအားလုံးရဲ့ ကိုယ်ပိုင်ကျင့်ဝတ်စည်းကမ်းတွေ ပေါ်ထွန်းလာရေး၊ သတင်းစာဆရာများကလည်း မိမိတို့ကိုယ်ပိုင်ရေးဆွဲထားတဲ့ ကျင့်ဝတ်များကို လိုက်နာရေးအတွက် အဲဒီအတိုင်း ကျွန်တော်တို့ပြုလုပ်နေတာပါ..။ ´´ ဟု ဦးကိုကို (စက်မှု တက္ကသိုလ်) ဥက္ကဋ္ဌ မြန်မာနိုင်ငံသတင်းစာဆရာအသင်း၊ မြန်မာနိုင်ငံစာနယ်ဇင်းကောင်စီ(ယာယီ)အဖွဲဝင် က ပြောသည်။
အလုပ်ရုံဆွေးနွေးပွဲအပြီးတွင် ဒေသခံသတင်းထောက်များနှင့် မြန်မာနိုင်ငံစာနယ်ဇင်းကောင်စီ(ယာယီ)တို့ ရင်းနှီးပွင့်လင်း စွာဖြင့် တွေ့ဆုံဆွေးနွေးရာ မကွေးမြို့မှ ၂၀၁၁ခုနှစ်ကDVB သတင်းထောက် ဇော်ဖေ အား မကွေးတိုင်းဒေသကြီး ပညာရေးမှူး က တရားစွဲထားသောကိစ္စ နှင့် ယူနတီသတင်းဂျာနယ်မှ အယ်ဒီတာချုပ် နှင့် သတင်းထောက် များအား နိုင်ငံတော်လျှိ့ဝှက်ချက် ဥပဒေဖြင့် တရားစွဲထားသော ကိစ္စများကိုမေးမြန်းဆွေး နွေးကြသည်။ မြန်မာနိုင်ငံ စာနယ်ဇင်းကောင်စီ (ယာယီ) မှ DVBသတင်းထောက် ကိုဇော်ဖေ(သူရသက်တင်)ကို တရားစွဲထားမှုကိစ္စမှာ တရားရုံးက အမှုစစ်ဆေးနေစဉ် ကာလ၌ ၀င်ရောက်စွက်ဖက်ခြင်းမပြုလုပ်လိုသေးကြောင်း နှင့် ယူနတီသတင်း ဂျာနယ် အမှုကိစ္စအတွက် စာနယ်ဇင်း ကောင်စီ(ယာယီ)၏ သဘောထားမှတ်ချက်စာ ထုတ်ပြန်ထားပြီးဖြစ်ကြောင်း ဆရာဦးကိုကို က ဖြေကြား၍ သတင်း ရရှိသည်။
Artikel ``မြန်မာသတင်းစာဆရာများ သတင်းကျင့်ဝတ် ဖွံ့ဖြိုးတိုးတက်ရေး အလုပ်ရုံဆွေးနွေးပွဲ ပထမဆုံးအကြိမ် မကွေးမြို့တွင်ကျင်းပ´´ ini dipublish oleh shwelannwelanwinkyi pada hari Saturday, February 8, 2014. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan ``မြန်မာသတင်းစာဆရာများ သတင်းကျင့်ဝတ် ဖွံ့ဖြိုးတိုးတက်ရေး အလုပ်ရုံဆွေးနွေးပွဲ ပထမဆုံးအကြိမ် မကွေးမြို့တွင်ကျင်းပ´´
Subscribe to:
Post Comments (Atom)
0 comments:
Post a Comment