စက်တင်ဘာ ၉၊ ဆင်ပေါင်ဝဲမြို့နယ်။
သရက်ခရိုင်၊
ဆင်ပေါင်ဝဲမြို့နယ်၊ စံပြချောင်းကောက်ကျေးရွာရှိ ဦးဝင်းခိုင် ၈/ဆပ၀(နိုင်)၀၇၁၇၇၂ ပါတောင်သူ(၃၂)ဦးတို့သည်
၎င်းတို့ယာခင်းများသို့သွားရာ လှည်းလမ်းအား လမ်းပိတ်ထားသောကြောင့် ချောင်း ကောက်ကျေးရွာအုပ်ချုပ်ရေးမှူး
ဦးကြည်လွင် နှင့်ကျေးရွာဖွံ့ဖြိုးရေးအထောက်အကူပြု တို့ထံ အကူအညီတောင်း ခဲ့ကြောင်း၊
ထို့ကြောင့် ကျေးရွာအုပ်ချုပ်ရေးမှူး ဦးကြည်လွင် နှင့်ကျေးရွာ ဖွံ့ဖြိုးရေးအထောက်အကူပြုအဖွဲ့က
လမ်းပိတ်ထားသော ယာခင်းရှင် ငါးဦးကိုခေါ်ယူ ညှိနှိုင်းဆောင်ရွက်ခဲ့ကြောင်း၊ ၎င်းယာခင်းရှင်
ငါးဦးမှ နှစ်ဦးသည် လှည်းလမ်းဖွင့်ပေးရန် သဘောတူခဲ့သော်လည်း ကျန်သောယာခင်းရှင် ဦးညွှန်ဝေ၊
ဦးကျော်ရင်၊ ဦးသိန်းလှိုင်ဝင်း တို့ သုံးဦးက လမ်းပိတ်ထားခြင်းကို ဖွင့်မပေးဘဲ ခြံစည်းရိုးခပ်ထားလိုက်သည်မှာ
ငါးလခွဲ ကြာခဲ့ပြီဖြစ်ကြောင်း၊ ၎င်း ကိစ္စအားတောင်သူများစုပေါင်းလက်မှတ်ထိုးပြီး ၂၀၁၄၊
ဇူလိုင် ၄ ရက်နေ့စွဲဖြင့် ဆင်ပေါင်ဝဲမြို့နယ် မြေယာစီမံ ခန့်ခွဲရေးကော်မတီ နှင့် အထက်အဆင့်ဆင့်ထံသို့
မိတ္တူများပို့၍ တိုင်ကြားခဲ့သော်လည်း ယနေ့ စက်တင်ဘာ ၉ ရက်နေ့အထိ ၎င်းလှည်းလမ်းကြောင်းပြန်လည်ဖွင့်လှစ်ပေးရေးကိစ္စကို
လုံးဝ ပြုလုပ်ပေးခြင်းမရှိ၍ ထပ်မံတောင်းဆို သွားမည်ဖြစ်ပါကြောင်း တောင်သူများထဲမှ ကိုဝင်းခိုင်က
မြေလတ်မီဒီယာ ကိုပြောသည်။
``ဖြစ်စဉ်က ကျွန်တော်တို့ချောင်းကောက်တိုက်နယ်
၁၆ကုတင်ဆန့်ဆေးရုံကို အစိုးရကျန်းမာရေးဝန်ကြီးဌာနမှာ လေလံရယူထားတဲ့ ခိုင်ထူးဆောက်လုပ်ရေးကုမ္ပဏီက
လာပြီးဆောက်လုပ်ပေးတယ်။ ဆေးရုံအကျယ်အ၀န်း ပေလေးရာပတ်လည် ယာခင်းမြေတွေရှာပေးရတယ်၊ ယခုဆောက်လုပ်နေတဲ့
ဆေးရုံအလယ်တည့်တည့် အပေါက်ဝက ယခင်က ယာခင်းတွေကိုသွားတဲ့ လှည်းလမ်းပါ၊ ဆေးရုံဆောက်လုပ်ဖို့မြေနေရာကို
တောင်သူ ငါးဦးတို့ကို အိမ်ဝိုင်းမြေ များအစားပေးတယ်၊ ယာမြေလျော်ကြေးငွေလည်းပေးတယ်၊
ယခုဆေးရုံရဲ့ အနောက်ဘက် မြေနေရာကို လှည်းလမ်းမြေအဖြစ်အသုံးပြုဖို့ တစ်ဆယ့်သုံးပေကိုလည်း
ဆေးရုံဆောက်လုပ် ရန်ပေလေးရာရှိ မြေထဲနေချန်ထားပြီး ဆေးရုံးဝိုင်းကို လျော့ပြီးခြံခပ်ထားခဲ့တယ်၊
အဲဒီလှည်းလမ်းနေရာနဲ့ ကပ်လျှက်ရှိတဲ့ မြေအစားရတောင်သူ ဦးညွန့်ဝေနဲ့ တောင်သူသုံးဦးတို့က
ယခင်က ဖွင့်ပေးထားတဲ့ လှည်းလမ်းကို ခြံခပ်ပြီးပိတ်ပြစ်တယ်၊ သူ့တို့ကို ကျေးရွာအုပ်ချုပ်ရေးမှူးက
ပြောတာလည်းမရလို့ ဆင်ပေါင်ဝဲမြို့နယ်မြေယာ စီမံခန့်ခွဲရေးထံကို ကျွန်တော်တို့က ဖြေရှင်းပေးဖို့စာတင်ခဲ့ပါတယ်၊
အဲဒါကို မြို့နယ်စီမံခန့်ခွဲ ရေး အတွင်းရေးမှူး မြို့နယ်မြေစာရင်းဦးစီးမှူး ဦးသိန်းမြင့်က
ကျွန်တော်တို့ အောက်ခြေ ကျေးလက်မြေယာ အထောက်အကူပြုအဖွဲ့နဲ့ မညှိနှိုင်းဘဲ သြဂုတ်လထဲကစာထွက်ပြီး
မူလ ဆေးရုံရဲ့ အနောက်ဘက်က သွားလာနေကြတဲ့ လှည်းလမ်းကို ပြန်မဖွင့်ခိုင်းဘဲ ဆေးရုံလမ်းအရှေ့ဘက်ကနေ
အဲဒီလှည်းလမ်းအတွက် ကိုးပေကျယ် လှည်းလမ်းသစ် ဖောက်ပေးရမယ်ဆိုပြီး အမိန့်စာပို့တယ်။´´
ဟု ချောင်းကောက်ကျေးရွာ အုပ်ချုပ်ရေးမှူး ဦးကြည်လွင် က ၎င်းမီဒီယာရှင်းလင်းပွဲတွင်ပြောသည်။
``ကျွန်မအဖေက ဦးအောင်သန်းကြည်၊
အသက်(၈၀)နှစ်ပါ ကျွန်မက ဒေါ်အေးကြည်(မြို့နယ်ပညာရေးမှူး အငြိမ်း စား) ပါ ဒီဆေးရုံမြေနေရာမှာ
လိုအပ်နေတဲ့ ထောင့်တစ်နေရာမြေက ကျွန်မတို့ယာခင်းပါ။ ငွေမယူဘဲ လှူဒါန်းခဲ့ ပါတယ်။ မူလကထဲက
လှည်းလမ်းကို ဆေးရုံရဲ့ အနောက်ဘက်က ပေးထားတဲ့ ဆယ့်သုံးပေလမ်းအကျယ် မြေကို ယာခင်းရှင်
ကိုညွှန်ဝေတို့က ပိတ်ထားလိုက်ကြပြီး ယခုမှ ဆေးရုံရဲ့ အရှေ့ဘက်က လှည်းလမ်းပေးပါဆိုတဲ့
မြို့နယ်စီမံခန့်ခွဲရေး အတွင်းရေးမှူး မြို့နယ်မြေစာရင်းဦးစီးမှူး ဦးသိန်းမြင့် လက်မှတ်ထိုးထုတ်ပေးတဲ့
စာကို လုံးဝ လက်မခံနိုင်ပါဘူး၊ ဒီကိစ္စကို ၂၀၁၄ ဇူလိုင် ၃ ရက်နေ့မှာ မြို့နယ်အုပ်ချုပ်ရေးမှူး
နဲ့ အဆင့်ဆင့်ထံ တင်ပြ တိုင်ကြားထားခဲ့ပါတယ်။ ´´ ဟု တိုက်နယ်ဆေးရုံ ၁၆ကုတင် မြေနေရာကို
ငွေမယူဘဲ လှူဒါန်းခဲ့သူ ဒေါ်အေးကြည် က ၎င်းပွဲတွင် ရှင်းလင်းသည်။
``၎င်းကိစ္စအား စာထုတ်ပေးသူ မြို့နယ်စီမံခန့်ခွဲရေး အတွင်းရေးမှူး
မြို့နယ်မြေစာရင်းဦးစီးမှူး ဦးသိန်းမြင့် ထံသို့ မြေလတ်မီဒီယာ သတင်းထောက်နှင့် ဒေသခံ
သတင်းထောက် တက္ကသိုလ်အငယ်လေး တုိ့မှ ဆက်သွယ်မေးမြန်းရာ..
`` ဒီစာကို ရုံးတံဆိပ်မပါဘဲ
ထုတ်ပေးခဲ့တာ ဟုတ်ပါတယ်။ တံဆိပ်တုံးရိုက်ပြီး ပြန်လည်းထပ်မံပေးပို့ခဲ့ပါတယ်။ ကျွန်တော့သဘောနဲ့မဟုတ်ပါဘူး၊
ချောင်းကောက်ကျေးရွာမြေယာစီမံခန့်ခွဲရေးအထောက်အကူပြုအဖွဲ့ကို ကျွန် တော့ရုံးသို့ခေါ်ပြီး
ညှိနှိုင်းပြီးလုပ်ကြတာပါ။ ယခုလမ်းပိတ်ထားသူ တောင်သူ ဦးညွှန့်ဝေကိုလည်း လုံးဝမမြင်ဘူး၊ မသိခဲ့ပါဘူး။´´ ဟု မြို့နယ်မြေစာရင်းဦးစီးမှူး
ဦးသိန်းမြင့်က ဖြေဆိုသည်။
၎င်းလှည်းလမ်းကို အသုံးပြုနေကြသော ချောင်းကောက်ကျေးရွာမှ တောင်သူ(၃၂)ဦးအနေဖြင့်
မူလရှိ လှည်းလမ်း ဆေးရုံ၏ အနောက်ဘက်လမ်းကိုသာ ပြန်လည်ဖွင့်လှစ်ပေးစေလိုကြောင်း၊ ယခုပိတ်ထားတာ
ငါးလခွဲအချိန်ကြာလာပြီဖြစ်၍ ယာခင်းလုပ်ငန်းခွင်သို့သွားလာရာတွင် တစ်ကွေ့တစ်ပတ်ကြီးသွားနေရ၍
အချိန် ကုန်ပြီး ဒုက္ခရောက်နေကြကြောင်း၊ ဒီကိစ္စကို မြို့နယ်မှ အောက်ခြေနှင့် မညှိနှိုင်းဘဲ
ထုတ်ပြန်ပေးထားသော စာကို ပြင်ဆင်ပြီး လမ်းပြန်ဖွင့်ရန် အမြန်ဆုံးဆောင် ရွက်ပေးစေလိုကြောင်း၊
မပေးခဲ့ပါလျှင် အပြင်းအထန် ဆက်လက် တောင်းဆိုသွားမည် ဖြစ်ကြောင်း ချောင်းကောက်ကျေးရွာ
လှည်းမောင်းသူ ဦးတင်အောင် က မြေလတ်မီဒီယာ ကိုပြောသည်။
ဝိုင်းကြည်အောင်
မကွေးမြို့
။ ဖုန်း ၀၉-၄၄၀၂၂၅၁၀၀
ဓာတ်ပုံများ မပေါ်လျှင် အောက်မှ ဘလော့ နှင့် ဖေ့စ်ဘုတ်များသို့ ၀င်ကြည့်နိုင်ပါသည်။
အစိုးရသတင်းများ၊
နိုင်ငံရေးပါတီသတင်းများ၊ ကျောင်းသားများ၊ တောင်သူလယ်သမားများ၊
အလုပ်သမားများ၊ကလေးသူငယ်များ၊လူမှုရေးအဖွဲ့အစည်းအသီးသီးမှသတင်းများနှင့်
နေ့စဉ်ထူးခြားဖြစ်စဉ်သတင်းများး ကို ပေးပို့ကြရန် လေးစားစွာဖြင့်
ဖိတ်ခေါ်အပ်ပါသည်။
uwinkyi123@gmail.com
သတ်ပုံများ စစ်ဆေးပြင်ဆင်ချိန်မရ၍ အမှားပါရင်သည်းခံဖတ်ရှုကြရန် တောင်းပန်ပါ၏။
ဓာတ်ပုံများ မပေါ်လျှင် အောက်မှ ဘလော့ နှင့် ဖေ့စ်ဘုတ်များသို့ ၀င်ကြည့်နိုင်ပါသည်။
http://magwaymedia.blogspot.com
www.winkyi.net
https://www.facebook.com/myaylatmedia
0 comments:
Post a Comment