မင်းဘူးမြို့၊ ရွှေစက်တော်ဘုရားသို့သွားရာလမ်းရှိ
ကြယ်စဉ်သစ် စားတော်ဆက်နှင့် မင်္ဂလာခန်းမ၌ စက်တင်ဘာ ၆ ရက်၊ ညနေ ၇ နာရီမှ ည ၁၁ နာရီအချိန်အထိ
မြန်မာနိုင်ငံဂီတအစည်းအရုံး(မင်းဘူး) မှ ပထမအကြိမ် စာပေဟောပြောပွဲကို စာပေ၊ဂီတ၀ါသနာရှင်များစုပေါင်းပြီး
စာပေ၀ါသနာရှင်ပရိသပ်ပေါင်း တစ်ရာကျော်ခန့်ဖြင့် ကျင်းပကြောင်း မြေလတ်မီဒီယာ က သတင်းရရှိသည်။
အဆိုပါ မြန်မာနိုင်ငံဂီတအစည်းအရုံး(မင်းဘူး) ၏ စာပေဟောပြောပွဲသို့
ဂီတအစည်းအရုံး(မင်းဘူး) ဥက္ကဋ္ဌ ဦးကိုလေး က အဖွင့်မိတ်ဆက်စကားပြောကြားဖွင့်လှစ်ပြီး ဂီတစာရေးဆရာ
ဆရာမှော်ဝန်းကြည်မြတ် မှ (သံတူကြောင်းကွဲ မူရင်းမိတ္တူ) ခေါင်းစဉ်ဖြင့် အဆိုအပြောများဖြင့်
ပြောကြားကြောင်း၊ စာရေးဆရာ အဏ္ဍ၀ါစိုးမိုး မှ (အာဂျင်တီးနားမှ ကြေးဆည်သံ) ခေါင်းစဉ်ဖြင့်ဟောပြောကြသည်။
၎င်းအခမ်းအနား၏ နောက်ဆုံးအစီအစဉ်တွင် စာဆိုတေးရှင် ဂီတာဖေ၀င်း မှ
(သီချင်းထဲက ဘ၀၊ ဘ၀ထဲ ကစာပေ) ခေါင်းစဉ်ဖြင့် အားပါးတရ သီဆိုဟောပြော၍ ည ၁၁နာရီအချိန်ခန့်တွင်
စာပေဟောပြောပွဲကို အောင်မြင်စွာကျင်းပနိုင်ခဲ့ကြောင်း မြေလတ်မီဒီယာ က သတင်းရရှိသည်။
သတင်းစဉ်
မြေလတ်မီဒီယာ
0 comments:
Post a Comment