စက်တင်ဘာ ၈၊ မင်းဘူး ။
မွေးမြူရေးလုပ်ငန်းနှင့် ကျေးလက်ဒေသဖွံ့ဖြိုးရေးဝန်ကြီးဌာန၊
မင်းဘူးခရိုင်ကျေးလက်ဒေသဖွံ့ဖြိုး ရေးဦးစီးဌာနရုံးတွင် စက်တင်ဘာ ၈ ရက်နေ့က ၎င်းတို့ဌာနမှ
မြန်မာတစ်နိုင်ငံလုံးအတွက် ၀န်ထမ်းပေါင်း သုံးထောင်ကျော်ခန့်ထားရန် လျှောက်လွှာများခေါ်ယူကြောင်း
ဒုဦးစီးမှူး ဦးမြင့်သိန်း က စက်တင်ဘာ ၈ ရက်နေ့ တွင် မဇ္ဈိမ က ပြောသည်။
ခန့်ထားမည့်ဝန်ထမ်းများမှာ ဒုတိယဦးစီးမှူးရာထူး ၂၄၂
ဦး၊ အငယ်တန်းအင်ဂျင်နီယာ(၂) ရာထူး ၄၂၁ ဦး၊ ကွန်ပျူတာလုပ်ဆောင်ရေးမှူးရာထူး ၆ ဦး၊
အကြီးတန်းစာရေးရာထူး ၆၃၄ ဦး၊ လက်ထောက်ကွန်ပျူတာ လုပ်ဆောင်ရေးမှူးရာထူး ၁၉၄ ဦး၊ အငယ်တန်းအင်ဂျင်နီယာ(၃)ရာထူး
၃၆၃ဦး၊ အငယ်တန်းအင်ဂျင်နီယာ (၄)ရာထူး ၂၈၄ ဦး၊ အငယ်တန်းစာရေးရာထူး ၂၃၀ ဦး၊ စာရင်းကိုင်(၄)ရာထူး
၁၆၃ ဦးနှင့် ဒုလက်ထောက် ကွန်ပျူတာ လုပ်ဆောင်ရေးမှူးရာထူး
၃၈၈ ဦးတို့လိုအပ်ကြောင်း သတင်းထုတ်ပြန်သည်။
`` လျှောက်ထားလိုသူများ ကျေးလက်ဒေသဖွံ့ဖြိုးတိုးတက်ရေးဦးစီးဌာန(ရုံးချုပ်)၊
နေပြည်တော်သို့ ၂၀၁၄၊ စက်တင်ဘာ ၃၀ ရက်နေ့ နောက်ဆုံးထားပြီးလျှောက်ရပါ့မယ်၊ လျှောက်လွှာများကို
ပြည်နယ်/တိုင်းဒေသကြီး/ ခရိုင်ရုံးများမှာ ရယူနိုင်ပါတယ်။´´ ဟု ဒုဦးစီးမှူး ဦးမြင့်သိန်း
က စက်တင်ဘာ ၈ ရက်နေ့တွင် မဇ္ဈိမ ကို ပြောသည်။
အသေးစိတ်အချက်အလက်များကို သိလိုပါက ကျေးလက်ဒေသဖွံ့ဖြိုးရေးဦးစီးဌာန(ရုံးချုပ်)
နေပြည်တော် ဖုန်း ၀၆၇-၄၀၉၀၃၀ / ၀၆၇-၄၀၉၃၅၉
/ ၀၆၇-၄၀၉၂၄၃ ဖုန်းများနှင့် ပြည်နယ်/တိုင်းဒေသကြီး/ခရိုင်/ မြို့နယ်ရုံးများသို့လည်း
ဆက်သွယ်မေးမြန်းဆောင်ရွက်နိုင်ကြောင်း မဇ္ဈိမ ကို သတင်းရရှိသည်။
ဝိုင်းအောင်
မကွေးမြို့
။ ဖုန်း ၀၉-၄၄၀၂၂၅၁၀၀
0 comments:
Post a Comment