မကွေး၊ နိုဝင်ဘာ ၂၀ ။
မကွေးမြို့၊ မြို့တော်ခမ်းမတွင်
ကျင်းပပေးမည့် အစိုးရမှ ရေးဆွဲထားသော အမျိုးသား မြေအသုံးချမှု မှုဝါဒ(မူကြမ်း) အား တောင်သူလယ်သမားများနှင့်
လုပ်သားပြည်သူများကို ချပြရှင်းလင်း မည်ဖြစ် ကြောင်း ကြိုတင်ဖိတ်ကြားစာအရသိရသည်။ ၎င်းဆွေးနွေးပွဲသို့
မကွေးတိုင်းတောင်သူလယ်သမား သမဂ္ဂအဖွဲ့ အစည်း မှ ဦးဆောင်ပြီး မကွေးခရိုင် တောင်သူလယ်သမားသမဂ္ဂ
တို့က အမျိုးသားမြေအသုံးချမှု မှုဝါဒ(မူကြမ်း) အပေါ် လိုအပ်ချက်များကို ဝေဖန်ထောက်ပြနိုင်ရန် မကွေးမြို့၊ ရန်မျိုးအောင်ရပ်ကွက်၊ ခွာညိုလမ်း ထိပ်ရှိ
ဦးအောင်ကျော် ကျော် နေအိမ်၌ နိုဝင်ဘာ ၂၀၊ နံနက် ၉း၃၀ မှညနေ ၅နာရီအချိန်ထိ ကြိုတင်တွေ့ဆုံ
ဆွေးနွေးကြကြောင်း မြေလတ်မီဒီယာ က သတင်းရရှိသည်။
အဆိုပါဆွေးနွေးပွဲသို့ မကွေးတိုင်းတောင်သူလယ်သမား ဥက္ကဋ္ဌ ဦးစိုးနိုင်၊
မကွေးတိုင်းတောင်သူ လယ် သမားသမဂ္ဂ အကြံပေး ဦးအောင်ကျော်ကျော် နှင့် တောင်သူလယ်သမားသမဂ္ဂ(အထက်မြန်မာပြည်)
ဘဏ္ဍာ ရေးမှူး ဦးညွန့်ဝင်းတို့ တက်ရောက်၍ မကွေးခရိုင်တောင်သူလယ်သမား ၄၀ ဦးခန့်တို့မှ
အပြန်လှန်မေးမြန်း ဆွေးနွေးကြ ကြောင်း သိရသည်။
`` ယနေ့ကြိုတင်ဆွေးနွေးပွဲကတော့ အစိုးရမှ ချပြမဲ့ အမျိုးသားမြေအသုံးချမှုမူဝါဒ(မူကြမ်း) အပေါ် တစ်ချက်ခြင်းစီကို
ထောက်ပြဝေဖန်ပေးနိုင်ဖို့အဲဒီမူဝါဒ(မူကြမ်း)ကို ဖတ်ကြားပြီး ကြိုတင်ပြင်ဆင်ကြခြင်းဖြစ်
ပါတယ်၊ တောင်သူလယ်သမားများရဲ့အခွင့်အရေးများကို တောင်သူလယ်သမားများကသာ တောင်းဆိုရမှာ
ဖြစ်လို့ မူဝါဒ(မူကြမ်း)ရဲ့ အားနည်းချက်များကို ရဲရဲဝန့်ဝန့် ပြတ်ပြတ်သားသား တောင်သူလယ်သမားများက
ထပြီး ဆွေးနွေးပေးကြဖို့အရေးကြီးပါတယ်။´´ဟု ဦးအောင်ကျော်ကျော်က ၎င်းပွဲတွင် ပြောသည်။
၎င်းတို့ဆွေးနွေးမည့်အချက်များမှာ လယ်ယာစိုက်ပျိုးရေးမူဝါဒ၊ လယ်ယာမြေပိုင်ဆိုင်မှုမူဝါဒ၊
ပြည်သူများ ပါဝင်ဆုံးဖြတ်ပိုင်ခွင့်၊ ရွေ့ပြောင်းတောင်ယာနှင့် ဓါးမဦးချလယ်ယာမြေ၊ မြေလွတ်မြေရိုင်းများ
ဖော်ထုတ်ခြင်း၊ အမျိုးသားမြေယာဥပဒေ၊မြေအသုံးချမှုမူဝါဒနှင့် ပြဌာန်းပြီးလယ်ယာမြေဥပဒေများ၊
မြေယာအငြင်းပွားမှုဖြေရှင်းရေး ယန္တရား၊ မြေယာအငြင်းပွားမှုဖြေရှင်းရေးယန္တရား၏ နောက်ဆက်တွဲ၊
မြေအသုံးချမှုစီမံခန့်ခွဲရေးကောင်စီ၊ သတင်း အချက်အလက်စီမံခန့်ခွဲခြင်းကောင်စီ၊ မြေတိုင်းတာသည့်နည်းပညာ၊
အမျိုးသမီးအခွင့်အရေး စသည့်အချက်(၁၂) ခု တို့ကို တစ်ခုခြင်း အသေးစိတ်ဆွေးနွေးကြကြောင်းသတင်းရရှိသည်။
အစိုးရမှ ထည့်သွင်းရေးဆွဲထားသော လယ်ယာမြေပိုင်ဆိုင်မှုမူဝါဒတွင်
(နိုင်ငံတော်သည်မြေယာအားလုံး၏ ပင်ရင်းပိုင်ရှင်)ဟု ဖော်ပြထားသော်လည်း နိုင်ငံတော် နှင့်
အစိုးရကွဲပြားဖို့လိုအပ်ကြောင်း၊ နိုင်ငံတော်ဆိုသည်မှာ အများပြည်သူများအားလုံးနှင့်သက်ဆိုင်ခြင်းဖြစ်ပါသည်။
လယ်ယာမြေများကို နိုင်ငံတော်က ပိုင်ဆိုင်သည်ဟု ပြဌာန်းထားသော်လည်း၊ တောင်သူများသို့
ထုတ်ပေးထားသော (ပုံစံ ၇) လယ်ယာမြေမှတ်ပုံတင်မှာ ပိုင်ဆိုင် သူဆိုသော နေရာ၌ (အစိုးရ)ဟု
ဖော်ပြထားခြင်းသည် ၎င်း မူဝါဒ မူကြမ်း၌ ရှေ့နောက်လွဲချော် နေခြင်းဖြစ်ကြောင်း ကို မကွေးတိုင်း
တောင်သူလယ်သမားသမဂ္ဂ ဥက္ကဋ္ဌ ဦးစိုးနိုင် မှ ၎င်းပွဲတွင် ချပြဆွေးနွေးပြီး ၎င်း တို့ယနေ့ ဆွေးနွေးချက်များကို မြို့တော်ခမ်းမတွင် ကျင်းပမည့် အစိုးရ၏ အမျိုးသားမြေအသုံးချမှု မှုဝါဒ(မူကြမ်း)အပေါ်
ထောက် ပြဝေဖန်သွားကြမည်ဟု ၎င်းပွဲမှ မြေလတ်မီဒီယာ က သတင်းရရှိသည်။
ဝိုင်းကြည်အောင်
မကွေးမြို့
။ ဖုန်း ၀၉-၄၄၀၂၂၅၁၀၀
ဓာတ်ပုံများ မပေါ်လျှင် အောက်မှ ဘလော့ နှင့် ဖေ့စ်ဘုတ်များသို့ ၀င်ကြည့်နိုင်ပါသည်။
အစိုးရသတင်းများ၊
နိုင်ငံရေးပါတီသတင်းများ၊ ကျောင်းသားများ၊ တောင်သူလယ်သမားများ၊
အလုပ်သမားများ၊ကလေးသူငယ်များ၊လူမှုရေးအဖွဲ့အစည်းအသီးသီးမှသတင်းများနှင့်
နေ့စဉ်ထူးခြားဖြစ်စဉ်သတင်းများး ကို ပေးပို့ကြရန် လေးစားစွာဖြင့်
ဖိတ်ခေါ်အပ်ပါသည်။
uwinkyi123@gmail.comေ မြလတ်ဒေသ သတင်းစာ နှင့်ပတ်သက်၍ လိုအပ်ချက်များကို အကြံပြုစာများလည်း မည်သူမဆိုပေးပို့ကြပါရန် ဖိတ်ခေါ်အပ်ပါသည်။
သတ်ပုံများ စစ်ဆေးပြင်ဆင်ချိန်မရ၍ အမှားပါရင်သည်းခံဖတ်ရှုကြရန် တောင်းပန်ပါ၏။
ဓာတ်ပုံများ မပေါ်လျှင် အောက်မှ ဘလော့ နှင့် ဖေ့စ်ဘုတ်များသို့ ၀င်ကြည့်နိုင်ပါသည်။
http://magwaymedia.blogspot.com
www.winkyi.net
https://www.facebook.com/myaylatmedia
0 comments:
Post a Comment