၂၆-၄-၂၀၁၂ `ကိုမြတ်ခိုင်၏ စကားများ´

ကိုယ့်အကြောင်း သူများအကြောင်း နှင့် ပတ်ဝန်းကျင်မှ အကြား အမြင်များ အမှတ်(၉၆-၄-၂၀၁၂) ၂၆-၄-၂၀၁၂ `ကိုမြတ်ခိုင်၏ စကားများ´ နံနက်(၉)နာရီမှာ သင်တန်းနေ့ ဒုတိယနေ့ဖြစ်ပါတယ်။ တစ်နေကုန် စိတ်ပါ ၀င်စားစွာဖြင့် သင်ကြားခဲ့ပါတယ်။ ကုမ္ပဏီမှ ပိုင်ရှင်ကိုယ်တိုင်လာရောက်ကြည့်ရှု ကျွေးမွေးပါတယ်။ ဟင်းလျာများမှာ စား၍ပင် မကုန်နိုင်အောင်များပါတယ်။ ညနေပိုင်း မက်စင်ဂျာနယ်က အကြီးတန်းသတင်းထောက် ကိုသန်းထွန်းအောင် နဲ့ မြန်မာပို့စ် ဂျာနယ်တိုက်ကို သွားပါတယ်။ အယ်ဒီတာ ကိုခိုင်လင်းကျော်နဲ့ မတွေ့လို့ သူ့ မက်စင်ဂျာနယ်တိုက်ကို ဆက်လိုက်သွားပါတယ်။ အဲဒီတိုက်မှာ ကိုနေခြည်(မကွေး) ရဲ့သတင်းများကို သုံးပေးဖို့ အကူအညီတောင်းခဲ့ပါတယ်။ မကွေးသတင်းတာဝန်ခံအဖြစ်လည်း ကြိုက်ရင်အသုံးပြုသွားဖို့ ပြောဆိုခဲ့ပါတယ်။ ဒီကိစ္စကို ကိုနေခြည်ထံ ဖုန်းဆက်ပြောဆိုလိုက်ပါတယ်။ အဲဒီရုံးကနေ ကိုမြတ်ခိုင်ထံ ဖုန်းဆက်ပါတယ်။ စာမှုခများထုတ်ချင်ကြောင်း စာရေးမ ပြန်ရင် ကြိုတင်ထုတ်ပေးထားရန် ဖုန်းဆက်မှာပါတယ်။ လျှပ်တစ်ပြက်ရုံးရောက်တော့ စာမူခများ ဂျာနယ်များ အဆင်ပြေစွာနဲ့ ထုတ်ရပါတယ်။ တာဝန်ခံအယ်ဒီတာ ကိုဝဏ္ဍ၊ သတင်းတာဝန်ခံ ကို အေးအောင် တို့နဲ့လည်းတွေ့ပါတယ်။ ကျောက်ခဲ့သတင်း နောက်ဆက်တွဲ သတင်းရေးသားဖို့မှာပါတယ်။ ကိုဝဏ္ဍက စကားပြောတာ မာကျောစွာ ဆက်ဆံပါတယ်။ ကိုအေးအောင်ကတော့ ပျော့ပြောင်း ပါတယ်။ ကိုမြတ်ခိုင်ကတော့ အပေါက်ဆိုးပါတယ်။ သူ့ဧည့်ခန်းထဲကို ၀င်ဖို့ သူ့တပည့်က သွားပြောပါတယ်။ ၀င်ရပါတယ်။ ဒါပေမယ့် ကိုမြတ်ခိုင်က ကျွန်တော့ကို အပေါက်ဆိုးစွာနဲ့ ကောပါတယ်။ ` မင်းတို့ မြေယာဥပဒေသင်တန်းလာတက်ရအောင် ရှေ့နေလုပ်စားကြမှာလား။ ဒါ မင်းတို့ကို ရန်ကုန် ဒီကောင်တွေက အသုံးချလိုက်တာဘဲ။ မင်းတို့ အ လို့ခံလိုက်ရတာ။ ဒါပေမယ့် မင်းတို့ စီးပွားရေး ကိုက်ရင်ပြီးတာပါဘဲကွာ´ လို့ ကိုမြတ်ခိုင်ရဲ့ အပေါက်ဆိုးဖြင့် တုတ်ထိုး အိုးပေါက်ပြောဆိုခံလိုက်ရပါတယ်။ အဲဒီကနေ မြေလတ်မင်းလွင် အိပ်ကို ဘတ်စ်ကားနဲ့ သွားပါတယ်။ (၂)မှတ်တိုင်ကို ငရဲလမ်းအဖြစ်နဲ့ ကားစီးလိုက်ရပါတယ်။ လူကကြပ်တယ်။ အပူရှိန်က တော်တော်ပြင်းပါတယ်။ မြေလတ် မင်းလွင် အိမ်ရောက်တော့ ပက်လက်ကို လန်သွားပါတယ်။ ဆရာမြေလတ်က ညစား ထမင်းကျော်ကျွေးလိုက်ပါတယ်။ အဲဒီကနေ ကားခ (၁၅၀၀ိ) ပေးပြီး ဟော်တယ်သို့ပြန်ခဲ့ပါတယ်။ ယနေ့ကားခ (၅၀၀၀ိ) ကုန်ပါတယ်။ ည ဟော်တယ်ကနေ မြန်မာပို့စ် အယ်ဒီတာထံ ဖုန်းဆက်ပြီး မနက်ဖြန် နံနက်(၇း၃၉ မှ ၈)နာရီအတွင်းလာခဲ့မယ်လို့ ချိန်းဆိုလိုက်ပါတယ်။ CHATRIUM HOTLL မြေယာမှုခင်း သတင်းများကိစ္စ သင်တန်း ၂၆-၄-၂၀၁၂ နံနက်(၉)နာရီတွင် စတင်သည်။ ဆရာဦးထွန်းလင်းဦး မှ စတင်ပြောကြားခြင်း။ လယ်သမားငယ်နှင့် လယ်မဲ့ လယ်သမားများအကြောင်း (၁) စိုက်ပျိုးထုတ်လုပ် (၂) စားရိတ် (၃) အခွန်အခ လယ်သမားကြီး၊ လယ်သမားငယ် (၅ဧက အောက်ပိုင်) ကျေးရွာတစ်ရွာ၏ ပါဝါ (၁) ခိုင်းစေလိုရသူများ (၂) အသိပညာ စီးပွာရေးကြောင့် သြဇာရှိသူများ (၃) လယ်သမားသည် ရာသီဥတုပြောင်းလဲမှုကြောင့် ခံစားရမည်၊ ကြိုတင်တွက်ချက်မှုမရှိပါ။ ငွေချေးသူကတော့ လစဉ်ပုံမှန် တွက်ချက်၍ရသည်။ လယ်သမားတွေမှာ အစဉ်အလာစိုက်ပျိုးရေးပဲရှိတယ်။ ယခု နည်းပညာတွေကလည်း ခေတ်နောက်ကျနေပါတယ်။ တစ်ဧကထွက်နှုန်းများက တော်တော်ကျလာတယ်။ မြေဆီလွှာပျက်သုန်းခြင်း။ မျိုးကောင်း မျိုးသန့်များ နည်းလာခြင်းကြောင့် ဖြစ်ပေါ်လာတယ်။ လူများတဲ့နေရာတွေ (မြို့ပြ ၆၅%)မှာ နိုင်ငံရေးက ကုန်ဈေးနှုန်းကို အခြေခံပါတယ်။ ဒါကြောင့် မြို့ပြမှာ နိုင်ငံရေးကို အစိုးရမှ အထူးဂရုစိုက်ရပါတယ်။ ကျေးလက်မှာ ၃၅% လူဦးရေသာရှိပါတယ်။ လယ်သမားတွေ လယ်ယာမြေတွေကို ဘာကြောင့်ဆုံးရှုံးရပါသလဲ။ ကြွေးတွေများနေလို့ ဖြစ်ပါတယ်။ ငွေချေးသူကလည်း မဆပ်မှာအတွက်ပူရတယ်။ လယ်သမားကလဲ ထွက်ကုန်နှုန်းကျနေ ပါတယ်။ လယ်သမားငယ်တွေမှာ ပိုပြီးအဖြစ်များတယ်။ လယ်သမားငယ်တွေမှာ ငွေချေးသူမရှိခြင်း။ မြေယာသိမ်း၍ ဆုံးရှုံးခြင်းက များပါတယ်။ မြေသိမ်းခြင်းကြောင့် လယ်သမားများရဲ့ အခြားစီးပွားရေး လူမှုရေးအတွက် ရေရှည်ပြန်ကြည့် ပေးဖို့ လိုပါတယ်။ အရင်းအနှီးများ အလွန်များပြားလာခြင်း။ ဈေးနှုန်းများ ကစားခြင်း။ ကျေးလက်စီးပွားရေးက တစ်နိုင်ငံလုံးနဲ့ ယှဉ်ရင် အားလုံးကျသွားခြင်း။ ယခုလက်ရှိ ဘယ်အဖွဲ့အစည်းကမှ လယ်သမားတွေအတွက် အကျိူးစီးပွားတွေကို ကာကွယ်ပေးခြင်း မရှိသေးပါ။ လွှတ်တော်ရောက်ဖို့အတွက် ကြားခံတွေနဲ့ ဆက်သွယ်နေရပါတယ်။ လယ်ယာမြေပိုင်ဆိုင်မှုက လုံခြုံစိတ်ချရမှု မရှိခြင်း။ မြန်မာနိုင်ငံမှာ ကျေးရွာပိုင်မြေ စားကျက်မြေများ အပိုင်မရှိတော့ပါ။ အဲဒီကိစ္စကို ပြန်လည်စဉ်းစားပေးဖို့လိုပါတယ်။ မြန်မာနိုင်ငံတစ်နိုင်ငံလုံး၏ စိုက်ပျိုးမြေ (၁၈.၃)သာရှိနေပြီး မြေယာသိမ်းမြေတွေက ပို၍များနေခြင်းကို စဉ်းစားရပါမည်။ (၇)သိန်း(၈)သိန်း ဟက်ကာ ၊ ၁.၄ သန်းဧက စိုက်ပျုိးမြေများကို စီးပွားရေး လုပ်ငန်းရှင်များကို ချထားပေးပါတယ်။ မြေယာမဲ့ များ ဆင်းရဲသူ ၂၀၀၅= ၂၃.၆% Poor 33.6 Non-Poor 19.8 ဆင်းရဲသူ ၂၀၁၀= ၂၅.၇% နံနက်(၁၁း၁၀) နာရီမှာ ပြန်စတင်သည်။ ဆရာဦးထွန်းလင်းဦး ဆက်လက်ပြောကြားသည်။ မြန်မာနိုင်ငံလယ်ယာသုံးစက်ကရိယာများ အဆင့်မမီခြင်း။ လက်တွန်းလယ်ထွန်းစက်များ။ ပိုးသတ်ဆေးများ အလွန်အကျွံ အသုံးပြုခြင်း။ မြေယာနှင့်ပတ်သက်၍ မြေယာမြှင့်တင်ပေးခြင်း။ မြေယာမြေ ရရှိရေး။ လက်လွှဲရောင်းချ ငှါးရမ်းခြင်း။ သီးစားချတဲ့ ကိစ္စ။ မြေယာမြေ ရောင်းချတဲ့ ဈေးကွက်ဖြစ်ထွန်း ပေါ်ပေါက်လာမည်။ လယ်သမားငယ်များအတွက် ချေးငွေရရှိရေး။ ၂၀၀၅ ချေးငွေ ၂၉.၇% မှ၂၀၁၀ ချေးငွေ ၃၃.၈% ရရှိခြင်း။ အသေးစားချေးငွေများကို လယ်သမားငယ်များထံရရှိရေး။ စိုက်ပျိုးရေးချေးငွေများ စိုက်ပျိုးချိန်မီရရှိရေး။ တစ်ဦးနှင့် တစ်ဦးတာဝန်ခံယူမှု၊ ၀ိုင်းဖွဲ့တာဝန်ယူမှု။ ငွေချေးဘဏ်နှင့် အဖွဲ့အစည်းများမှ ပွင့်လင်း မြင်သာမှု ရရှိရေး။ လယ်သမားများထံ အပြည့်မရောက်ဘဲ ဘယ်လောက် ပွန်းပဲ့သွားသလဲ လေ့လာရေး။ မျိုးကောင်း မျိုးသန့် မျိုးစပါးကောင်းများအတွက် ဥပဒေများ ဖြစ်ပေါ်ရေး။ လယ်သမားအဖွဲ့ ကိုယ်ပိုင်အဖွဲ့အစည်းများဖြစ်ပေါ်လာဖို့လိုပါတယ်။ ဈေးကွက်ကိစ္စ ညှိနိုင်းတိုင်ပင်ရေး။ ဥပမာ ပြည်ချင်တိုင်းတာရေးပါ ၁၆ပြည်မှ ၁၈ ပြည်ထိဖြစ်နေကြောင်း လယ်သမားများအတွက် နစ်နာမှုများနေခြင်း။ ဒါကြောင့် အဖွဲ့အစည်းရှိမှ ဒီကိစ္စတွေကို ပိုမို ပူးပေါင်းဆောင်ရွက်ကြနိုင်မှာ ဖြစ်ပါတယ်။ (၁၁း၅၂) မိနစ်မှာ ပြီး၍ မေးမြန်းကြသည်။ သတင်းထောက်(၂)ဦးမှ မေးသည်။ (၁၂း၂၅) မြေယာဥပဒေများမှာ (၂)လအတွင်း မှတ်ပုံတင်ကြရပါမည်။ သို့သော် လယ်သမားများက ဒီကိစ္စကို မသိကြပါ။ ဂျာနယ်များမှ ဒီကိစ္စကို တင်ပြသင့်ပါတယ်။ ဆရာဦးစံသိန်း ရေဆင်းတက္ကသိုလ်မ၊ ဆက်သွယ်ရန် ဖုန်း (၅၈၀၃၃၅) အမေရိကန်နိုင်ငံမှ မဟာဘွဲ့ စိုက်ပျိုးရေး သုတေသနဌာန ကြံသကြားစက် စီမံကိန်း ညွန်ကြားရေးမှူး (ငြိမ်း) ယခု အစိုးရ အကြံပေး ယခု အာဆီယံနဲ့ တွဲပြီး လုပ်နေပါတယ်။ ယခု တောင်ပေါ်ဒေသ စိုက်ပျိုးရေးအကြောင်းအရာများ နေ့လည်(၁း၃၄)နာရီမှာ ဆရာဦးစံသိန်း စတင်သင်တန်းပေးပါသည်။ မြန်မာ့သမိုင်းမှာ ပဒုံမင်းလက်ထက်တွင် တောင်သူလယ်သမားများဆင်းရဲဒုက္ခအများဆုံး ဖြစ်ခဲ့ပါတယ်။ သူကြီးနဲ့ မြေပိုင်ရှင်များ က မြေယာတွေကို ပိုင်ဆိုင်ခဲ့ကြပါတယ်။ အင်္ဂလိပ်ခေတ်မှာ အောက်မြန်မာပြည် လယ်မြေများကို မြန်မာပြည် အညာသားများ နှစ်သက်လာအောင် ထန်းပင်တွေကို စိုက်ပေးလိုက်ကြပါတယ်။ အင်္ဂလိပ်အစိုးရခေတ်မှာ ဝေးလံ တဲ့ နေရာတွေမှာ ရွာများတည်ခဲ့ပါတယ်။ တောင်ယာလုပ်ငန်းသည် မမြဲဦးပိုင်ဖြစ်ပါတယ်။မြေလွတ် မြေရိုင်းလို့ သတ်မှတ်ထားတယ်။ (၁၀)နှစ် အနားပေးထားတဲ့ တောင်ယာများဖြစ်ပါတယ်။ တောင်ယာတွေက နားပေးမှ ဘိုင်အိုဒါဗာစီ (သဘာဝ တောကောင်း သစ်ပင်များ) ပြန်လည် ကောင်းမွန်လာပါတယ်။အဲဒါကြောင့် မမြဲဦးပိုင် မှ မြဲဦးပိုင်အဖြစ်ပြောင်းလဲပေးနိုင်ပါတယ်။ A B လူတန်းစားတွေကတော့ မစိုး၇ိမ်ရပါဘူး။ C D လူတန်းစားတွေကတော့ ဝေးလံတဲ့ အန္နိယ နိုင်ငံကို ရောက်သွားနိုင်ပါတယ်။ ဒါကို အစိုးရကနေ သိမ်းယူပြီး ကုမ္ပဏီတွေကို ပေးလိုက်တယ်။ ဒါကြောင့် မြေလွတ် မြေရိုင်း ကုမ္ပဏီများကို ဧကပေါင်း(၇)သိန်းကျော် ရထားတယ်။ ယုဇနကုမ္ပဏီဖြစ်ပါတယ်။ ထပ်မံပြီး မြေဧကတွေကို တောင်းဆိုနေပါသေးတယ်။ ၂၀၀၂ ခုနှစ်မှာ မြေယာပေါ်လစီရေးဆွဲရာတွင် ဆရာဦးစံသိန်းတို့ ပါဝင်ခဲ့ပါတယ်။ သူတို့စကားကို မအောင်မြင်ခဲ့ပါဘူး။ ကျွန်တော်တို့ဟာ အချိန်ကြာလာရင် ရောင်းစားတဲ့ သူများဘ၀မှ ၀ယ်စားတဲ့ သူတွေဖြစ်ကုန်တော့မယ် ထင်ပါတယ်။ ဒါတွေကို စိုက်ပျိုးရေးနဲ့ နည်းပညာရှင်တွေ စဉ်းစားထိမ်းသိမ်းလုပ်ကိုင်ဖို့ လိုနေပါပြီ။ ကော့သောင်းမှာ ရေရှားတဲ့ တောင်တန်းကြီးကို သတ္တုတူးဖို့ နိုင်ငံခြားကို ပေးလိုက်ပါတယ်။ သဘာဝပန့်ဝန်ကျင်ထိမ်းသိမ်းစောင့်ရှောက်ဖို့ သိပ်ကို အရေးကြီးနေပါပြီ။ ကြက်ကလေး ငှက်ကလေးတစ်ကောင်ပျောက်သွားတာထက် သံယံဇာတ ထုတ်ဖို့ ရောင်းချလိုက်တာ ပိုကောင်းပါတယ် ခင်ဗျာ။ နေ့လည်(၂း၄၇)နာရီတွင် ဆရာဦးစံသိန်း ပြောဆိုပြီး။ ခေတ္တနားသည်။ နေ့လည်(၃) နာရီမှာ ပြန်လည်စတင်သည်။ ဆရာဦးစံသိန်း မှ မမြဲဦးပိုင်မှ မြဲဦးပိုင် ဖြစ်စေရန် ပြန်လည်ပြောကြားသည်။ တောင်ယာသစ်တော ထူထောင်ရန်။ အစုအဖွဲ့ပိုင်ထက် ပုဂ္ဂလိပိုင်တွေကို လုပ်ပိုင်ခွင့်ပေးဖို့ သစ်တောဝန်ကြီးဌာန က လုပ်ခွင့်ပေးနေပါတယ်။ သတင်းထောက် များက ဆရာဦးစံသိန်းအား ပြန်လည်မေးမြန်းကြသည်။ တောင်ယာမြေယာသိမ်းကိစ္စအား တိုင်းရင်းသားများနဲ့ ပြဿနာ မဖြစ်အောင် ချင်းပြည်နယ် ၀န်ကြီးချုပ်နဲ့ သူ မကြာခင်မှာ သူသွားရောက်တွေ့ဆုံမှာ ဖြစ်ကြောင်း၊ သူ ယခု ရေးသားလေ့လာပြုစုထားတဲ့ အကြောင်းများကို တင်ပြမည် ဖြစ်ပါကြောင်း ရှင်းပြပါတယ်။ မြေယာဥပဒေအတည်မပြုခင်မှာ ၀ိုင်းဝန်းပြီးရေးသားဖို့ အကြံပြုဖို့ လိုအပ်နေပါတယ်။ ကျွန်တော်တို့ ရေးသား ပြောဆိုနေတာတွေကို ပညာရပ်အဆင့်မြင့်နေလို့ ဂျာနယ်အယ်ဒီတာတွေက မကြိုဘဲ ဖြစ်နေပါတယ်။ ဟု ဆရာဦးစံသိန်း မှ ရှင်းပြပါတယ်။ မြေယာဥပဒေရေးဆွဲရာတွင် အငြိမ်းစားပညာရှင်ကြီးများ စုပေါင်းရေးထားတာဖြစ်ပါတယ်။ မြေယာကိစ္စတွေကို နားလည်သူများ ဖြစ်ပါကြောင်း ဆရာဦးစံသိန်းက ထောက်ခံပါတယ်။ သတင်းထောက်မေးမြန်းချက်။ မြေယာသိမ်းတဲ့ကိစ္စတွေက စိုးရိမ်စရာ တစ်ချို့နေရာတွေမှာ ၃၀% မှ ၆၀% အထိ ဖြစ်နေကြေင်း ဖြေဆိုပါတယ်။ ဆရာဦးစံသိန်းသည် ပဒုံမင်းလက်ထက်မှ ယနေ့အထိ မြေယာကိစ္စသမိုင်းကြောင်းကို ယနေ့ထိ သုတေသနပြုစု ရေးသားထားပါတယ်။ လို့ နောက်ဆုံး ဖြည့်စွက်ပြောဆိုသွားခဲ့ပါတယ်။ (၃း၄၂) နာရီမှာ ဆရာဦးစံသိန်းပြီးသည်။ (၃း၄၅)မှာ ဆရာ ဦးရဲနိုင်မိုး စတင် သင်တန်းပို့ချသည်။ မနေ့က မြေနဲ့ပါတ်သက်တဲ့ (၁၀)ချက် ကို ပြန်လည်ပြောပါတယ်။ ယနေ့(၃) အချက်။ ။ ကိုပြောပါတယ်။ ဥပဒေဟောင်း နှင့် ဥပဒေသစ်များကို သတင်းရေးသူက သိနေရပါမည်။ (သတင်းအရင်း အမြစ်) အရေးကြီးပါတယ်။ လူသားအရင်းအမြစ် လူသားမဟုတ်တဲ့ သတင်း အရင်းအမြစ်များ။ မြေယာသတင်း အရင်းအမြစ်၊ ဥပဒေများ မူလသတင်းအရင်းအမြစ်။ တဆင့်ခံသတင်းအရင်းအမြစ်။ (၄) အချက်။ ။ ရှေ့မှာ ဘာဆက်ဖြစ်မှာလဲ..။ (၅) အချက်။ ။ ပြဿနာတိုင်းမှ အမြတ် အရှုံး (လောက နိယာမ)။ ငွေနောက်ကိုလိုက် (သတင်းအစ ပေါ်မယ်)။ (၆) အချက်။ ။ လူသား မျက်နှာ ။ တစ်ကယ့်အောက်ခြေမှ လူသား၏ မျက်နှာ။ အနီး အဝေး ၏ အဖြစ် အပျက်များပါရမည်။ (ဒေါသ မာန်) အဂ်လိပ်ဝထ္ထု စာရေးသူ John Shein ဖြစ်ပါတယ်။ ယခု မြေယာကိစ္စနဲ့ဆင်တူနေပါတယ်။ (၇) အချက်။ ။ ကိန်းဂဏန်းများ နှင့် ပညာရပ်ဆိုင်ရာ ဝေါဟာရများ။ သတင်းများမှာ မပါလို့လည်း မရ။ များများ ထည့်မရေးသင့်ပါ။ ကိုယ်တိုင်နားလည်အောင်အရင်သိအောင် မေးမြန်းပြီးမှ ရေးပါ။ ၀ါကျတစ်ကြောင်းဖြင့် ပြန်လည်ရှင်းပြ ပေးရမည်။ ကိန်းဂဏန်းကို အတိအကျ မရေးဘဲ အများသိစေမယ့် အတိုင်းအတာဖြင့် ခိုင်းနိုင်းရေးသားရပါမည်။ (၈) အချက်။ ။ နောက်ခံ သမိုင်း။ ကို သတိထားပြီး အနည်းငယ်ထည့်ပေးရမည်။ (၉) အချက်။ ။ တိုက်ပွဲဝင်သူများ။ အကျိုးတူ အမျိုးတူများ စုပေါင်းခြင်း။ ဖိအားပေးမယ့် အဖွဲ့များ။ ဥပဒေပြုသူများ။ ပါဝင်အောင်ရေးရမည်။ (၁၀) အချက်။ ။ တိကျ မှန်ကန် ရမည်။ ဟန်ချက်ညီမှု ရှိရမည်။

Penulis : shwelannwelanwinkyi ~ Sebuah blog yang menyediakan berbagai macam informasi

Artikel ၂၆-၄-၂၀၁၂ `ကိုမြတ်ခိုင်၏ စကားများ´ ini dipublish oleh shwelannwelanwinkyi pada hari Tuesday, May 22, 2012. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan ၂၆-၄-၂၀၁၂ `ကိုမြတ်ခိုင်၏ စကားများ´