၃-၃-၂၀၁၂ `မကွေးစာနယ်ဇင်း ရွှေစက်တော်ဘုရားဖူးခရီစဉ်´

ကိုယ့်အကြောင်း သူများအကြောင်း နှင့် ပတ်ဝန်းကျင်မှ အကြား အမြင်များ အမှတ်(၄၂-၂၀၁၂) ၃-၃-၂၀၁၂ `မကွေးစာနယ်ဇင်း ရွှေစက်တော်ဘုရားဖူးခရီစဉ်´ ၂-၃-၂၀၁၂ နေ့ နံနက်(၈)နာရီခွဲ မကွေးမှ ထွက်ပါတယ်။ ရွှေစက်တော်ဘုရားသို့ နံနက်(၁၀နာရီခွဲ) မှာ ရောက်တယ်။ လိုက်ပါလာသူများကတော့ ဆရာတင်လင်းဇော်တို့လင်မယား-ဆရာမခင်စံပယ်ဖြူ၊ ဆရာမျိုးဇော်တို့လင်မယား-ဆရာမ နော်လီကို၊ ဆရာဂျီမောင်မောင်ပြူး၊ ဆရာလွမ်းရ၊ ဆရာဝင်းသက်ခိုင်၊ ဆရာဇော်မြင့်ဇော်၊ ဆရာ မကွေးမြင့်ကျော်၊ မြန်မာပြည်ဆရာဟိန်း၊ ဆရာနေခြည် နဲ့ စာရေးသူတို့ စုစုပေါင်း(၁၂)ယောက် သွားကြပါတယ်။ ဒီနေ့ တောင်သူလယ်သမား နေ့ နဲ့ နောက်နှစ်ရက်ကလဲ စနေ၊ တနင်္ဂနွေနေ့ ဆက်နေတော့ ရွှေစက်တော်ဘုရားမှာ တော်တော်စည်ကားနေပါတယ်။ တည်းကျောင်း တစ်ခန်း( လူငါးယောက်အိပ်) ကို တစ်ညအိပ်(တစ်ရက်)မှာ ငွေ(၆၀၀၀၀ိ) ခြောက်သောင်းကနေ ငွေ(၈၀၀၀၀ိ)ရှစ်သောင်းကျပ်အထိ ပေးပြီးငှါးရပါတယ်။ ကျွန်တော်တို့အဖွဲ့က ရွှေစက်တော် ကျမ်းမာရေးဌာန ရုံးခန်းမှာ တည်းခိုနေရာရပါတယ်။ ဂေါပကအဖွဲ့မှ ဘာမှ မကူညီနိုင်ပါ။ ဂေါပကလူကြီး ဆရာကိုဝင်းဌေးလည်း ကျွှန်တော်တို့ကို အားနာနေရှာပါတယ်။ ကျွန်တော်တို့ အဖွဲ့သား ဂျီမောင်မောင်ပြူး (ခ) ကိုလှဝင်း မျက်နှာနဲ့ ကျမ်းမာရေးမှူးက ကျွန်တော်တို့ အဖွဲ့ကိုနေရာပေးပါတယ်။ (၂)ခန်း နေရာချထားပေးပါတယ်။ အဲဒီက ရုံးတာဝန်ခံကို ငွေတစ်သောင်းခွဲ ကျေးဇူးတင်လို့ ကြည်ဖြူစွာနဲ့ ပေးခဲ့ကြပါတယ်။ ဒီနေ့က ဘုရားဖူးပရိတ်သတ်က တော်တော်များလာတော့ ကွင်းလုံးပြည့်သွားပါတယ်။ တည်းခိုဆောင် ငှါးစရာမရှိ၊ ကားရပ်စရာနေရာမရှိ ဖြစ်သွားကြရပါတယ်။ ကျွန်တော်တို့ (၂)ခန်းယူထားတဲ့ (၁)ခန်းကိုလဲ ကျန်းမာရေးဌာနက အထူးဧည့်သည်ရောက်လာတော့ ပြန်ပေးလိုက်ရပါတယ်။ ကျွန်တော်တို့ အဖွဲ့ ညအိပ်စရာ နေရာအခက်အခဲ ဖြစ်သွားရပါတယ်။ ဒါကြောင့် အများဆန္ဒအရ ည(၁၀း၃၀) နာရီမှာ မကွေးမြို့ကို ပြန်အိပ်ကြပါတယ်။ ည(၁၁း၃၀)နာရီမှာ မကွေးမြို့သို့ ပြန်ရောက်ပါတယ်။ မြို့ထဲနေရာစုံ ပါလာသူများကို လိုက်ပို့ရတော့ ည (၁)နာရီမှ အိပ်ရပါတယ်။ ည အိပ်ရေးပျက်နေသော်လည်း လမ်းဘေးက ပလပ်စတစ်ကောက်သူ ကလေးနှစ်ဦးကြောင့် နံနက်(၄)နာရီမှာ ပြန်နိုးနေရပါတယ်။ နံနက်ပိုင်းအိပ်နေစဉ် ချောက်မြို့နယ်ပြန်/ဆက် ဦးသန့်ရှင်းမောင်ထံက ဖုန်းဆက်ခေါ်ပါတယ်။ မလာနိုင်ကြောင်း အကြောင်းပြန်လိုက်ပါတယ်။ နေ့လည် (၁၂း၃၀)နာရီ ဆရာတင်လင်းဇော်နဲ့ ချိန်းပြီး ဟိုက်ကလပ်(၂) လက်ဖက်ရည်ဆိုင်မှာ အင်တာနက် သုံးကြပါတယ်။ ညနေ(၃)နာရီမှ အိမ်ကို ပြန်ရောက်တယ်။ ညနေ ဆရာကြီးတို့လာပါတယ်။ ယနေ့ မိုးအေးနေပါတယ်။ ည မိုးနည်းနည်းရွာနေတယ်။ ည မြန်မာပို့စ်ဂျာနယ်သို့ ရွှေစက်တော် တည်းကျောင်းများ ဈေးကြီးတဲ့ သတင်းရေးပြီး မေးလ်ပို့လိုက်ပါတယ်။ မန်းရွှေစက်တော်က တည်းခိုခန်း(တည်းကျောင်းခ)တွေ ဈေးကြီးသနော် ၂-၃-၂၀၁၂၊(သောကြာနေ့) တောင်သူလယ်မားနေ့ မှာ မကွေးတိုင်းဒေသကြီး၊ မင်းဘူးခရိုင်၊ မင်းဘူး(စကု)မြို့နယ်က မန်းစက်တော်ရာ ရွှေစက်တော်ဘုရားပွဲတော်သို့ ဘုရားဖူးရောက်ရှိခဲ့ပါတယ်။ သောကြာ၊ စနေ၊ တနင်္ဂနွေ နေ့များ ရုံးပိတ်ရက်(၃)ရက်ဆက်တိုက်ဖြစ်နေလို့ အနယ်နယ် အရပ်ရပ်က ဘုရားဖူးများ အလွန်များပြားစည်ကားနေတာကို မြင်တွေ့ရပါတယ်။ ဒီဘုရားပွဲတော်ကြီးက တပို့တွဲလဆန်း(၅)ရက်မှ တပေါင်းလ၊ တန်ခူးလ သင်္ကြန်အပြီး မြန်မာနှစ်ဆန်းတစ်ရက်နေ့အထိ ရက်ရှည်ကျင်းပတဲ့ မြန်မာပြည်က သမိုင်းဝင်ပွဲတော်ကြီးဖြစ်ပါတယ်။ မန်းစက်တော်ဘုရား ပွဲတော်မှာ ၀ါးခင်း၊ထရံကာ၊သက္ကယ်မိုးများနဲ့ ဆောက်လုပ်ထားတဲ့ သီးသန့်လုံးချင်းတည်းခိုဆောင်များနဲ့ တည်းခိုဆောင်( ဒေသအခေါ် တည်းကျောင်း) များရှိပါတယ်။ အဲဒီတည်းခိုခန်း (၁၁)ခန်းတွဲ တစ်တွဲစီကို တည်းခိုဆောင်တစ်လုံး အဖြစ်သတ်မှတ် နေရာချထားပြီး ဆောက်လုပ်ပေးထားပါတယ်။ တစ်ခန်းလျှင် လူ ခုနှစ်ဦးခန့်သာ အိပ်စက်နိုင်ပါတယ်။ အဲဒီတည်းခိုခန်း(၁)ခန်းကို ငှါးရမ်းခက ပုံမှန်ဈေးမရှိပါ။ တစ်ခန်းငှါးရမ်းခ(တစ်ညအိပ်)တစ်ရက်၊ ဈေးနှုန်းများမှာ ကြိတ်နှုန်း(၁၀၀၀၀ိ) တစ်သောင်းခန့်သာ ရှိကြောင်း ကြားသိရ ပါတယ်။ ဒါပေမယ့် လူမစည်တဲ့ (ကြားရက် ရုံးဖွင့်ရက်)တွေမှာ (၅၀၀၀ိ) ငါးထောင်ခန့်ဖြင့်လည်း ဈေးလျှော့ပြီး ငှါးကြပါတယ်။ ဒါပေမယ့် ကျွန်တော်တို့ရောက်ခဲ့တဲ့ ရုံးပိတ်ရက်(၃)ရက်မှာတော့ ` အမတို့က ရန်ကုန်ကလာကြတာပါ။ ဒီတစ်ခန်းကို တစ်ညအိပ် တစ်ရက် (၆၀၀၀၀ိ) ခြောက်သောင်းကျပ်ပေးရပါတယ်၊ ဒါက ရက်ကြိုတင်ငှါးထားလို့ရတာပါ။´လို့ ပြောဆိုပါတယ်။ `အကိုတို့က မြင်းခြံကလာပြီး ဘုရားဖူးကြတာပါ။ လူ(၁၅)ယောက်လာပါတယ်။ တည်းကျောင်း (၂)ခန်းငှါးထားပါတယ်။ တစ်ခန်းကို (၈၀၀၀၀ိ) ရှစ်သောင်းကျပ်ပေးပြီး ယနေ့ ငှါးထားပါတယ်။ မနက်ဖြန် နံနက်ပိုင်း ပြန်ကြမှာပါ´၊ဘုရားဖူးလာကြရတာ လမ်းကြေး၊ တံတားကြေး စရိတ်စကတွေက ဈေးတော်တော်ကြီးနေပါတယ်။ ဆိုင်ကယ်တစ်စီးကို ပွဲတော်အ၀င်ဂိတ်က တစ်ထောင်ကျပ်တောင်းပါတယ်။ ကားလေးတစ်စီး နှစ်ထောင်ကျပ် တောင်းလို့ပေးခဲ့ရပါတယ်။´လို့ ဘုရားဖူးအမျိုးသားတစ်ဦးက ပြောဆိုလို့ ကြားသိခဲ့ရပါတယ်။ `ယခုလို ရုံးပိတ်ရက် ရက်ရှည် ရက်များနဲ့ (၁၀)တန်းစာမေးပွဲ ပြီးတဲ့ရက်တွေမှာ ဘုရားပွဲတော်အ၀င်ဝကနေ စောင့်နေကြတဲ့ (ရွှေကြို) လို့ခေါ်တဲ့ ဧည့်ကြိုအဖွဲ့တွေရှိပါတယ်။ သူတို့ အဖွဲ့တွေက တည်းခိုခန်း တစ်ခန်းကို (ငွေတစ်သောင်းကျော်လောက်) နဲ့ ဈေးနှုန်းဖြတ်ပြီး တည်းကျောင်းတွေကို ကြိုတင်ဝယ်ယူထားကြပါတယ်။ သူတို့က ယခုလို ဘုရားဖူးစည်ကားတဲ့ ရက်တွေမှာ ရိုက်စားလုပ်ကြတာပါ။ အချို့တည်းခိုဆောင်ပိုင်ရှင်တွေကတော့ အဲဒီရွှေကြိုတွေကို အများကြီးမွေးထားပြီး ရာခိုင်နှုန်းစားတွေ နဲ့ ပေးပြီး ဈေးနှုန်းတွေကို ရရင် ရသလို တောင်းဆိုယူကြပါတယ်။ သက်ဆိုင်ရာ ဘုရားဂေါပကတွေကလဲ ဈေးနှုန်းသတ်မှတ်ထားတာ မရှိပါဘူး။ ဘာကြောင့်လဲဆိုတော့ ယခုတည်းခိုဆောင် (တည်းကျောင်း) ပိုင်ရှင်အများစုက ဒီမြေနေရာနဲ့ အဆောက်အဦးများကို သူတို့နာမည်နဲ့ ရထားကြသူတွေမဟုတ်ကြပါဘူး။ သက်ဆိုင်ရာဆီကနေ မြေနေရာနဲ့ အဆောက်အဦး လေလံများကို အမည်အမျိုးမျိုးနဲ့စာရင်းပြပြီး ရယူထားကြသူတွေသာ ဖြစ်ပါတယ်။ အဲဒီ လေလံရထားသူတွေဆီကမှ တစ်ဆင့်၊ နှစ်ဆင့်၊ သုံးဆင့် အမြတ်ယူပြီးရောင်းစားလိုက်ကြတာ (၁၁)လုံးခန်းပါတဲ့ တည်းခိုဆောင် တစ်ဆောင်ကို ငွေကျပ်သိန်း(၆၀)ခန့် အထိ ယခုနှစ်ပေါက်ဈေး ဖြစ်သွားပါတယ်။ မူလ အရင်းကျတဲ့ဈေးက (၃၅)သိန်းခန့်သာ ပေးရတာပါ။ ဈေးဆိုင်ခန်းတွေလဲ ဒီလိုပါဘဲ၊ မြေနေရာနဲ့ဆိုင်ခန်း(၆)ပေအကျယ်ရှိ ဆိုင်ခန်းတွေကို ယခုနှစ်ပေါက်ဈေး(၁၀)သိန်းခန့်နဲ့ တဆင့်ဝယ်ပြီး ဈေးလာရောင်းတဲ့ဆိုင် တွေကများကြပါတယ်။မူရင်းဈေး ဆိုင်ခန်း(၆)ပေအကျယ်ရှိ ဆိုင်ခန်း(၁)ခန်းမှာ ငွေကျပ်တစ်သိန်းကျော်သာ ကုန်ကျပါတယ်။ ဒါကြောင့် ဒီပွဲတော်ကို အမြဲတန်းလာပြီး အမှန်တစ်ကယ် လုပ်ကိုင်နေကြသူဈေးသည်တွေကိုသာ ဘုရားကြီးအလှူငွေများလည်းရအောင် သင့်တင့် တဲ့ ကြမ်းခင်းလေလံဈေးနှုန်းများနဲ့ အပြိုင်ဆွဲလို့ ရစေချင်ကြပါတယ်။ ယခုလို တဆင့်ခံ အမြတ်ယူရောင်းစား နေကြတော့ အစစအရာရာမှာ ဈေးတွေကြီးကုန်တာပေါ့။ ဈေးဆိုင်ခန်းများ၊ တည်းကျောင်းမြေနေရာနဲ့ ဆောက်လုပ်ခ လေလံဈေးတွေ ကြီးတော့ ဘုရားဖူးလုပ်သား ပြည်သူတွေရဲ့ ခေါင်းပေါ်ကို ရောက်လာပြီး တည်းကျောင်း တစ်ခန်း(၆၀၀၀၀ိ/၈၀၀၀၀ိ) ဖြစ်ကုန်တာပေါ့ဗျာ..။´ ဒီလိုမျိုးတွေ အများပြည်သူတွေအပေါ်ကို ၀န်ထုပ်ဝန်ပိုးတွေ မဖြစ်ရအောင် ခေတ်စနစ်နဲ့ အညီ လိုအပ်တာများကို ပြုပြင်ပြောင်းလဲ လုပ်ကိုင်ဆောင်ရွက်ပေးသင့်ပါပြီ ..။´ လို့ မန်းရွှေစက်တော်ဘုရားပွဲတော်မှာ နှစ်ပေါင်း(၂၀) သက်တန်းကြာအောင် ဈေးရောင်းချလာတဲ့ ဆိုင်ပိုင်ရှင်တစ်ဦးက မြန်မာပို့စ် သတင်းဂျာနယ်သို့ ပြောဆိုလို့ ကြားသိခဲ့ရပါတယ်။

Penulis : shwelannwelanwinkyi ~ Sebuah blog yang menyediakan berbagai macam informasi

Artikel ၃-၃-၂၀၁၂ `မကွေးစာနယ်ဇင်း ရွှေစက်တော်ဘုရားဖူးခရီစဉ်´ ini dipublish oleh shwelannwelanwinkyi pada hari Monday, May 21, 2012. Semoga artikel ini dapat bermanfaat.Terimakasih atas kunjungan Anda silahkan tinggalkan komentar.sudah ada 0 komentar: di postingan ၃-၃-၂၀၁၂ `မကွေးစာနယ်ဇင်း ရွှေစက်တော်ဘုရားဖူးခရီစဉ်´